بارے نقشے کے کچھ معلومات درکار ہیں

خرم شہزاد خرم نے 'متفرقات' کی ذیل میں اس موضوع کا آغاز کیا، ‏جنوری 5, 2013

  1. ابن سعید

    ابن سعید خادم

    مراسلے:
    60,165
    اب ایڈیٹر میں اردو اور انگریزی ٹائپنگ کو سوئیچ کرنے کے لیے چھوٹے چھوٹے آئکن شامل کیے گئے ہیں۔ اس کے علاوہ ایڈیٹر کی زبان تبدیل کرنے کے لیے کی بورڈ شارٹ کت ہے Ctrl + SPACE لیکن آپ کا اشارہ الائنمنٹ کی طرف ہو تو ایک عدد Eng ٹیگ کا بٹن بھی شامل کیا گیا ہے ایڈیٹر ٹول بار میں، اس سے استفادہ کریں! :) :) :)
     
    • پسندیدہ پسندیدہ × 1
    • زبردست زبردست × 1
  2. محمد یعقوب آسی

    محمد یعقوب آسی محفلین

    مراسلے:
    6,852
    جھنڈا:
    Pakistan
    موڈ:
    Buzzed
    شکریہ جناب ابن سعید ۔
    انٹرنیٹ پر تلاش کے حوالے سے میں نے کوشش کی۔ یونی کوڈ میں اپنی کوئری لکھ دی۔ اور مجھے خاطر خواہ معلومات مل گئیں۔
    اردو میں بھی، عربی میں بھی، اور فارسی میں بھی۔
    مثال کے طور پر یہ لنک دیکھئے:
    http://search.sweetim.com/search.as...d={320ebe73-0924-4431-9ea1-8a24bebd0872}&sf=0

    اور اس سے آگے میں نے وکی پیڈیا پر کلک کیا تو ۔۔۔۔ یہ صفحہ مل گیا:
    http://ur.wikipedia.org/wiki/عرض_البلد

    یعنی کام کسی قدر آسان ہو گیا ہے۔ اور یہ عمومی دل چسپی کی بات ہے نا! اِس لئے یہاں پوسٹ کر دی۔
     
    • زبردست زبردست × 2
    • پسندیدہ پسندیدہ × 1
  3. گمنام زندگی

    گمنام زندگی محفلین

    مراسلے:
    1,310
    موڈ:
    Lurking
    بہت شکریہ آسی بھائی ، ذرا وضاحت فرمائیں کہ گرینچ کے بالکل مخالف جو ممالک ہیں وہ پوری ایک شمسی تاریخ کے فاصلے پر ہوئے ناں ؟؟؟
    چاہے وہ برابر برابر ہی ہوں ،
    اور اگر ان دلچسپ ممالک کے نام بھی بتا دیں تونوازش ، شاید فجی کے آس پاس کہیں ؟؟؟؟
     
    • پسندیدہ پسندیدہ × 1
    • معلوماتی معلوماتی × 1
  4. محمد یعقوب آسی

    محمد یعقوب آسی محفلین

    مراسلے:
    6,852
    جھنڈا:
    Pakistan
    موڈ:
    Buzzed
    جی ہاں جناب گمنام زندگی ۔۔
    فجی سے مشرق کی طرف (یا اسی کو انتہائی مغرب کہہ لیں)۔ نیوزی لیند انتہائے مشرق کے زون میں ہے۔ اور جزائر جبرالٹر (امریکہ کا حصہ) بھی۔ یہ سب ڈیٹ لائن کے اِس طرف ہیں۔ یعنی انتہائی مشرق!
    امریکہ ہی کے جزائر مثلاً مِڈوے آئی لینڈ، ہوائی ڈیٹ لائن کے اُس پار ہیں یعنی انتہائی مغرب!

