اللہ تعالیٰ اور پیارے نبیﷺ کے بارے میں ہمارے ذاتی احساسات

جاسمن نے 'اِسلامی تعلیمات' کی ذیل میں اس موضوع کا آغاز کیا، ‏دسمبر 19, 2015

  1. متلاشی

    متلاشی محفلین

    مراسلے:
    2,477
    جھنڈا:
    Pakistan
    موڈ:
    Pensive
    سراپائے اقدس صلی اللہ علیہ وآلہ وسلم

    اے رسول امیں، خاتم المرسلیں، تجھ سا کوئی نہیں ، تجھ سا کوئی نہیں
    ہے عقیدہ اپنا بصدق و یقیں، تجھ سا کوئی نہیں ، تجھ سا کوئی نہیں

    اے براہیمی و ہاشمی خوش لقب، اے تو عالی نسب، اے تو والا حسب
    دودمانِ قریشی کے دُرِثمین، تجھ سا کوئی نہیں ، تجھ سا کوئی نہیں

    دست قدرت نے ایسا بنایا تجھے، جملہ اوصاف سے خود سجایا تجھے
    اے ازل کے حسیں، اے ابد کے حسیں، تجھ سا کوئی نہیں ، تجھ سا کوئی نہیں

    بزم کونین پہلے سجائی گئی، پھر تری ذات منظر پر لائی گئی
    سید االاولیں، سید الآخریں، تجھ سا کوئی نہیں ، تجھ سا کوئی نہیں

    تیرا سکہ رواں‌ کل جہاں میں ہوا، اِس زمیں میں ہوا، آسماں میں ہوا
    کیا عرب کیا عجم، سب ہیں زیرِ نگیں، تجھ سا کوئی نہیں ، تجھ سا کوئی نہیں

    تیرے انداز میں وسعتیں فرش کی، تیری پرواز میں رفعتیں عرش کی
    تیرے انفاس میں‌ خلد کی یاسمیں، تجھ سا کوئی نہیں ، تجھ سا کوئی نہیں

    "سدرۃ ُالمنتہیٰ" رہگزر میں تری ، "قابَ قوسین" گردِ سفر میں تری
    تو ہے حق کے قریں، حق ہے تیرے قریں، تجھ سا کوئی نہیں ، تجھ سا کوئی نہیں

    کہکشاں ضو ترے سرمدی تاج کی، زلف ِتاباں حسیں رات معراج کی
    "لیلۃُ القدر "تیری منور جبیں، تجھ سا کوئی نہیں ، تجھ سا کوئی نہیں

    مصطفےٰ مجتبےٰ، تیری مدح وثنا، میرے بس میں ، دسترس میں نہیں
    دل کو ہمت نہیں ، لب کو یارا نہیں، تجھ سا کوئی نہیں ، تجھ سا کوئی نہیں

    کوئی بتلائے کیسے سراپا لکھوں، کوئی ہے ! وہ کہ میں جس کو تجھ سا کہوں
    توبہ توبہ! نہیں کوئی تجھ سا نہیں، تجھ سا کوئی نہیں ، تجھ سا کوئی نہیں

    چار یاروں کی شان جلی ہے بھلی، ہیں یہ صدیق، فاروق، عثمان ، علی
    شاہدِ عدل ہیں یہ ترے جانشیں، تجھ سا کوئی نہیں ، تجھ سا کوئی نہیں

    اے سراپا نفیس انفسِ دوجہاں، سرورِ دلبراں دلبرِ عاشقاں
    ڈھونڈتی ہے تجھے میری جانِ حزیں، تجھ سا کوئی نہیں ، تجھ سا کوئی نہیں
     
    • زبردست زبردست × 4
    • پسندیدہ پسندیدہ × 2
    • متفق متفق × 1
  2. متلاشی

    متلاشی محفلین

    مراسلے:
    2,477
    جھنڈا:
    Pakistan
    موڈ:
    Pensive
    مرا قلم بھی ہے ان کا صدقہ ، مرے ہنر پہ ہے ان کا سایہ
    حضورِؐ خواجہ مرے قلم کا، مرے ہنر کا سلام پہنچے
     
