بارے نقشے کے کچھ معلومات درکار ہیں

خرم شہزاد خرم نے 'متفرقات' کی ذیل میں اس موضوع کا آغاز کیا، ‏جنوری 5, 2013

  1. خرم شہزاد خرم

    خرم شہزاد خرم لائبریرین

    مراسلے:
    10,810
    جھنڈا:
    Pakistan
    موڈ:
    Cool
    یہاں بہت سے ایسے دوست موجود ہوں گے جو نقشے کے بارے میں جانتے ہونے اور نقشے کی معلومات بھی ہونگی ان کے پاس اسی لیے یہ دھاگہ شروع کر رہا ہوں۔ مجھے یہ جاننا ہے کہ نقشے میں جو لائنز لمبائی اور چوڑائی میں لگائی جاتی ہیں اس کا کیا مطلب ہوتا ہے۔ وہ کس چیز کو ظاہر کرتی ہیں
    [​IMG]

    [​IMG]
     
    • پسندیدہ پسندیدہ × 2
    • زبردست زبردست × 2
    • معلوماتی معلوماتی × 2
  2. خرم شہزاد خرم

    خرم شہزاد خرم لائبریرین

    مراسلے:
    10,810
    جھنڈا:
    Pakistan
    موڈ:
    Cool
  3. ابن سعید

    ابن سعید خادم

    مراسلے:
    60,035
    انھیں خطوط عرض البلد و طول البلد latitude and longitude کے نام سے جانا جاتا ہے۔ ان کی مدد سے سطح زمین پر کسی بھی جگہ کی نشاندگی کی جاتی ہے۔ اس بارے میں مزید تفصیل کے لیے آپ گوگل کر سکتے ہیں کیوں کہ ہم نے آپ کو متعلقہ کی ورڈ فراہم کر دیا ہے۔ دوسری تصویر میں جو اوپر سے نیچے گلابی لکیریں ہیں وہ در اصل ٹائم زون کی لکیریں ہیں۔ :) :) :)
     
    • پسندیدہ پسندیدہ × 5
    • متفق متفق × 5
    • زبردست زبردست × 2
    • معلوماتی معلوماتی × 2
  4. الف نظامی

    الف نظامی لائبریرین

    مراسلے:
    13,542
    جھنڈا:
    Pakistan
    موڈ:
    Cool
    • پسندیدہ پسندیدہ × 2
    • معلوماتی معلوماتی × 1
    • متفق متفق × 1
  5. محمد یعقوب آسی

    محمد یعقوب آسی محفلین

    مراسلے:
    6,814
    جھنڈا:
    Pakistan
    موڈ:
    Buzzed
    جناب خرم شہزاد خرم۔
    جناب ابن سعید کے ارشاد کے تسلسل میں مختصر اور آسان سی تفصیل بتانے کے کوشش کروں گا۔ بچوں کے لئے اور اپنی تفہیم کے لئے ایک گلوب خرید لیں تو بہت مفید رہے گا۔ وہ ایسا ہوتا ہے جیسے ہم پوری زمین کا نقشہ جیسی وہ ہے دیکھ رہے ہیں۔ ٹو۔ڈی نقشوں میں اصل نقشہ کو کسی قدر تبدیل کرنا پڑتا ہے، اس کو ٹیکنیکی ضرورت کہہ لیجئے۔
     
    • متفق متفق × 3
    • زبردست زبردست × 2
    • پسندیدہ پسندیدہ × 1
    • معلوماتی معلوماتی × 1
  6. محمد یعقوب آسی

