1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $453.00
    اعلان ختم کریں

انٹرویو انٹرویو وِد زکریا

امن ایمان نے 'تعارف و انٹرویو' کی ذیل میں اس موضوع کا آغاز کیا، ‏ستمبر 10, 2006

  1. زیک

    زیک محفلین

    مراسلے:
    37,268
    جھنڈا:
    UnitedStates
    موڈ:
    Amused
    معلوم نہیں ہائی‌جیک کیا جاتا ہے یا تنگ کر کے بھگا دیا جاتا ہے۔ میں پاکستان میں پڑھا بھی ہوں اور وہاں جاب بھی کی ہے اور میرا تو یہی خیال ہے انسان کو وہاں خوب تنگ کیا جاتا ہے یہاں تک کہ وہ یا تو برے سسٹم کا حصہ بن جائے یا مکمل طور پر resist کرنا چھوڑ دے۔

    میرا نہیں خیال کہ میں اب یا پہلے کبھی جوشیلہ رہا ہوں۔ یہ رنگ کی پسند بہت لوگوں کو کچھ عجیب سی لگتی ہے میری پرسنیلٹی کے مقابلے میں۔ یہاں تک کہ میرے والدین کو بہت عرصے تک یہ یقین نہ تھا کہ مجھے شوخ رنگ پسند ہیں۔
     
    • پسندیدہ پسندیدہ × 1
  2. تیشہ

    تیشہ محفلین

    مراسلے:
    21,892
    :lol: یہ سرخ رنگ میرا فیورٹ ترین ہے ۔ میں پہننے میں بہت یوز کرتی ہوں ریڈ کلر ،۔ آدھے سے زیادھ کپڑوں میں یہ رنگ شامل ہوتا ہے ۔ :lol:
     
  3. زیک

    زیک محفلین

    مراسلے:
    37,268
    جھنڈا:
    UnitedStates
    موڈ:
    Amused
    صحیح ہے۔ اور لوگوں نے سوال پوچھنے ہوں تو ضرور پوچھیں۔ جب آپ کے پاس وقت ہو تو آپ اس انٹرویو کو جاری رکھ سکتی ہیں۔

    اور شکریہ تو مجھے آپ کا ادا کرنا چاہیئے کہ آپ نے اتنی خوش‌اسلوبی سے یہ انٹرویو کا سلسلہ شروع کیا ہے۔

    نہیں جادو کو میں نہیں مانتا۔

    کہانیاں ہیں اور ان کی کہانیوں میں مزا بھی آتا ہے چاہے آپ بچے ہوں یا بڑے۔ مگر اس سے زیادہ کچھ نہیں۔

    unusual کو define کرنے کا سوچ رہا ہوں۔ اس لئے اس سوال کے جواب کو بعد پر اٹھا رکھتا ہوں۔
     
    • پسندیدہ پسندیدہ × 1
  4. امن ایمان

    امن ایمان محفلین

    مراسلے:
    1,788
    موڈ:
    Cheerful
    صحیح ہے۔ اور لوگوں نے سوال پوچھنے ہوں تو ضرور پوچھیں۔ جب آپ کے پاس وقت ہو تو آپ اس انٹرویو کو جاری رکھ سکتی ہیں۔
    اور شکریہ تو مجھے آپ کا ادا کرنا چاہیئے کہ آپ نے اتنی خوش‌اسلوبی سے یہ انٹرویو کا سلسلہ شروع کیا ہے۔


    اصل میں زیک جب کچھ سوچ رکھا ہو اور وہ سب ویسا ویسا ہوتا چلا جائے تو پھر بہت اچھا لگتا ہے۔۔۔میرے ساتھ بھی جب ایسا ہوتو میں بہت خوش،بہت مطمئن سی رہتی ہوں۔۔۔اب جس طرح سے آپ نے اتنی مصروفیت کے باوجود ایک دن بھی اس پوسٹ کو نظرانداز نہیں کیا۔۔۔تو مجھے یہ بات اور بھی اچھی لگی۔۔:)