    • پسندیدہ پسندیدہ × 3
  3. وجی

    وجی لائبریرین

    مراسلے:
    25,832
    موڈ:
    Daring
    السلام علیکم
    اگر غور کریں تو" لاالٰہ الا اللہ محمد رسول اللہ "
    ایک طرف اللہ اپنی وحدانیت کا اقرار کرواتا ہے ہم سے دوسری طرف رسول اکرم ﷺ کے آخری رسول ہونے کا اقرار بھی کرواتا ہے ۔
    "محمدرسول اللہ "۔ میرے خیال میں نیاء نبی اس وقت آتا ہے جب اللہ کے پیغام میں انسان تحریف اور تبدیلی کرلے ۔
    اب آپ ﷺ پر آیا قرآن جو خود اللہ نے محفوظ کردیا تو پھر جب اللہ کے پیغام میں کوئی تحریف و تبدیلی ہی نہیں ہونی تو نئےنبی یا رسول کی کیا ضرورت ۔
    پھر وہ حدیث بھی سمجھ میں آتی ہے کہ جب تک قرآن کتابوں سے اور حفاظ کے دلوں سے ختم نہ ہوگا قیامت نہیں آئے گی ۔

    پھر رب العالمین نے رحمت العالمین بنا کر بھیجا
    میرے خیال میں اسلام امن سے زیادہ رحم والا مذہب ہے اگر مذہب کو کوئی خصوصیت دینے کی ضرورت ہے تو ۔
     
    • پسندیدہ پسندیدہ × 4
  4. اکمل زیدی

    اکمل زیدی محفلین

    مراسلے:
    4,470
    جھنڈا:
    Pakistan
    موڈ:
    Busy
    حوالہ دیجیئے گا ...
    ۔
     
  5. ادب دوست

    ادب دوست معطل

    مراسلے:
    3,429
    جھنڈا:
    Pakistan
    موڈ:
    Breezy
    مجھ میں ان کی ثنا کا سلیقہ کہاں ..۔
    ۔۔۔۔۔ ۔۔۔۔ ۔۔۔۔۔ ۔۔۔۔ میں کہاں وہ کہاں ..۔
    یہی بات ہے، میں ذاتی طور پر اپنے آپ کو اس دھاگے کے قابل نہیں سمجھتا نظریں جھکائے یہی کچھ تحریر کر سکا۔۔۔۔
     
    آخری تدوین: ‏دسمبر 21, 2015
    • زبردست زبردست × 3
    • پسندیدہ پسندیدہ × 2
  6. حمیرا عدنان

    حمیرا عدنان محفلین

    مراسلے:
    6,688
    جھنڈا:
    Kuwait
    موڈ:
    Angelic
    سچ پوچھیں تو میرے پاس الفاظ ہی نہیں ہیں آپ رسول اللہ صل اللہ علیہ و آلہ و سلم کی ذات اقدس کے بارے میں ایک لائن بھی لکھ سکوں۔ اور لکھ بھی کیسے سکتی ہوں خود کو دیکھتی ہوں تو گناہوں سے لت پت پاتی ہوں جب کبھی اپنا احتساب کرتی ہوں تو آنکھوں میں آنسو آ جاتے ہیں کیا حشر کے میدان میں میری بھی بخشش ہو سکے گئی اللہ وہ دن کیسا ہو گا جب سب کے سامنے میری گناہ بیان کئے جائینگے
     
    • پسندیدہ پسندیدہ × 2
    • معلوماتی معلوماتی × 1
    • دوستانہ دوستانہ × 1
    • غمناک غمناک × 1
  7. جاسمن

    جاسمن مدیر

    مراسلے:
    14,980
    جھنڈا:
    Pakistan
    موڈ:
    Fine
    ہم سب کا یہی حال ہے حمیرا۔ کم از کم میں تو شاید آپ سے بھی پیچھے ہوں۔ شاید سب سے آخر میں۔ ایک بار درود پاک پڑھنے کا بہت شوق ہؤا۔ پتہ چلا تھا کہ جو سب سے زیادہ درودِ پاک پڑھے گا،پیارے نبیﷺ کے سب سے زیادہ قریب ہو گا۔ میں سوچا کرتی تھی کہ اُس لمبی لائن میں کہیں آخر میں ،کہیں آخر میں،کہیں آخر میں۔۔۔۔۔۔۔۔۔۔۔۔۔۔۔۔۔ ۔۔۔۔۔ ۔۔۔۔۔شاید،شاید،شاید۔۔۔۔۔ایں خیال است و محال است و جنوں۔۔۔۔
     
