تمھیں بھی یاد ہے کچھ، یہ کلام کس کا تھا؟ خوبصورت مقطعے

[سیدہ شگفتہ]

اے ذوق ! تکلف میں ہے تکلیف سراسر
آرام میں ہے وہ ، جو تکلف نہیں کرتا

(ابراہیم ذوق)

 

[زبیر مرزا]

وہ قیامتیں جو گذرگئیں تھیں امانتیں کئی سال کی
ہے منیرتیری نگاہ میں کوئی بات گہرے ملال کی

 

[محمد وارث]

گلی میں اس کی گیا سو گیا، نہ بولا پھر
میں میر میر کر اُس کو بہت پکار رہا

 

[سیدہ شگفتہ]

سرہانے میر کے آہستہ بولو
ابھی ٹُک روتے روتے سو گیا ہے

 

[محمد وارث]

نہ سنا رات ہم نے اک نالہ
غالباً میر مر رہا ہو وے

 

[صائمہ شاہ]

سب آئے انکی بزم سے۔۔۔۔۔۔۔۔۔۔۔۔۔۔۔ انکا پتہ نہیں
کیا جانے جا کے داغ کس آفت میں پھنس گئے

 

[صائمہ شاہ]

تو دل میں نہیں ہے تو میرے دل میں ہے کیا کچھ
تو دل میں ہے میرے تو کوئی دل میں نہیں ہے
ظالم وہ تیرے خوف سے لب پر نہیں آتا
ہونے کو تو کیا کیا دل بسمل میں نہیں ہے

 

[محمد وارث]

ریختہ خوب ہی کہتا ہے جو انصاف کرو
چاہیے اہلِ سخن میر کو استاد کریں

 

[مغزل]

اے ذوق ؔ دیکھ دخترِ رز کو نہ منھ لگا
چھٹتی نہیں ہے منھ سے یہ کافر لگی ہوئی

ذوق ؔ

 

[انتہا]

اے شیفتہ عذابِ جہنم سے کیا مجھے
میں اُمتی ہوں نار و جناں کے قسیم کا

 

[محمداحمد]

خلافِ مصلحت میں بھی سمجھتا ہوں مگر ناصح
وہ آتے ہیں تو چہرے پر تغیر آ ہی جاتا ہے


ویسے ایک جگہ ہم نے "تغیر" کی جگہ "تبسم" بھی پڑھا تھا اور وہ بھی خوب لگا۔

 

[الشفاء]

ذرا " قمر " کا استعمال ملاحظہ فرمائیں۔۔۔

بڑھا بڑھا کے جفائیں جھکا ہی دو گے کمر
گھٹا گھٹا کے قمر کو ہلال کر دو گے۔۔۔

استاد قمر جلالوی۔

 

[محمد اسامہ سَرسَری]

اس تخلص سے سبھی حیران ہیں
سَرسَری! اس نام کی کیا بات ہے!

 

[مدیحہ گیلانی]

یاد ہے سیرِ چراغاں ناصرؔ
دل کے بجھنے کا سبب یاد نہیں۔

 

[مانی عباسی]

وہ رات کا بے نوا مسافر، وہ تیرا شاعر وہ تیرا ناصر
تیری گلی تک تو ہم نے دیکھا، پھر نہ جانے کدھر گیا وہ

واہ

 

[معاویہ وقاص]

ذرا " قمر " کا استعمال ملاحظہ فرمائیں۔۔۔

بڑھا بڑھا کے جفائیں جھکا ہی دو گے کمر
گھٹا گھٹا کے قمر کو ہلال کر دو گے۔۔۔

استاد قمر جلالوی۔

ذرا " آفتاب " کا استعمال ملاحظہ فرمائیں؛)

اُٹھائیں اگر آپ منہ سے نقاب
تو پھیکا پڑے چہرہء آفتاب

(آفتاب لاہور)

 

[سید شہزاد ناصر]

یاد ہیں غالب!تجھے وہ دن کہ ذوق وجد میں​

زخم سے گرتا،تو میں پلکوں سے چنتا تھا نمک​

 

[سید شہزاد ناصر]

بابا جی جاوید حیات حافظ آباد کے ایک درویش صفت شاعر تھے اور میرے استاد بھی کچھ عرصہ پہلے ان کا انتقال ہو گیا
حیات تخلص تھا اپنی آخری غزل میں انہوں نے تخلص کو کس خوبی سے استعمال کیا،
شعر کچھ یوں ہے
نئی ہے منزل نیا سفر ہے،حیات سے اب مجھے مُفر ہے
عدم کی وادی کو جانے والو ذرا سا ٹھہرو، میں آ رہا ہوں

 

[سید شہزاد ناصر]

باعثِ پیری کمر میں خم نہیں ہے اے قمر
میں جھک کے ڈھونڈتا رہا جوانی کدھر گئی

 

[محسن وقار علی]

سب خواہشیں پوری ہوں فراز ایسا نہیں ہے
جیسے کئی اشعار مکمل نہیں ہوتے
(احمد فراز)