    یہاں ایک دل چسپ بات!
    جزیرہ فونکس، جزیرہ لائم یا لائن، اور ٹونگا قدرتی ڈیٹ لائن کے اُس پار ہیں مگر وہاں کی انتظامیہ نے ڈیٹ اِس پار کی رکھی ہوئی ہے۔ یہ نقشہ ملاحظہ کیجئے:
    http://www.worldatlas.com/webimage/countrys/oceania/oceaniatimes.htm
    اس میں 180 درجے کا قدرتی خط (نقشے میں گرے باریک لائن )ان تینوں جگہوں سے مغرب میں گزر رہا ہے جب کہ ان کی اختیار کردہ ڈیٹ لائن (نقشہ میں سرخ رنگ کے غیر مسلسل خط) میں قابلِ لحاظ موڑ بہت واضح ہیں۔
     
    • پسندیدہ پسندیدہ × 1
    • زبردست زبردست × 1
  5. محمد یعقوب آسی

    محمد یعقوب آسی محفلین

    مراسلے:
    6,852
    جھنڈا:
    Pakistan
    موڈ:
    Buzzed
    اسی نقشے میں قدرتی ڈیٹ لائن تووالو نام کی جگہ کے بیچوں بیچ گزر رہی ہے، تاہم اس کا شمار ٹائم کے لحاظ سے اِس پار کے مقامات میں کیا جاتا ہے۔
     
    • پسندیدہ پسندیدہ × 1
  6. محمد یعقوب آسی

    محمد یعقوب آسی محفلین

    مراسلے:
    6,852
    جھنڈا:
    Pakistan
    موڈ:
    Buzzed
    یہ بات پہلے ہو چکی کہ جب ہم ڈیٹ لائن کو پار کریں تو ۔۔۔۔۔۔
    ٹونگا سے سمووا جاتے ہوئے، ہمیں اپنی گھڑی کو ایک دن پیچھے کرنا پڑے گا ۔۔۔۔۔۔۔
    اور ۔۔۔۔۔۔۔
    سمووا سے ٹونگا جاتے ہوئے ایک دن آگے کرنا پڑے گا۔
    نقشے میں ان دونوں مقامات کا درمیانی فاصلہ یہی کوئی 25، 30 کلومیٹر ہو گا۔
     
    • پسندیدہ پسندیدہ × 1
    • زبردست زبردست × 1
    • معلوماتی معلوماتی × 1
  7. محمد یعقوب آسی

    محمد یعقوب آسی محفلین

    مراسلے:
    6,852
    جھنڈا:
    Pakistan
    موڈ:
    Buzzed
    اسی نقشے میں انگریزی میں لکھا ہوا ہے:
    + one day
    - one day
     
    • زبردست زبردست × 1
    • معلوماتی معلوماتی × 1
  8. محمد یعقوب آسی

    محمد یعقوب آسی محفلین

    مراسلے:
    6,852
    جھنڈا:
    Pakistan
    موڈ:
    Buzzed
    مزید ۔۔۔۔۔۔ اسی نقشے میں تیرہ مقامات کا رواں وقت اور تاریخ دکھائی گئی ہے۔
    (چلتے ہوئے ڈیجیٹل کلاک)
     
    • زبردست زبردست × 1
    • معلوماتی معلوماتی × 1
  9. گمنام زندگی

    گمنام زندگی محفلین

    مراسلے:
    1,310
    موڈ:
    Lurking
    یعنی آسٹریلیا سے امریکہ ایک گھنٹے کی فلائٹ کی دوری پر ہے ؟؟؟
     
    • معلوماتی معلوماتی × 1
  10. گمنام زندگی

    گمنام زندگی محفلین

    مراسلے:
    1,310
    موڈ:
    Lurking
    اور ایک اور سوال (انتہائی مغرب و انتہائی مشرق کے) بیچ والے ممالک ، نماز دونوں طرف رخ کر کے پڑھ سکتے ہیں ناں ؟؟؟
     