    نہیں جادو کو میں نہیں مانتا۔


    چلیں آپ Unusual کو مزید define کریں۔۔۔اور میں اس پر مزید بات کے لیے سوچتی ہوں۔


    کہانیاں ہیں اور ان کی کہانیوں میں مزا بھی آتا ہے چاہے آپ بچے ہوں یا بڑے۔ مگر اس سے زیادہ کچھ نہیں۔

    اس پر بھی وقت نکال کر ڈھیر ساری باتیں کریں گے۔۔: )
     
  5. محب علوی

    محب علوی لائبریرین

    مراسلے:
    11,262
    جھنڈا:
    Pakistan
    موڈ:
    Bookworm
    زکریا اگر تاریخ کو تین ادوار میں تقسیم کریں
    پہلا قبل از مسیح
    دوسرا پہلا ہزارہ
    تیسرا دوسرا ہزارہ

    ان ادوار میں آپ کی پسندیدہ شخصیات کونسی ہیں اور کس وجہ سے ۔
     
  6. زیک

    زیک محفلین

    مراسلے:
    37,268
    جھنڈا:
    UnitedStates
    موڈ:
    Amused
    کافی مشکل سوال ہے۔ کچھ ‌random سا جواب دے رہا ہوں۔

    قبل از مسیح میں کوروش فارس کا شہنشاہ۔ وہ گمنام لوگ جو 50 سے 100 ہزار سال پہلے افریقہ سے نکل کر باقی دنیا بسانے نکلے۔ اور اس زمانے کےکتنے ہی یونانی فلسفی اور سائنسدان: سقراط، ارسطو، Plato اور Euclid۔

    پہلے ہزار سالوں میں بو علی سینا کو زبردستی شامل کر رہا ہوں کہ 980AD میں پیدا ہوئے۔ امام حسین کہ خود کو اور پورے خاندان کو کسی مقصد کے لئے قربان کرنا کافی ہمت طلب کام ہے۔ عمر بن الخطاب کہ مسلمان سلطنت اور اسلام پر جتنا اثر ان کا ہے کم ہی لوگوں کا ہو سکتا ہے۔

    پچھلے ہزار سالوں میں: ابن رشد (اس سے اچھا فلسفی اور سائنسدان مسلمانوں میں پیدا نہیں ہوا)، Voltaire، آئنسٹائن (ماڈرن فزکس میں بہت اہم کردار)، نیوٹن (ریاضی ہو یا فزکس نیوٹن کے بغیر آج ہم کچھ نہیں)، ڈارون (اپنے زمانے سے آگے تھا اور آج بیالوجی میں اس کی ایوولیوشن تھیوری کے بغیر کچھ سمجھنا ممکن نہیں) ، امریکہ کے founding fathers (ایک نیا لبرل اور جمہوری نظام بنایا اس وقت جب اس کی کوئی واضح مثال نہ تھی)، لوئی پاسچر (پاسچر کو کون نہیں جانتا)، گیلیلیو (بچپن ہی سے آسمان کی طرف دیکھنے کا شوق ہے)، ٹامس ایڈیسن (میں آخر ایک الیکٹریکل انجینیر ہوں)، جان لوک، جان سٹوئرٹ مل، کانٹ، روزیو (فلسفے کی دنیا کے بڑے نام)، مارٹن لوتھر کنگ، WEB DuBois اور فریڈریک ڈگلس (انتہائی اہم افریقی امریکی جن کا افریقی امریکیوں کے حقوق کی کاوش میں اہم رول ہے)۔
     
    • پسندیدہ پسندیدہ × 2
  7. تیشہ

    تیشہ محفلین

    مراسلے:
    21,892
    اتنا لمبا انٹرویو :oops: میں قسطوں میں ہی اسے پورا کروں گی ۔
     
  8. زیک

    زیک محفلین

    مراسلے:
    37,268
    جھنڈا:
    UnitedStates
    موڈ:
    Amused
    بوچھی ابھی تک ہونے والے انٹرویوز میں سوائے اعجاز صاحب کے یہ سب سے چھوٹا انٹرویو ہے۔
     
  9. تیشہ

    تیشہ محفلین

    مراسلے:
    21,892
    مجھے لمبا لگ رہا ہے نا ساتھ ساتھ پڑھ لیتی تو شاید زیادہ نہ لگتا ، خیر آدھا سے ذرا کچھ ریڈِ کرلیا :D ایسے پھر آئی تو اک آدھ صفحہ پھر پڑھ لوں گی ۔
     
