شفیق خلش ::::::اِک بھی الزام بدگماں پہ نہیں::::::Shafiq Khalish

[طارق شاہ]

غزل
اِک بھی الزام بدگماں پہ نہیں
بس کرم رب کا بے اماں پہ نہیں

ذکر لانا ہی اب زباں پہ نہیں
فیصلہ سُود اور زیاں پہ نہیں

دسترس یوُں بھی داستاں پہ نہیں
اِختیار اُن کے رازداں پہ نہیں

کیا جوانی تھی شہر بھر سے لئے
اِک ہجوم اب جو آستاں پہ نہیں

کچھ تو دِل اپنا فیصلوں کا مجاز !
کچھ بھروسہ بھی آسماں پہ نہیں

کب عمل میں ہے برق کم شاطر
کب نظر میرے آشیاں پہ نہیں

پار دریا نہ ضعف سے ہو خلشؔ
اور بھروسہ بھی بادباں پہ نہیں​

شفیق خلشؔ
(2 جنوری 2018 )​