    • پسندیدہ پسندیدہ × 1
    • معلوماتی معلوماتی × 1
  11. محمد یعقوب آسی

    محمد یعقوب آسی محفلین

    مراسلے:
    6,852
    جھنڈا:
    Pakistan
    موڈ:
    Buzzed
    یہ کہنا تو خیر مشکل ہے۔
    ریاستہائے متحدہ امریکہ شمالی نصف کرے میں ہے اور آسٹریلیا جنوبی نصف کرے میں۔ اور پھر یہ دونوں ممالک ایسے ہیں کہ انہوں نے پورا پورا برِاعظم گھیرا ہوا ہے۔ آسٹریلیا پورا براعظم ہے اور یو ایس اے تقریباً آدھا شمالی امریکہ ہے۔ ان کے مابین شرقاً غرباً اور شمالاً جنوباً فاصلوں کا حساب دیکھ لیجئے۔
    لگتا ہے آپ درست کہہ رہے ہیں۔
     
    • زبردست زبردست × 1
    • معلوماتی معلوماتی × 1
  12. محمد یعقوب آسی

    محمد یعقوب آسی محفلین

    مراسلے:
    6,852
    جھنڈا:
    Pakistan
    موڈ:
    Buzzed
    پہلے ہم نے بات کی تھی ’’چھ ماہ کا دن اور چھ ماہ کی رات‘‘ والی۔

    خطِ استوا سے دوری کے حساب میں زمین کے منطقوں کو دیکھ لیجئے۔ ہمارے ہاں (شمالی نصف کرے میں) گرمیوں کے موسم میں سورج کی شعاعیں خطِ سرطان پر عموداً پڑ رہی ہوتی ہیں۔ ان دنوں قطب جنوبی سورج سے اوجھل رہتا ہے۔ دوسرے لفظوں میں وہاں ’’رات‘‘ ہوتی ہے۔ اسی طرح ہمارے ہاں سردیوں کے موسم میں سورج کی شعائیں خطِ جدی پر عموداً پڑ رہی ہوتی ہیں اور قطب شمالی پر ’’رات‘‘ ہوتی ہے۔
    ایک تو یہ عنصر ہوا اور دوسرا یہ کہ زمین قطبین پر کسی قدر اندر کی طرف پچکی ہوئی ہے اور یوں قطبین کی قدرتی سطح میں گولائی کم ہے یا یوں کہہ لیں کہ ساری زمین کی گولائی کے مقابلے میں قطبین کسی قدر چپٹے ہیں۔ یوں ایک قطب پر سورج کم و بیش چھ ماہ تک متواتر دکھائی دیتا ہے تو دوسرے قطب پر مسلسل تاریکی ہوتی ہے۔
     
    • زبردست زبردست × 1
    • معلوماتی معلوماتی × 1
  13. محمد یعقوب آسی

    محمد یعقوب آسی محفلین

    مراسلے:
    6,852
    جھنڈا:
    Pakistan
    موڈ:
    Buzzed
    ایک دل چسپ بات اور بھی!۔
    قطبین پر چاند دکھائی نہیں دیتا۔ کیوں بھلا؟
    چاند کا مدار خطِ استوا کے عین اوپر ہے۔ شمالی نصف کرے والوں کو یہ ہمیشہ جنوب کی طرف اور جنوبی نصف کرے والوں کو ہمیشہ شمال کی طرف نظر آتا ہے (زمین سے زاویے کا فرق ضرور دیکھا جا سکتا ہے)۔ خطِ استوا کے پر چاند کا مدار ہمارے ٹھیک سر پر سے گزرتا ہے۔ قطبین پر زمین کی قدرتی گولائی اور مذکورہ چپٹے پن کی وجہ سے ان علاقوں پر زمین کی سطح چاند سے اوجھل رہتی ہے۔

    قطب شمالی کا یہ نقشہ ملاحظہ کیجئے۔
    http://www.history-map.com/picture/000/North-Pole-Map-of.htm
    ۔۔
     
    • معلوماتی معلوماتی × 2
    • پسندیدہ پسندیدہ × 1
    • زبردست زبردست × 1
  14. محمد یعقوب آسی

