عالی بہت دنوں سے مجھے تیرا انتظار ہے آ جا - جمیل الدین عالی

[کاشفی]

غزل
(جمیل الدین عالی - 1925-2015 ، کراچی)
بہت دنوں سے مجھے تیرا انتظار ہے آ جا
اور اب تو خاص وہی موسمِ بہار ہے آ جا

گزر چکی ہیں بہت غم کی شورشیں بھی حدوں سے
مگر ابھی تو ترا سب پہ اختیار ہے آ جا

غزل کے شکوے غزل کے معاملات جدا ہیں
مری ہی طرح سے تو بھی وفا شعار ہے آ جا

بدل رہا ہے زمانہ مگر جہانِ تمنّا
ترے لیے تو ابد تک بھی سازگار ہے آ جا

ہزار طرح کے افکار دل کو روند رہے ہیں
مقابلے میں ترے رنج روزگار ہے آ جا​