  10. محب علوی

    محب علوی لائبریرین

    مراسلے:
    11,262
    جھنڈا:
    Pakistan
    موڈ:
    Bookworm
    اپنے سوال میں مجھے ابھی ایک چیز کا احساس ہوا کہ میں نے تین ادوار میں ایک ایک شخصیت پوچھنی تھی جبکہ غلطی سے میں شخصیات اکھٹا لکھ گیا اور وضاحت نہ کر سکا جس کا زکریا نے خوب فائدہ اٹھایا ہے۔

    کوروش کا پہلے تو مجھے پتہ نہیں چلا البتہ لنک پر جا کر سمجھ آیا کہ سائرس اعظم پر بات ہورہی ہے ، ویسے زرتشت کا نام کس وجہ سے رہ گیا ۔ یونانی فلسفیوں کو تو ماننا پڑے گا اور سقراط ، افلاطون اور ارسطو کی لڑی تو نہ کبھی پیدا ہوئی اور نہ شاید ہو۔

    بو علی سینا کے بارے میں یہ نہیں لکھا کہ کیوں پسند ہیں ، اگر بطور طبیب پسند ہیں تو پھر ٹھیک ہے ورنہ فلسفی کے طور پر پسند ہیں تو ابن رشد زیادہ بڑا فلسفی اور زیادہ اچھا مفسرِ ارسطو ہے۔ امام حسین اور عمر بن خطاب میری بھی پسندیدہ شخصیات میں ہیں۔
    والتئیر کو سائنسدانوں کے ساتھ کیوں رکھا ہے اور اس کے اچھا لگنے کی وجہ بھی بیان نہیں کی ، دوسرا اسے روسو (روزیو پڑھ کر میں کافی دیر سوچتا رہا کہ یہ کون فلسفی ہے ) کے ساتھ کیوں نہیں رکھا جو اس کا ہم عصر بھی تھا اور ناقد بھی۔ روسو اور والتئیر میں کون زیادہ پسند ہے اور کیوں؟
    اسی طرح کانٹ کس وجہ سے پسند ہے ؟
    امریکہ کے کون سے دو صدر پسندیدہ ہیں اور کیوں اور کونسے دو غیر پسندیدہ ہیں؟
    ڈارون کا نظریہ ارتقاء کیا مکمل سائنسی نظریہ ہے اور کیا یہ ثابت ہوچکا ہے سائنسی طور پر یا ابھی اس پر کام جاری ہے؟
     
    • پسندیدہ پسندیدہ × 1
  11. زیک

    زیک محفلین

    مراسلے:
    37,268
    جھنڈا:
    UnitedStates
    موڈ:
    Amused
    لوگ فارسی عربی کا شور مچاتے ہیں اور پھر کوروش کو سائرس کہتے ہیں۔ :?:

    زرتشت کو اکثر نبی سمجھا جاتا ہے اور اگر آپ میری اتنی لمبی فہرست دیکھیں تو اس میں کسی نبی کا ذکر نہیں۔

    فلسفی کے لحاظ سے ابن رشد واقعی بہتر ہے مگر ابن سینا سائنس اور فلسفے دونوں میں اہم ہے۔ ویسے سائنس اور طب کی وجہ سے ہی میں ابن سینا کو جانتا ہوں۔

    اصل میں اسے ابن رشد کے ساتھ رکھا تھا۔ بعد میں اور فلسفیوں کا بھی خیال آیا تو وہ علیحدہ لکھ دیئے۔ ویسے والتئیر مجھے اس کی civil liberties کے دفاع کی وجہ سے پسند ہے۔

    روسو ایک رومانٹک ہے جبکہ میں ایک ماڈرنسٹ۔ اس لئے والتئیر بہتر لگتا ہے۔

    کانٹ کو پڑھنا ایک عذاب سے کم نہیں۔ میں نے صرف کانٹ کے بارے میں پڑھا ہے۔ جو چیز سب سے پہلے کی یاد پڑتی ہے وہ یہ کہ کانٹ کے مطابق خدا کا وجود لاجک اور reason سے ثابت کرنا ممکن نہیں مگر اس کے باوجود ایک moral society کے لئے خدا کا وجود ضروری ہے۔ شاید کانٹ کی کچھ contribution ہے کہ میں atheist نہیں ہوں۔