    محمد یعقوب آسی محفلین

    مراسلے:
    6,814
    جھنڈا:
    Pakistan
    موڈ:
    Buzzed
    گلوب پر دیکھئے، تو شمالاً جنوباً پوری زمین پر 360 خطوط لگائے گئے ہیں۔ ان کو طول بلد خطوط کہتے ہیں
    خط نمبر 0 برطانیہ کے ایک مقام گرینچ سے گزرتا ہے۔ اس کے مشرق کی طرف خطوط نمبر 1 درجہ مشرق، 2 درجے مشرق ۔۔۔ 180 درجے مشرق تک اور مغرب کی طرف 1 درجہ مغرب، 2 درجے مغرب ۔۔۔ 180 درجے مغرب تک۔
    180 درجے مشرق اور 180 درجے مغرب ایک دوسرے پر منطبق ہو جاتے ہیں یعنی یہ حقیقتاً ایک ہی خط ہے جو براعظم ایشیا کے مشرق اور براعظم شمالی امریکہ کے مغرب سے گزرتا ہے اور زیادہ تر سمندر میں ہے۔ 180 درج مشرق سے آگے مشرق ہی میں چلتے رہیں تو 179 درجے مغرب آ جاتا ہے۔
     
    • پسندیدہ پسندیدہ × 5
    • معلوماتی معلوماتی × 3
    • زبردست زبردست × 1
  7. محمد یعقوب آسی

    محمد یعقوب آسی محفلین

    مراسلے:
    6,814
    جھنڈا:
    Pakistan
    موڈ:
    Buzzed
    دوسرے نقشے میں گلابی خطوط جو دئے گئے ہیں وہ ٹائم زون کو ظاہر کرتے ہیں۔ سورج کے حساب سے تو ٹائم زون شمالاً جنوباً پورے کرہ ارض پر ایک ہی ہوتا ہے تاہم سیاسی تقسیموں کو لحاظ میں رکھتے ہوئے اس کو شرقاً غرباً تھوڑا سا ادھر ادھر کر لیا گیا ہے، تا کہ ایک ہی ملک جو ایک سے زیادہ ڈگری طول بلد پر پھیلا ہوا ہو اس کی ساری مملکت میں ٹائم کو ایک ہی رکھا جا سکے۔

    آسان ترین زبان میں جب گرینچ میں عین دوپہر ہو (دن کے بارہ بجے) اس وقت ڈیٹ لائن (180 درجے مشرق = 180 درج مغرب) پر ٹھیک نصف شب (رات کے بارہ بجے) کا وقت ہوتا ہے اور تاریخ بدل جاتی ہے، اس لئے اس خط کو ڈیٹ لائن بھی کہتے ہیں۔ ہم اگر ڈیٹ لائن سے مشرق کی سمت سفر میں ہوں تو وہاں ہمیں اپنی گھڑیاں ایک دن پیچھے کرنی ہوں گی، اور اگر مغرب کی سمت سفر میں ہوں تو ایک دن آگے کرنی ہوں گی۔ تفصیلی نقشے انٹرنیٹ پر بہت دستیاب ہیں۔
     
    • معلوماتی معلوماتی × 5
    • پسندیدہ پسندیدہ × 1
    • زبردست زبردست × 1
  8. محمد یعقوب آسی

    محمد یعقوب آسی محفلین

    مراسلے:
    6,814
    جھنڈا:
    Pakistan
    موڈ:
    Buzzed
    دوسری طرف قطب شمالی سے قطب جنوبی تک زمین کو کل 180 درجوں میں بانٹا گیا ہے۔ ان خطوط کو عرض بلد کہتے ہیں۔ ان کی گنتی قطبین کے ٹھیک درمیان یعنی خط استوا سے کی جاتی ہے۔ خطِ استوا صفر درجہ عرض بلد ہے۔ 1، 2، 3 شمال کی طرف چلتے چلتے 90 درجے شمال پر قطب شمالی ہے اور اسی طور جنوب کی طرف 90 درجے پر قطب جنوبی ہے۔ خطِ استوا پر زمین دو نصف کروں میں تقسیم ہوتی ہے۔ بر اعظم ایشیا سارے کا سارا، بر اعظم افریقہ کا زیادہ علاقہ، بر اعظم یورپ اور شمالی امریکہ شمالی نصف کرے میں ہیں۔ برِ اعظم آسٹریلیا سارے کا سارا، بر اعظم افریقہ کا کچھ حصہ اور بر اعظم جنوبی امریکہ کا 90 فی صد سے زیادہ حصہ جنوبی نصف کرہ میں ہیں۔
     
