حفیظ جالندھری جدھر دیکھو ہجومِ رہبراں ہے۔۔۔حفیظ جالندھری

[فرحت کیانی]

جدھر دیکھو ہجومِ رہبراں ہے
کدھر ڈھونڈوں مرا رہزن کہاں ہے

جرس کی ہر صدا اب رائگاں ہے
تباہی کارواں در کارواں ہے

لہو کی بُو ہے، آتش ہے دھواں ہے
بہرسُو گلستاں جنت نشاں ہے

معاذ اللہ پستی کی بلندی
زمیں اُوپر ہے، نیچے آسماں ہے

وہ ایماں کا صفایا کر چکے ہیں
اب ان کا شغل، استحصالِ جاں ہے

لُہو کے گھونٹ پینا اور جینا
غنیمت ہے کہ ساقی مہرباں ہے

حفیظ اُردو شکستی کو تو روکو
یہ پیارے میر صاحب کی زباں ہے

۔۔۔حفیظ جالندھری

 

[یونس رضا]

بہت خوبصورت کلیکشن ہے

 

[فرحت کیانی]

پسندیدگی کے لئے بہت شکریہ ڈاکٹر صاحب

 

[الف عین]

مطلع میں دونوں مصرعوں میں الف زائد ہے رہبر اور رہزن کا محل ہے۔ یعنی پہلے مصرعے میں رہبراں اور دوسرے مصرعے میں رہزن۔۔
شکریہ فرحت۔ تم کو ڈس کریج نہیں کر رہا۔ محض ایک غلطی کی نشان دہی کر رہا ہوں۔ جو مجھ کم بخت سے کبھی دیکھی نہیں جاتی۔

 

[فرحت کیانی]

مطلع میں دونوں مصرعوں میں الف زائد ہے رہبر اور رہزن کا محل ہے۔ یعنی پہلے مصرعے میں رہبراں اور دوسرے مصرعے میں رہزن۔۔
شکریہ فرحت۔ تم کو ڈس کریج نہیں کر رہا۔ محض ایک غلطی کی نشان دہی کر رہا ہوں۔ جو مجھ کم بخت سے کبھی دیکھی نہیں جاتی۔

السلام علیکم سر
خوش بختی کہ آپ میری پوسٹ دیکھتے ہیں اور غلطی کی نشاندہی بھی کرتے ہیں۔۔میری املا واقعی بہت خراب ہوتی جا رہی ہے۔ درستگی کر دی ہے۔۔ایک بار پھر بہت شکریہ

 

[محمد وارث]

کیا مقتضائے حال غزل ہے، واہ واہ واہ، سبحان اللہ

بہت شکریہ فرحت شیئر کرنے کیلیئے

 

[یونس رضا]

پسندیدگی کے لئے بہت شکریہ ڈاکٹر صاحب

میری پسند کی نہیں کلام کی خوبصورتی کا کمال ہے۔۔۔

 

[فرخ منظور]

بہت ہی خوبصورت غزل ہے - بہت شکریہ فرحت!‌

 

[فاتح]

فرحت! ہمیشہ کی طرح انتہائی خوبصورت کلام شیئر کیا ہے آپ نے۔ شکریہ!

مطلع میں دونوں مصرعوں میں الف زائد ہے رہبر اور رہزن کا محل ہے۔ یعنی پہلے مصرعے میں رہبراں اور دوسرے مصرعے میں رہزن۔۔
شکریہ فرحت۔ تم کو ڈس کریج نہیں کر رہا۔ محض ایک غلطی کی نشان دہی کر رہا ہوں۔ جو مجھ کم بخت سے کبھی دیکھی نہیں جاتی۔

اعجاز صاحب! میں سمجھتا ہوں کہ فرحت نے اس غزل کے مقطع کی مناسبت سے یہ کجی جان بوجھ کر چھوڑی تھی۔

حفیظ اُردو شکستی کو تو روکو
یہ پیارے میر صاحب کی زباں ہے

فرحت! مجھے امید نہیں بلکہ یقین ہے کہ میرے مذاق کا برا نہ مانا جائے گا۔

 

[الف عین]

مجھے بھی خیال آیا تھا فاتح کہ حفیظ کے اسی شعر کا ذکر بھی کروں لیکن پھر چھوڑ دیا بات زیادہ بڑی نہ بن جائے۔

 

[شعیب خالق]

بہت خوب فرحت کیانی صاحبہ خاص طور پر یہ شعر

معاذ اللہ پستی کی بلندی
زمیں اُوپر ہے، نیچے آسماں ہے

 

[فاتح]

مجھے بھی خیال آیا تھا فاتح کہ حفیظ کے اسی شعر کا ذکر بھی کروں لیکن پھر چھوڑ دیا بات زیادہ بڑی نہ بن جائے۔

لیکن میں اس لیے نہیں چوکا کہ مجھے گذشتہ چند مکاتیب کے توسط سے فرحت کے ظرف کا اندازہ ہے کہ وہ اس کا برا نہیں مانیں گی۔

 

[فرحت کیانی]

فرحت! ہمیشہ کی طرح انتہائی خوبصورت کلام شیئر کیا ہے آپ نے۔ شکریہ!




اعجاز صاحب! میں سمجھتا ہوں کہ فرحت نے اس غزل کے مقطع کی مناسبت سے یہ کجی جان بوجھ کر چھوڑی تھی۔


فرحت! مجھے امید نہیں بلکہ یقین ہے کہ میرے مذاق کا برا نہ مانا جائے گا۔

well siad فاتح اور میں نے آپ کے مذاق کا ہر گز برا نہیں منایا ۔۔ابھی میری حسِ مزاح مکمل فوت نہیں ہوئی ہے۔۔

مجھے بھی خیال آیا تھا فاتح کہ حفیظ کے اسی شعر کا ذکر بھی کروں لیکن پھر چھوڑ دیا بات زیادہ بڑی نہ بن جائے۔

مجھے اپنی غلطی مان لینے میں کبھی بھی عار نہیں ہوا سر۔۔ میری غلطی تھی آپ جس طرح بھی اس کی نشاندہی کریں مجھے کبھی بھی برا نہیں لگے گا

 

[فرحت کیانی]

لیکن میں اس لیے نہیں چوکا کہ مجھے گذشتہ چند مکاتیب کے توسط سے فرحت کے ظرف کا اندازہ ہے کہ وہ اس کا برا نہیں مانیں گی۔

شکریہ
ویسے میں جتنی غلطیاں محفل پر اردو لکھتے ہوئے کرتی ہوں اتنی تو کبھی سکول کے زمانے میں بھی نہیں کی تھیں :ش:

 

[کاشفی]

بہت خوبصورت انتخاب ہے۔۔بہت شکریہ شیئر کرنے کے لیئے۔۔

 

[عاطف بٹ]

حفیظ اُردو شکستی کو تو روکو
یہ پیارے میر صاحب کی زباں ہے
واہ، بہت عمدہ غزل ہے۔

 

[سید زبیر]

جرس کی ہر صدا اب رائگاں ہے​

تباہی کارواں در کارواں ہے​

واہ ۔ ۔ ۔بہت عمدہ کلام

​

 

[طارق شاہ]

بہت خوبصورت انتخاب پر بہت سی داد قبول کریں
تشکّر
بہت خوش رہیں