    اگر اس کا کچھ گھسا پٹا جواب دوں تو واشنگٹن اور لنکن پسندیدہ ہیں۔

    واشنگٹن کی امریکہ کی جنگِ آزادی میں کافی اہمیت ہے اور پھر صدر بننا اور دو ٹرم کے بعد چھوڑ دینا۔ اس کا کردار تھا کہ امریکہ ایک جمہوریت ہی رہا۔ اگرچہ واشنگٹن کے پاس کافی غلام تھے مگر زندگی کے آخری دنوں میں شاید اسے غلامی کے غلط ہونے کا احساس ہو گیا تھا۔ چنانچہ اس نے وصیت کی کہ اس کی بیوی کے مرنے پر اس کے غلام آزاد کر دیئے جائیں۔

    لنکن اور کچھ نہ کرتا تو یہی کافی تھا کہ اس نے لاکھوں لوگوں کو غلامی سے آزاد کیا۔

    اگر دوسرے صدر دیکھے جائیں تو لنڈن جانسن ایک اہم ہستی ہے۔ سول رائٹس اور غربت وغیرہ کے خلاف اس نے جتنا کام کیا شاید ہی کسی امریکی صدر نے کیا ہو مگر امریکہ کو ویت‌نام کی جنگ میں پھنسا کر جانسن کچھ برے طریقے سے صدارت سے نکلا۔

    ناپسندیدہ میں ہربرٹ ہوور کہ Great Depression کو نہ روک سکا نہ اس کے بارے میں کچھ کیا۔

    ایک اور فضول صدر وارن ہارڈنگ کے دور میں خوب سکینڈل کی بھرمار تھی۔

    اینڈریو جیکسن کو کچھ بہت اچھا صدر سمجھتے ہیں اور کچھ بہت برا۔ ڈیموکریٹک پارٹی کے بانیوں میں شمار ہوتا ہے اور امریکہ میں جمہوریت کو عوام میں عام کرنے میں اس کا اہم کردار ہے مگر امریکہ کے پرانے باشندوں (Native Americans) سے اس کا سلوک شاید اسے بہت برا صدر کہلوائے۔

    اور چونکہ ہم اپنے دور کو اہم سمجھتے ہیں اس لئے برے صدر کی فہرست میں موجودہ صدر بش کا ذکر بھی ضروری ہے۔ بش کے جھوٹ اور خراب پالیسیاں تو مشہور ہیں ہی مگر اس نے امریکہ کے checks and balances کے سسٹم کو بھی کافی تباہ کیا ہے اور صدر کے اختیارات میں جو اضافے کئے ہیں وہ ہمیں کافی عرصہ بھگتنے پڑیں گے۔

    ڈارون کا نظریہ ارتقاء ایک اہم سائنسی نظریہ اور اس کے کافی ثبوت موجود ہیں۔ باقی سائنس کی تھیوری میں ترقی تو ہوتی ہی رہتی ہے۔ اس ارتقاء کی تھیوری کی اہمیت کا اندازہ اس بات سے لگائیں کہ nothing in biology makes sense without the theory of evolution۔
     
    • پسندیدہ پسندیدہ × 2
  12. امن ایمان

    امن ایمان محفلین

    مراسلے:
    1,788
    موڈ:
    Cheerful
    ہیںںںں یہ لمبا انٹرویو ہے ؟ :shock: ۔۔چلیں آپ کی باری میں ہم تھوڑا کم کم بولیں گے ٹھیک۔۔؟ :)


    محب اور زیک یہ آپ دونوں نے اتنے آسان انٹرویو کو اتنا مشکل بنا دیا ہے کہ بس۔۔۔ اب تو مجھے بھی باجو کی طرح قسطوں میں جواب سمجھ میں آئیں گے ۔۔ویسے اس میں آپ دونوں کا کوئی قصور نہیں۔۔۔یہ تو میری سمجھ چھوٹی ساری ہے جس میں بڑی باتیں تھوڑا دیر سے گھستی ہیں :oops:


