اقبال سے منسوب اشعار - جو علامہ اقبال کے نہیں

تندی باد مخالف سے نہ گھبرا اے عقاب
یہ تو چلتی تجھے اونچا اڑانے کے لئے

اشارے
1۔ پہلا مصرع میں نوجوانوں کو ترغیب دی جا رہی، پورے شعر کا وزن اسی میں ہے
2۔ فارسی الفاظ: تندی باد مخالف
3۔ ّعقاب: اقبال کا شاہیں ہے نہ کہ عقاب

یہ تو طے ہے کہ یہ شعر اقبال کا نہیں۔ یہاں صرف یہ عرض کرنا مقصود ہے کہ اقبال نے ’’شاہین‘‘ اور ’’عقاب‘‘ میں کوئی تفریق نہیں کی۔

عقابی روح جب بیدار ہوتی ہے جوانوں میں
نظر آتی ہے ان کو اپنی منزل آسمانوں میں
نہیں تیرا نشمین قصرِ سلطانی کے گنبد پر
تو شاہیں ہے بسیرا کر پہاڑوں کی چٹانوں میں
نہ سمجھو گے تو مٹ جاؤ گے اے ہندوستاں والو
تمہاری داستاں تک بھی نہ ہو گی داستانوں میں


شکریہ
 
آخری تدوین:

سید عاطف علی

لائبریرین
یہ تو طے ہے کہ یہ شعر اقبال کا نہیں۔ یہاں صرف یہ عرض کرنا مقصود ہے کہ اقبال نے ’’شاہین‘‘ اور ’’عقاب‘‘ میں کوئی تفریق نہیں کی۔
عقابی روح جب بیدار ہوتی ہے جوانوں میں
نظر آتی ہے ان کو اپنی منزل آسمانوں میں
شکریہ
یہ محض عزم و ہمت اور جہدو جہدو خودداری کی علامت ہے۔اور کلام میں عموما ً زا غ و زغن اور کرگس کے خواص کے مقابل لایا گیا ہے۔
بچہ ٴ شاہیں سے کہتا تھا عقابِ سالخورد
اے ترے شہپر پہ آساں رِفعتِ چرخِ بریں
 
یہ محض عزم و ہمت اور جہدو جہدو خودداری کی علامت ہے۔اور کلام میں عموما ً زا غ و زغن اور کرگس کے خواص کے مقابل لایا گیا ہے۔
بچہ ٴ شاہیں سے کہتا تھا عقابِ سالخورد
اے ترے شہپر پہ آساں رِفعتِ چرخِ بریں

یہاں فانٹ کا کچھ مسئلہ ہے۔ ہم ’’کرگَس‘‘ لکھتے ہیں تو ’’کرگس‘‘ لکھا جاتا ہے۔ میں نے گاف پر زبر کی علامت لگادی، تکا لگ گیا۔
 
یہ تو طے ہے کہ یہ شعر اقبال کا نہیں۔ یہاں صرف یہ عرض کرنا مقصود ہے کہ اقبال نے ’’شاہین‘‘ اور ’’عقاب‘‘ میں کوئی تفریق نہیں کی۔

عقابی روح جب بیدار ہوتی ہے جوانوں میں
نظر آتی ہے ان کو اپنی منزل آسمانوں میں
نہیں تیرا نشمین قصرِ سلطانی کے گنبد پر
تو شاہیں ہے بسیرا کر پہاڑوں کی چٹانوں میں
نہ سمجھو گے تو مٹ جاؤ گے اے ہندوستاں والو
تمہاری داستاں تک بھی نہ ہو گی داستانوں میں


شکریہ
تو یہ کس کے اشعار ہیں چاچو ہم تو اب تک اقبال کا ہی سمجھتے رہے۔
 

یونس

محفلین
بہت اچھا سلسلہ ہے‘ اس سے بہتوں کا بھلا ہوگا۔
کچھ عرصہ قبل یار لوگ فراز کے نام سے پتہ نہیں کیا کیا شاعری منسوب کرتے رہے اور اب علامہ اقبال کی باری آ گئی۔ اللہ تعالیٰ ہمیں ہدایت نصیب کرے اور تحقیق کی توفیق دے۔
 

یونس

محفلین
کچھ 'نمونے' ملاحظہ فرمائیں۔مجھے اپنی کم علمی کا اعتراف ہے مگر مجھے تو یہ علامہ کی شاعری نہیں لگتی۔ ۔ ۔ اگر ان میں کچھ علامہ کا ہے تو پیشگی معذرت !
1460268_216267595211114_840946628_n.jpg

1465211_216267511877789_1252523738_n.jpg

اور یہ شعر دیکھیں:
شائد انشا اللہ خان انشاء کا ہے(؟) ٗ اور وہ بھی درست نہیں لکھا گیا ۔
1460232_216267498544457_1257070894_n.jpg

1454825_216267635211110_1430373435_n.jpg

1002598_216267611877779_221297312_n.jpg

1380200_216267555211118_1195911656_n.jpg
 
کچھ 'نمونے' ملاحظہ فرمائیں۔مجھے اپنی کم علمی کا اعتراف ہے مگر مجھے تو یہ علامہ کی شاعری نہیں لگتی۔ ۔ ۔ اگر ان میں کچھ علامہ کا ہے تو پیشگی معذرت !
1460268_216267595211114_840946628_n.jpg