    محمد یعقوب آسی محفلین

    مراسلے:
    6,852
    جھنڈا:
    Pakistan
    موڈ:
    Buzzed
    قطبِ جنوبی اور دائرہ قطب جنوبی کا سارا علاقہ ’’برف کی زمین‘‘ یعنی برِاعظم انٹارکٹیکا پر مشتمل ہے اور وہاں آبادی نہ ہونے کے برابر ہے۔ مزید یہ کہ اس کے گردا گرد دور تک سمندر پھیلا ہوا ہے۔
    یہ نقشہ دیکھئے:
    http://www.worldatlas.com/webimage/countrys/an.htm
     
    • زبردست زبردست × 2
    • معلوماتی معلوماتی × 2
  15. محمد یعقوب آسی

    محمد یعقوب آسی محفلین

    مراسلے:
    6,852
    جھنڈا:
    Pakistan
    موڈ:
    Buzzed
    پچھلے دنوں ایک سوال پر بہت گرما گرم بحث رہی کہ قطبین کے علاقوں میں نماز اور روزے کے اوقات کا حساب کیسے ہو؟
    اوسلو (ناروے) میں مقیم ایک پاکستانی دانشور نے بتایا:
    ’’ہمارے یہاں گرما میں سب سے لمبا دن 21 گھنٹے کا ہوتا ہے اور رات 3 گھنٹے کی، اور سرما میں رات 21 گھنٹے کی اور دن 3 گھنٹے کا۔ نمازوں اور سحری افطاری کے اوقات میں ہم سورج کے حساب پر چلتے ہیں۔ طویل ترین روزہ 22، 23 گھنٹے کا اور مختصر ترین روزہ 4، 5 گھنٹے کا ہوتا ہے‘‘۔
    مجھے سے کسی نے بہت چبھتے ہوئے انداز میں پوچھا کہ اگر آپ عین قطب شمالی پر ہوں تو آپ کا روزہ کتنا لمبا ہو گا؟ میں نے تو کہہ دیا کہ: ’’بھائی، وہاں جا کر رہیں گے تو روزے کا حساب بھی کر لیں گے‘‘۔

    ۔۔۔۔۔۔۔
     
    • زبردست زبردست × 2
    • پر مزاح پر مزاح × 1
  16. محمد یعقوب آسی

    محمد یعقوب آسی محفلین

    مراسلے:
    6,852
    جھنڈا:
    Pakistan
    موڈ:
    Buzzed
    جنابِ گمنام زندگی
    اس سوال کا جزوی جواب تو اوپر آ چکا۔ جو مسلمان ان خطوں میں رہتے ہیں، انہوں نے اپنے اپنے مقامی حساب سے رخ کا تعین تو کیا ہی ہو گا!۔ تاہم یہاں ایک وضاحت ضروری محسوس ہو رہی ہے۔ نماز کے لئے رخ کا تعین کرنے میں ڈیٹ لائن کا کوئی کردار نہیں۔ اس میں مرکزی نقطہ خانہء کعبہ کا مقام ہے اور ۔۔۔۔۔
    کسی بھی گرینچ، ڈیٹ لائن، قطب شمالی یا جنوبی سے قطع نظر قبلہ کے مشرق، مغرب، شمال، جنوب میں ہونے کا تعین خانہ کعبہ کی سمت سے ہو گا۔ بلکہ ہو گا کیا، ہو چکا ہے اور ہر علاقے کے مسلمان جانتے ہیں کہ ہمیں کس طرف منہ کر کے نماز پڑھنی ہے۔

    میں یا آپ کسی بھی علاقے میں جائیں نماز پڑھنی ہو تو ہم وہاں کے باشندوں سے پوچھتے ہیں کہ ’’بھائی، قبلہ کس رخ پر ہے؟‘‘۔
     