    اچھا زیک۔۔۔۔

    ہ آپ کس حد تک مذہبی ہیں۔۔؟

    ہ آپ کے خیال میں مذہب پر بات کرنی چاہیے یا یہ کسی کا ذاتی مسئلہ ہے۔۔؟

    ہ کوئی ایسی شخصیت جس کو آپ اپنا رول ماڈل سمجھتے ہیں؟
     
  13. زیک

    زیک محفلین

    مراسلے:
    37,268
    جھنڈا:
    UnitedStates
    موڈ:
    Amused
    کسی حد تک نہیں۔ تفصیلات میرے بلاگ پر۔

    اگر بات personalize نہ کی جائے اور judgmental رویہ نہ اختیار کیا جائے تو مذہب پر گفتگو کافی دلچسپ اور اچھی رہتی ہے۔

    کچھ پوسٹس پہلے اتنی لمبی لسٹ دی ہے ان سب کی اچھی باتیں نچوڑ کر ایک composite انسان بنا دیں۔ :)
     
    • پسندیدہ پسندیدہ × 1
  14. تیشہ

    تیشہ محفلین

    مراسلے:
    21,892

    :oops: کیا مطلب ابھی بولنا ہے ؟ میں تو دل میں شکر بجا لائی تھی کہ امن کو یاد نہیں رہا :D میری جان جاتی ہے ایسے لمبے انٹرویو کے جواب دیتے ہوئے میں تھک گئی ہوں بہت سی جگہوں پر دے دے کر ۔ ، اب اور سکت نہیںنا پلیز پلیز مجھ سے کچھ بھی نہ پوچھنا ویسے بھی میرے منہ میں چھالا پڑا ہوا ہے لکھنے نیں ہوتا :D :p
    مجھے چھوڑ دو ، میں روزے سے ہوں ، :lol:
     
  15. تیشہ

    تیشہ محفلین

    مراسلے:
    21,892

    کدھر ہے لسٹ ؟ کن کو نچوڑنا ہے ؟ :D مجھے بتایں میں لیمں کے رس جیسے نچوڑوں گی ۔ :D
     
  16. زیک

    زیک محفلین

    مراسلے:
    37,268
    جھنڈا:
    UnitedStates
    موڈ:
    Amused
    یہاں اور یہاں۔

    امن: کدھر ہیں؟ کیا انٹرویو ختم ہوا؟
     
  17. شاہد احمد خان

    شاہد احمد خان محفلین

    مراسلے:
    355
    اس انٹرویو کے کھیل کو ایک صفحے تک محدود رکھا جائے تو کیا ہی اچھا ہو ۔۔۔۔

    اتنا طویل انٹرویو کہ پڑھنے والے کا سانس ہی پھول جائے ۔ ۔

    ویسے زکریا کا انٹریو پڑھنے کے بعد احساس ہوتا ہے کہ واقعی کچھ پڑھا ہے ۔۔
     
  18. الف عین

    الف عین لائبریرین

    مراسلے:
    33,523
    جھنڈا:
    India
    موڈ:
    Psychedelic
    اپنے نئے اوتار میں ہی بڑے بھاری انٹیلیکچوال نہیں لگ رہے زکریا؟ مارکس اور ہیگل یاد آ جاتے ہیں
     
  19. زیک

    زیک محفلین

    مراسلے:
    37,268
    جھنڈا:
    UnitedStates
    موڈ:
    Amused
    مارکس
    [​IMG]

    اور ہیگل

    [​IMG]

    مقابلے کے لئے۔ :)
     
  20. الف عین

    الف عین لائبریرین

    مراسلے:
    33,523
    جھنڈا:
    India
    موڈ:
    Psychedelic
    میری مراد محض شکل و صورت نہیں، گفتگو کے مواد سے بھی تھی۔ مارکس کی زلفیں اور داڑھی تو یاد تھی لیکن ہیگل وغیرہ کی تصویر کبھی دیکھی ہوگی لیکن یاد نہیں تھی۔
    لیکن زکریا، یہ ہے کب کی تصویر؟ مطلب تمھارے اوتار کی۔
     

اس صفحے کی تشہیر