    • معلوماتی معلوماتی × 5
    • پسندیدہ پسندیدہ × 1
    • زبردست زبردست × 1
  9. شمشاد

    شمشاد لائبریرین

    مراسلے:
    200,087
    جھنڈا:
    Pakistan
    موڈ:
    Relaxed
    اگر سمجھ گئے ہو تو جلدی سے اپنے گھر کا Latitude and Longitude بتاؤ کیا ہے؟
     
    • پر مزاح پر مزاح × 4
    • معلوماتی معلوماتی × 1
  10. خرم شہزاد خرم

    خرم شہزاد خرم لائبریرین

    مراسلے:
    10,810
    جھنڈا:
    Pakistan
    موڈ:
    Cool
    ابن سعید بھائی بالکل آپ نے درست فرمایا۔ اگر گوگل ہی کرنا ہے تو پھر میں یہاں کس لیے آیا ہوں۔ پھر تو میں گوگل پر اپنا ایک اکاونٹ بنا لیتا ہوں ساری معلومات وہاں سے لیا کروں گا۔ :)
    نقشے پر جو لمبائی اور چوڑائی کی لائنز ہیں یہ خطوط عرض البلد و طول البلد کے نشاندہی کرتی ہیں اس سے ہمیں پتہ چلتا ہے کہ کون سا ملک کون سے ملک سے کتنا دور ہے۔ اور ٹائم زون والی جو لکیریں ہیں وہ ہمیں ٹائم کے بارے میں بتاتی ہیں۔ جی ایم ٹی (گرین وچ مین ٹائم) گرین وچ لندن میں موجود ہیں۔ مجھے جو معلوم ہے کہ ٹائم وہاں سے شروع ہوتا ہے مطلب وہ مقام صفر ہے اس سے آگے جتنے مقام ہے وہاں جمع اور اس سے پیچھے جتنے مقام ہے ان پر نفی ٹائم ہوتا ہے۔ یعنی نقشہ کے مطابق جو درمیان والی لکیر ہے وہ صفر پر ہے اور اس لکیر کے ساتھ جتنے ممالک ہونگے ان سب میں ایک ہی ٹائم ہو گا اور جو اس لکیر سے لیفٹ سائیڈ پر ہونگے یعنی وہ گرین وچ سے بعد میں ہونگے اور ان کا ٹائم نفی میں آئے گا یعنی ان کے ٹائم کے ساتھ جی ایم ٹی اور اس کی تعداد کے ساتھ نفی لکھا جائے گا اور جو اس سے آگے ہونگے اس کا جی ایم ٹی کے ساتھ جمع کا نشان لگے گا۔ مثال کے طور پر اگر نقشے کو دیکھا جائے۔ تو پاکستان انگلینڈ سے آگے ہے ، چار یا پانچ گھنٹے آگے ہیں اس لیے پاکستان کے ٹام کے ساتھ جمع 5 جی ایم ٹی لگتا ہے۔ اب پاکستان میں جو ٹائم اس وقت ہو رہا ہے انگلینڈ میں پانچ گھنٹوں بعد وہ ٹائم ہوگا جو اس وقت پاکستان میں ہے۔ کچھ اس طرح کے مطلب ہیں ان لکیروں کے۔ اور ان لکیروں سے سمت کا پتہ چلایا جاتا ہے جہاز اسی لکیروں کی مدد سے سفر کرتے ہیں۔ میرے پاس تو اس طرح کی معلومات ہے۔ جو کچی پکی ہیں اگر کوئی اس سے بہتر سمجھا سکے بلکہ سمجھا سکنے والے موجود ہیں تاکہ مجھے بھی اپنی غلطیاں درست کرنے کا موقعہ ملے
     