    • پسندیدہ پسندیدہ × 2
  8. جاسمن

    جاسمن مدیر

    مراسلے:
    14,980
    جھنڈا:
    Pakistan
    موڈ:
    Fine
    مجھے ایک دور میں اچھے قلم جمع کرنے کا شوق ہؤا۔ وہ دور کیلکولیٹر کا دور بھی تھا اور موبائل ابھی آئے نہیں تھے۔ البتہ سنتے تھے ان کے بارے میں۔ میرا جی چاہا کہ میں پیارے نبیﷺ کے لئے ایک ودّیا قلم ،ایک گھڑی اور ایک کیلکولیٹر ہدیہ لے کے جاؤں۔۔۔بڑی بچکانہ سی خواہش تھی (ابھی بھی دل میں آتی ہے البتہ اب چیزوں کی فہرست میں اور اضافہ ہو گیا ہے۔)
     
    • پسندیدہ پسندیدہ × 3
    • زبردست زبردست × 1
  9. الشفاء

    الشفاء لائبریرین

    مراسلے:
    2,931
    جھنڈا:
    Pakistan
    موڈ:
    Amazed
    جی چاہتا ہے تحفے میں بھیجوں میں انہیں آنکھیں
    درشن کا تو درشن ہو نذرانے کا نذرانہ ۔۔۔
     
    • زبردست زبردست × 2
  10. جاسمن

    جاسمن مدیر

    مراسلے:
    14,980
    جھنڈا:
    Pakistan
    موڈ:
    Fine
    بہت خوب!سبحان اللہ!
     
    • پسندیدہ پسندیدہ × 1
  11. وجی

    وجی لائبریرین

    مراسلے:
    25,832
    موڈ:
    Daring
    • پسندیدہ پسندیدہ × 1
  12. عثمان

    عثمان محفلین

    مراسلے:
    9,789
    موڈ:
    Cheerful
    بے شک اللہ کے سہارے زندگی میں امید ہے۔
    اور رسول اللہ کی وجہ سے زندگی میں وہ عنصر جو ہمیں شناخت کا ایک پہلو مہیا کرتا ہے۔
     
    • پسندیدہ پسندیدہ × 1
    • زبردست زبردست × 1
    • متفق متفق × 1
  13. رانا

    رانا محفلین

    مراسلے:
    2,832
    جھنڈا:
    Pakistan
    موڈ:
    Cheerful
    یہ خوبصورت اردو نعت ایک انڈو نیشین خاتون کی آواز میں۔ (انٹرنیشنل پیس سمپوزیم میں)

    ربط
     
    مدیر کی آخری تدوین: ‏اپریل 18, 2017
    • زبردست زبردست × 2
    • پسندیدہ پسندیدہ × 1
  14. جاسمن

    جاسمن مدیر

    مراسلے:
    14,980
    جھنڈا:
    Pakistan
    موڈ:
    Fine
    ایمی کہنے لگی۔
    "اماں! میں نے آج خواب میں پیارے نبیﷺ کو دیکھا ہے۔"
    "ماشاءاللہ"
    " آپ ﷺ کُرسی پہ بیٹھے تھے۔ آپ ﷺ کا رنگ سرخ و سفید تھا۔اُس وقت مجھے معلوم نہیں تھا کہ وہ آپ ﷺ ہیں۔ میں نے آسمان کو دیکھا تو اُس پہ لکھا تھا کہ یہ حضرت محمدﷺ ہیں۔ تب مجھے پتہ چلا۔ آپ ﷺ کی آنکھیں بڑی اور بہت پیاری تھیں۔ آپﷺ کی ناک بھی بہت پیاری تھی۔ اور آپ ﷺ مجھے دیکھ کے مُسکرا رہے تھے۔"
    سُبحان اللہ!ماشاءاللہ!اللہ میرے اور کُل کے بچوں کو پیارے نبی ﷺ کے رستے پہ چلنے کی توفیق دے اور آپ ﷺ کا پیار اُن کے دِل میں گہرا اور گہرا اور گہرا۔۔۔۔کر دے۔ آمین! اس رستے پہ ہر طرح کی آسانیاں اور خوشیاں اور کامیابیاں بھی عطا کرے۔ آمین
     
