الف عین
لائبریرین
پہلے تو مبارک باد قبول کرو راجا۔ ہمیں دادا بنانے کا شکریہ!!
اب اس غزل کو۔ اصل غزل پھر ڈھونڈنی پڑی۔ لیکن جہاں میں نت مفہوم واضح نہ ہونے کی بات کی تھی، وہ مسئلہ اب بھی برقرار ہے۔
اوپر سرخ اشعار کو دیکھو۔
لغزشِ آنکھ نے بہت چا ہا
میں مگر نہ مدار سے نکلا
لغزشِ آنکھ؟؟؟ آنکھ ہندی ہے اور لغزش فارسی، ان کا اضافتی مرکب نہیں بن سکتا۔ لغزش چشم کر سکتے ہو اس کو۔ لیکن دوسرا مصرع۔ یہاں ’نہ‘ پھر بر وزن ’نا‘ آتا ہے جو مجھے گوارا نہیں۔ اس کو یوں کہو
میں نہ پھر بھی مدار سے نکلا۔
مطلب اگر چہ اب بھی واضح نہیں ہے، میں نے صرف زبان و بیان کی اصلاح کی ہے۔
اگلے شعر کے ،مرع
آگے نہ اس غبار سے نکلا
میں بھی وہی ’نا‘ والا سقم ہے۔ اس کو تو اس طرح مشورہ دیا تھا نا میں نے:
کب میں اس کے غبار سے نکلا
باقی تم نے میری اصلاحات قبول کر ہی لی ہیں۔
