جب سے بیگم نے مجھے مرغا بنا رکھا ہے

[ساجداقبال]

[align=center:0bb2a6fe70]جب سے بیگم نے مجھے مرغا بنا رکھا ہے
میں نے نظروں کی طرح سر بھی جھکارکھاہے

برتنو! آج مرے سر پہ برستے کیوں ہو
میں نے تم کو توہمیشہ سے دُھلا رکھا ہے

پہلے بیلن نے بنایا تھا میرے سر پہ گومڑ
اور اب چمچے نے میرے گال سجا رکھا ہے

سارے کپڑے تو جلا ڈالے ہیں بیگم نے
تن چھپانے کو بنیان پھٹا رکھا ہے

وہی دنیا میں مقدر کا سکندر ٹھہرا
جس نے خود کو ابھی شادی سے بچا رکھا ہے

پی جا اس مار کی تلخی کو بھی ہنس کر یونہی
مار کھانے میں بھی قدرت نے مزا رکھا ہے​

ماخذ[/align:0bb2a6fe70]

 

[محب علوی]

ساجد شادی ہوئے کتنا عرصہ ہوگیا ہے

 

[قیصرانی]

بہت عمدہ ساجد بھائی

 

[تیشہ]

 

[پاکستانی]

خوب ، قیصرانی بھائی کے لئے سبق ہے اس میں ہم تو ویسے ہی سولی پہ لٹکے ہوئے ہیں

 

[قیصرانی]

خوب ، قیصرانی بھائی کے لئے سبق ہے اس میں ہم تو ویسے ہی سولی پہ لٹکے ہوئے ہیں

شکریہ کہ کسی نے تو مانا

 

[رضوان]

ساجد شادی ہوئے کتنا عرصہ ہوگیا ہے

محب بھائی یہ پوچھیے کہ مرغا کب سے بنے ہوئے ہیں؟
آپ کی اور میری طرح ازلی تو نہیں کہ پہلے والدین پھر اساتذہ پھر چل سو چل والی بات ہے۔۔۔۔۔۔

 

[ساجداقبال]

ہنوز شادی دور است

محب بھائی شادی تو ابھی کی نہیں یعنی ابھی تک مقدرکے سکندرہیں۔

 

[قیصرانی]

پھر سبق پکڑیں

 

[محب علوی]

رضوان آپ بھی بات کو کھول کر رکھ دیتے ہیں۔

ساجد کب تک مقدر کے سکندر رہو گے آخر یہ سکندری جانی ہے۔

 

[پاکستانی]

وہ کہتے ہیں نا کہ شادی ایک ایسا میوہ ہے جس نے کھا لیا وہ بھی پچھتائے جس نے نہ کھایا ہو وہ بھی پچھتائے۔

 

[قیصرانی]

لیکن پاکستانی بھائی، ہم ٹھہرے وہی کہ جب تک غلطی نہ کریں گے، سیکھیں گے نہیں (اب اس ساری بات کو ایک لفظ میں نہ بیان کر دیجیئے گا )

 

[ساجداقبال]

ہائے سچ مچ ہماری سکندری کو نظر لگ گئی۔ اس دفعہ جب گاؤں گیا تو والدین نے خوشخبری یا بدخبری سنائی کہ ایک عدد آپ کیلئے پسند فرمالی ہے۔
فی الحال تو لڈو ہی پھوٹ رہے ہیں۔

 

[قیصرانی]

فی الحال تو لڈو ہی پھوٹ رہے ہیں۔

فی الحال؟‌ کیا پوری مٹھائی کی دوکان پھوٹنی تھی

 

[حسن علوی]

جب سے بیگم نے مجھے مرغا بنا رکھا ھے!!!

---------------------------پیروڈی------------------------

جب سے بیگم نے مجھے مرغا بنا رکھا ھے
میں نے نظروں کی طرح ‌سر بھی جُھکا رکھا ھے

برتنوں‌! آج میرے سر پہ برستے کیوں‌ہو
میں دھو دھا کے تمہیں کتنا سجا رکھا ھے

پہلے بیلن نے بنایا میرے سر پر گُومڑ
اب چِمٹے نے میرا گال سُجا رکھا ھے

سارے کپڑے تو جلا ڈالے میری بیگم نے
زیبِ تن کرنے کو بنیان پھٹا رکھا ھے

اے کنوارو! یونہی آباد رہو شاد رہو
ہم کو بیگم نے تو سُولی پہ چڑھا رکھا ھے

وہی دنیا میں مقدر کا سکندر ٹھہرا!
جس نے خود کو یہاں شادی سے بچا رکھا ھے

حقِ نسواں کی جو لیڈر ہیں بتائیں تو ذرا
کس نے سرتاج کو جوتی پہ اُٹھا رکھا ھے

روز لیتی ھے تلاشی وہ پولیس کی مانند
پوچھتی ھے کہاں پیسوں کو چُھپا رکھا ھے

پی جا اس مار کی تلخی کو بھی ہنس کے اکبر
مار کھانے میں بھی قدرت نے مزہ رکھا ھے۔

 

[گرو جی]

عمدہ ویسے میں نے بھی اس کی پیروڈی بنائی ہے گر اجازت ہو تو پیش کروں

 

[شمشاد]

ضرور پیش کریں، اس میں پوچھنے کی کیا بات ہے۔

 

[ایم اے راجا]

بہت خوب پیروڈی ہے، واہ واہ، شکریہ۔

 

[حسن علوی]

عمدہ ویسے میں نے بھی اس کی پیروڈی بنائی ہے گر اجازت ہو تو پیش کروں

جی ضرور گرو جی، اس میں بھلا پوچھنے کی کیا بات تھی ضرور پیش کیجیئے گا۔

 

[عندلیب]

واہ واہ بہت خوب حسن بھائی