    • زبردست زبردست × 2
    • پسندیدہ پسندیدہ × 1
  15. نور وجدان

    نور وجدان مدیر

    مراسلے:
    6,435
    جھنڈا:
    Pakistan
    موڈ:
    Asleep
    آپ بہت نصیب والی ہیں ۔۔اتنی اچھی تربیت کی ہے آپ نے ماشاءاللہ ۔جانے کیوں آنکھ میں آنسو آگئے ۔ ایک ہم ہیں منتظر :(
     
    • دوستانہ دوستانہ × 1
  16. جاسمن

    جاسمن مدیر

    مراسلے:
    14,980
    جھنڈا:
    Pakistan
    موڈ:
    Fine
    "اماں! کیا علم حاصل کرنا ہم پہ فرض ہے؟"ایمی نے پوچھا۔
    "جی بیٹے۔ ہر مسلمان مرد اور عورت پہ علم حاصل کرنا فرض ہے۔"
    "پھر پیارے نبیﷺ نے تو حاصل نہیں کیا؟؟"
    "نہیں بیٹا اُنہوں نے تو ہم سب سے زیادہ بلکہ دُنیا کے ہر شخص سے زیادہ علم حاصل کیا۔ اور اُنہیں تو اللہ تعالیٰ نے خود سب کچھ سکھایا"
    "اُنہوں نے تو بڑی آسانی سے علم حاصل کیا۔ ہمیں تو بہت محنت کرنی پڑتی ہے۔"
    " نہیں بیٹا۔ اُنہیں وحی آتی تھی اور وحی کی ایک صورت تو آپ کے لئے بہت بھاری ہوتی تھی۔۔۔" میں نے اُسے وحی کی صورتیں بتائیں۔ اور پہلی بار کی وحی کے بارے میں بتایا۔
    " اور اُنہوں نے جو علم پھیلانے کی جدو جہد کی۔۔۔ وہ آج تک کسی اِنسان نے نہیں کی۔"
    " بیٹے پیارے نبیﷺ علم پھیلانے کے لئے بہت حریص تھے۔ یہاں تک کہ اللہ تعالیٰ کو آپ ﷺ کو ٹوکنا پڑا۔ آپ ﷺ نے تو اپنی آنے والی اُمت کے علم کے لئے بھی انتہائی جدو جہد کی ۔"
     
    • زبردست زبردست × 1
  17. جاسمن

    جاسمن مدیر

    مراسلے:
    14,980
    جھنڈا:
    Pakistan
    موڈ:
    Fine
    جزاک اللہ سعدیہ۔
    تربیت دینا صرف اللہ پاک کا کام ہے۔ ہم کیا اور ہماری بساط کیا!
     
    • پسندیدہ پسندیدہ × 1
  18. جاسمن

    جاسمن مدیر

    مراسلے:
    14,980
    جھنڈا:
    Pakistan
    موڈ:
    Fine
    میرے اور میرے بچوں کے ذہن میں حضرت حسین رضی اللہ تعالیٰ عنہ اور حضرت حسن رضی اللہ تعالیٰ عنہ کا جب بھی تصور آتا ہے،وہ بچوں کے روپ میں ہمارے پیارے نبیﷺ کے ساتھ پیاری پیاری شرارتیں کرتے نظر آتے ہیں
     
  19. الشفاء

    الشفاء لائبریرین

    مراسلے:
    2,931
    جھنڈا:
    Pakistan
    موڈ:
    Amazed
    یا رب تو کریمی و رسول تو کریم
    صد شکرکہ ہستیم میان دو کریم

    یا رب تو بھی کریم ہے اور تیرا رسول بھی کریم ہے، صد شکر کہ میرا معاملہ دو کریموں کے مابین ہے۔۔۔
     
    • زبردست زبردست × 1
  20. جاسمن

    جاسمن مدیر

    مراسلے:
    14,980
    جھنڈا:
    Pakistan
    موڈ:
    Fine
    بے شک!
    اسی کرم پہ تو بھروسہ ہے۔ الحمدللہ رب العالمین۔
     
    • متفق متفق × 1

اس صفحے کی تشہیر