    • معلوماتی معلوماتی × 2
    • زبردست زبردست × 1
  17. گمنام زندگی

    گمنام زندگی محفلین

    مراسلے:
    1,310
    موڈ:
    Lurking
    بہت خوب معلومات ۔
    اچھا یہ بتائیں کہ دنیا کے سیدھا الٹے کا تعین کس نے کیا یعنی شمال کو ہمیشہ اوپر اور جنوب کو نیچے کیوں دکھایا جاتا ہے ؟
    اور شمال کی طرح جنوب سے بھی پانی کا بہاو زمین کے درمیان کی طرف کیوں ہے ، جبکہ بہاو تو کسی بھی ڈھلوان کی سمت ہو نا چاہیے۔
    اور کیا سورج بھی اپنے آپ کے گرد گھوم رہا ہے اور اگر ہاں تو جو رخ ہم روز دیکھتے ہیں تو یقینا وہ روز بدل رہا ہے
    ایک اور عجیب سا سوال بھی ہے ، پر بعد میں پوچھوں گا ۔ شکریہ
     
    • معلوماتی معلوماتی × 2
  18. محمد یعقوب آسی

    محمد یعقوب آسی محفلین

    مراسلے:
    6,852
    جھنڈا:
    Pakistan
    موڈ:
    Buzzed
    معذرت خواہ ہوں صاحب۔ میرا علم بہت محدود ہے اور آپ کے سوالات خاصے ایڈوانس ہیں۔ یہ معلومات شاید پیشہ ورانہ مطالعے کی متقاضی ہیں۔ ویسے، اگر آپ کے علم میں ہیں تو دیگر دوستوں کی دل چسپی کے لئے یہاں ضرور شیئر کیجئے۔

    جناب گمنام زندگی
     
  19. گمنام زندگی

    گمنام زندگی محفلین

    مراسلے:
    1,310
    موڈ:
    Lurking
    سر جی ، کیوں شرمندہ کر رہے ہیں ۔ بالکل ہی نادم کر دیا آپ نے تو ،
    میں معذرت چاہتا ہوں آپ سے ، اگر میری کوئی بات بچوں والی لگی ہو تو آئی ایم سوری۔
     
  20. محمد یعقوب آسی

    محمد یعقوب آسی محفلین

    مراسلے:
    6,852
    جھنڈا:
    Pakistan
    موڈ:
    Buzzed
    جناب گمنام زندگی
    اپنی عقل کے مطابق آپ کے سوالوں کا جواب دینے کی کوشش کرتا ہوں۔ تاہم میرا جواب غلط بھی ہو سکتا ہے۔ اگر آپ ایسا پائیں تو تصحیح ضرور کر دیجئے گا۔
    یہ الٹا سیدھا تو نہ ہوا، صاحب! جب کبھی نقشے بنانے کا طریقہ چلا ہو گا تو اس میں ’’یونی فارمٹی‘‘ رکھنے کے لئے قطب شمالی کو اوپر رکھا گیا ہو گا، شاید قطبی ستارے کی وجہ سے، یا کوئی اور منطق بھی ہو سکتی ہے، جس کا مجھے علم نہیں ہے۔ ’’یونی فارمٹی‘‘ بہر حال ایک عمدہ طریقہ ہے۔
    مشرق اور مغرب کی تو سمجھ آتی ہے، طلوع ہونے کی جگہ اور غروب ہونے کی جگہ۔ عربی میں ’’شمال‘‘ بائیں کو کہتے ہیں، صبح سویرے طلوع ہوتے سورج کی طرف منہ کریں تو شمال ہمارے بائیں ہاتھ آتا ہے۔ ’’جنوب‘‘ کا معنی ہے ’’دُور‘‘۔ کوئی نہ کوئی توجیہ تو اِس کی بھی رہی ہو گی۔

    آپ جانتے ہیں تو ہمیں (ہم سب کو) ضرور بتائیے گا۔
     
    • زبردست زبردست × 2
    • پسندیدہ پسندیدہ × 1

اس صفحے کی تشہیر