    • پسندیدہ پسندیدہ × 3
    • معلوماتی معلوماتی × 2
  11. محمد یعقوب آسی

    محمد یعقوب آسی محفلین

    مراسلے:
    6,814
    جھنڈا:
    Pakistan
    موڈ:
    Buzzed
    نقشوں میں روس، کینیڈا، گرین لینڈ، اینٹارکٹکا شرقاً غرباً جتنے پھیلے ہوئے دکھائی دیتے ہیں حقیقتاً ان کا پھیلاؤ اتنا نہیں ہے۔ اس کا صحیح تخمیہ گلوب سے ہوتا ہے۔

    مزید پھر کبھی سہی۔
     
    • معلوماتی معلوماتی × 3
    • پسندیدہ پسندیدہ × 2
  12. خرم شہزاد خرم

    خرم شہزاد خرم لائبریرین

    مراسلے:
    10,810
    جھنڈا:
    Pakistan
    موڈ:
    Cool
    جزاک اللہ جزاک اللہ
    مزید کا انتظار رہے گا
     
    • متفق متفق × 1
  13. محمد یعقوب آسی

    محمد یعقوب آسی محفلین

    مراسلے:
    6,814
    جھنڈا:
    Pakistan
    موڈ:
    Buzzed
    پرانے حساب کے مطابق خطِ استوا پر زمین کا محیط تقریباً چوبیس ہزار میل ہے۔ یوں زمین کی اپنے محور کے گرد کھومنے کی رفتار خطِ استوا پر تقریباً 670 میل فی گھنٹہ ہے، دس منٹ میں گیارہ میل۔ حتمی اعداد انٹر نیٹ سے لئے جا سکتے ہیں۔
     
    • معلوماتی معلوماتی × 2
    • زبردست زبردست × 1
  14. محمد یعقوب آسی

    محمد یعقوب آسی محفلین

    مراسلے:
    6,814
    جھنڈا:
    Pakistan
    موڈ:
    Buzzed
    خطِ استوا سے ساڑھے تیئس درجے شمال میں ایک فرضی خط ہے (بالکل فرضی بھی نہیں، تفصیل آگے آئے گی)، جسے خطِ سرطان کا نام دیا گیا ہے۔ اس کے مقابل ساڑھے تیئس درجے جنوب میں خطِ جدی ہے۔ زمین کی وہ پٹی جو خطِ جدی سے خطِ سرطان تک پہیلی ہوئی ہے اسے منطقہ حارہ (زمین کا گرم منطقہ) کہتے ہیں۔ جاپان سے آسٹریلیا کے نصف شمالی حصے تک۔ جنوبی ہند، مصر، لیبیا، مراکش وغیرہ ہے جنوبی افریقہ کی نوک تک، شمالی امریکہ کی جنوبی دُم سے جنوبی امریکہ کی شمالی پٹی تک کے علاقے اس منطقہ میں ہیں۔ ’’ابلیسی تکون‘‘ بھی شاید اسی پٹی میں آتی ہے۔
    منطقہ حارہ کا موسم سارا سال گرم رہتا ہے، سردی اور گرمی کے درجہء حرارت میں کوئی نمایاں فرق نہیں ہوتا۔
     
    • معلوماتی معلوماتی × 3
    • پسندیدہ پسندیدہ × 1
    • زبردست زبردست × 1
  15. محمد یعقوب آسی

    محمد یعقوب آسی محفلین

    مراسلے:
    6,814
    جھنڈا:
    Pakistan
    موڈ:
    Buzzed
    ادھر قطبین سے ساڑھے تیئس ڈگری استوا کی طرف یعنی ساڑھے سڑسٹھ ڈگری شمال سے قطب شمالی تک منطقہ باردہ شمالی (زمین کا انتہائی شمال) اور ساڑھے سڑسٹھ ڈگری جنوب سے قطب جنوبی (زمین کا انتہائی جنوب) تک منطقہ باردہ جنوبی ہے۔ (نام کی توثیق کر لیجئے گا)۔ ان دونوں خطوں میں بارشیں اور برف باری زیادہ ہوتی ہے۔ اور تقریباً سارا سال برف جمی رہتی ہے۔ دل چسپ بات یہ کہ جسے پرانی داستانوں میں کہا جاتا تھا کہ ’’فلاں بادشاہ کی حکومت ان علاقوں تک تھی جہاں چھ ماہ کا دن اور چھ ماہ کی رات ہوتی ہے‘‘ یہی قطبین کے منطقے ہیں۔
     