1465211_216267511877789_1252523738_n.jpg

اور یہ شعر دیکھیں:
شائد انشا اللہ خان انشاء کا ہے(؟) ٗ اور وہ بھی درست نہیں لکھا گیا ۔
1460232_216267498544457_1257070894_n.jpg

1454825_216267635211110_1430373435_n.jpg

1002598_216267611877779_221297312_n.jpg

1380200_216267555211118_1195911656_n.jpg


بجا ارشاد جناب ۔۔ ایک آسان سا طریقہ ہے، ایسی بے سروپا پوسٹ جہاں بھی دیکھیں، حوالہ طلب کر لیں! کوئی حوالہ ہے ہی نہیں، کوئی لائے گا کہاں سے۔
فراز کے بعد اقبال اور اب یار لوگوں کی غلیلوں کا رخ غالب کی طرف ہے۔
 
تندی باد مخالف سے نہ گھبرا اے عقاب
یہ تو چلتی تجھ کو اونچا اڑانے کے لئے

یہ شعر اقبال ک نہیں ہے، مجھے یہ بہت پسند تھا، والد صاحب نے تصحیح کی تو حیرانی ہوئی، اس دن کے بعد میں نے باقاعدہ طور پر اقبال کو پڑھنا شروع کیا۔

آج روزنامہ ڈان میں صادق صاحب کے فرزند ارجمند کی جانب سے ایک خط شائع ہوا ہے جس میں انہوں نے اس زیادتی کے خلاف آواز اُٹھائی ہے۔

http://www.dawn.com/news/1056413/wrong-attribution-to-iqbal
 

نیرنگ خیال

لائبریرین
آج صبح صبح جاوید چودھری صاحب کے ٹوئٹر پر یہ شعر جگمگاتا نظر آیا۔ جب آپ کے بلند پایہ صحافی بھی اس قسم کے اشعار لگانے لگیں۔ تو بس پھر۔۔۔۔
نیچے میرا اور فرخ بھائی کا تبصرہ بھی پڑھیے۔۔۔۔ :p
JavedChoudhary_zps17bb38f9.jpg
 
یہاں محفل میں کسی مراسلے میں محمد وارث صاحب نے ایک تصویر لگائی تھی جس میں بلند قامت اقبال اور انکے بونے مخالفین کا خاکہ بنایا گیا تھا۔۔۔اگر وہ تصویر دستیاب ہوسکے تو بہت نوازش ہوگی۔۔۔۔۔:)
 

جاسمن

لائبریرین
بہت اچھا سلسلہ ہے۔ موبائل پہ ایس ایم ایس میں اکثر اقبال کے نام سے مجھے بھی بہت سے اشعار اور نظمیں آتی ہیں۔ ہر ایک کو الگ الگ بتانا پڑتا ہے۔ حد یہ کہ اردو میں ماسٹرز ایک بڑے پرائیویٹ سکول میں پڑھانے والی ایک خاتون نے ایک نظم اقبال کے نام سے بھیجی تو بہت افسوس ہؤا۔ اِس سلسلہ سے بہتوں کا بھلا ہو گا انشاءاللہ۔
 
لگتا ہے جیسے یہ اشعار ابليس کي مجلس شوري کے ہوں گے لیکن ایسا ہرگز نہیں ہے۔
ابلیس کی مجلس شوریٰ ملاحظہ کیجئیے

مذکورہ اشعار اقبال کے ہیں ہی نہیں!

اور میں پہلے بھی عرض کر چکا کہ:
فکری بے راہ روی کی ایک عجب لہر چلی ہے۔
گزشتہ چند ماہ تک ہمہ قسم کے اول فول ’’اشعار‘‘ فراز سے منسوب کئے جاتے رہے۔ پھر یہ دھارا نہ جانے کیسے اقبال کی طرف مڑ گیا۔
میری صرف ایک گزارش ہے کہ پیش پا افتادہ ایسے ’’اشعار‘‘ کو منسوب کا درجہ بھی نہ دیا جائے۔ ہاں اگر کوئی شعر جو اقبال کا نہیں مگر کسی سنجیدہ مطبوعہ کام (تحقیق، تذکرہ، وغیرہ) میں اقبال کے نام کے ساتھ شامل ہو گیا ہے تو اُس کو مذکور ہونا چاہئے۔
غیر سنجیدہ لوگوں کی تو عادت ہے وہ بے پر کی اڑاتے رہتے ہیں۔ ان کی چنداں پروا، نہ کیا کریں۔ بہت آداب۔

اللہ کریم خوشیاں عطا فرمائے۔
 

محمد وارث

لائبریرین

خالد مبشر

محفلین
مولانا محمد علی جوہر کے دو اشعار اقبال سے منسوب ہیں:
توحید تو یہ ھے کہ خدا حشر میں کہہ دے
یہ بندہ دو عالم سے خفا میرے لیے ھے۔
اور:
قتل حسین اصل میں مرگ یزید ھے
اسلام زندہ ھوتا ہےہر کربلا کے بعد۔
 

خالد مبشر

محفلین
ابوالمجاہد زاہد کا یہ شعر اقبال سے منسوب ہے:
ایک ہو جائیں تو بن سکتے ہیں خورشید مبیں
ورنہ ان بکھرے ہوئے تاروں سے کیا کام بنے۔
 

خالد مبشر

محفلین
اقبال سہیل کا یہ شعرعلامہ اقبال سے منسوب ہے:
جوانو یہ صدائیں آرہی ہیں آبشاروں سے
چٹانیں چور ہو جائیں جو ہو عزم سفر پیدا۔
 
Top