    • معلوماتی معلوماتی × 3
    • پسندیدہ پسندیدہ × 1
    • زبردست زبردست × 1
  16. محمد یعقوب آسی

    محمد یعقوب آسی محفلین

    مراسلے:
    6,814
    جھنڈا:
    Pakistan
    موڈ:
    Buzzed
    منطقہ حارہ اور دونوں باردہ منطقوں کے درمیان کی پٹیوں کو معتدلہ منطقے کہا جاتا ہے۔ ان دونوں پٹیوں میں موسم بہت متنوع ہیں اور سردی اور گرمی کے موسموں میں نمایاں فرق ہوتا ہے۔
    تقریباً سارا ایشیا، سارا یورپ اور سارا شمالی امریکہ منطقہ معتدلہ شمالی میں ہیں۔
    براعظم افریقہ اور جنوبی امریکہ کے جنوبی حصے اور آسٹریلیا کا زیادہ حصہ منطقہ معتدلہ جنوبی میں ہیں۔
     
    • معلوماتی معلوماتی × 4
    • زبردست زبردست × 1
  17. محمد یعقوب آسی

    محمد یعقوب آسی محفلین

    مراسلے:
    6,814
    جھنڈا:
    Pakistan
    موڈ:
    Buzzed
    مزید پھر سہی۔
     
    • پسندیدہ پسندیدہ × 1
    • زبردست زبردست × 1
  18. محمد یعقوب آسی

    محمد یعقوب آسی محفلین

    مراسلے:
    6,814
    جھنڈا:
    Pakistan
    موڈ:
    Buzzed
    معذرت خواہ ہوں، درستی فرما لیجئے گا۔ تقریباً ایک ہزار میل فی گھنٹہ، ایک منٹ میں سترہ میل سے کچھ کم۔
     
    • پسندیدہ پسندیدہ × 2
    • معلوماتی معلوماتی × 1
  19. الف عین

    الف عین لائبریرین

    مراسلے:
    32,020
    جھنڈا:
    India
    موڈ:
    Psychedelic
    ماشاء اللہ آسی بھائی کی جغرافیہ کی معلومات قابلِ رشک ہے، بلکہ یوں کہوں کہ اب تک بھولے نہیں ہیں۔ ممکن ہے کہ میری طرح کچھ ملازمت میں بھی اس سے تعلق رہا ہو۔ میں تو جیالوجسٹ ہوں نا پیشے اور تعلیم کے لحاظ سے۔
     
    • زبردست زبردست × 2
    • معلوماتی معلوماتی × 2
    • پسندیدہ پسندیدہ × 1
    • متفق متفق × 1
  20. محمد یعقوب آسی

    محمد یعقوب آسی محفلین

    مراسلے:
    6,814
    جھنڈا:
    Pakistan
    موڈ:
    Buzzed
    جناب الف عین۔ آپ کا حسنِ ظن ہے۔ یوں کہہ لیجئے کہ کچھ یاد رہی کچھ بھول گئے، کچھ راہنمائی نقوش سے لے لی۔
    آپ جیسے اہلِ علم و فن سے جو کچھ سنتا ہوں آگے پہنچا دیتا ہوں۔

    ملازمت میں تو یہ فقیر اکبر حسین اکبر الٰہ آبادی کا وصی رہا ہے۔ یعنی ’’کھا ڈبل روٹی کلرکی کر خوشی سے پھول جا‘‘۔

    بہت آداب۔
     
    • پسندیدہ پسندیدہ × 2
    • زبردست زبردست × 2
    • پر مزاح پر مزاح × 1

اس صفحے کی تشہیر