پانچویں سالگرہ اردو محفل کی پانچویں سالگرہ کی تیاریاں: آپ کی تجاویز و آراء

[عثمان]

ایک افسانہ لکھنے کی پہلی پہلی کوشش کروں گا۔ اگر کر سکا تو ادھر بھی بھیج دوں گا۔

 

[رانا]

ایک تجویزمیں بھی دے دیتا ہوں بڑی عجیب سی ہے لیکن اس لئے شئیر کررہا ہوں کہ شائد اس دیکھ کر کسی کے ذہن میں کوئی اور خیال کوند پڑے۔ تجویز یہ ہے کہ سالگرہ کے موقع پرمحفل میں ایک آن لائن ڈرامہ اسٹیج کیا جائے۔ اس کے مختلف طریقے ہوسکتے ہیں۔ مثلاً ڈرامے کا ایک عنوان رکھ دیا جائے اور اس میں مختلف کردارمختلف ممبرز کو اسائیں کردیئے جائیں۔ ڈرامہ کا ابتدائی سین بتادیا جائے اور کسی ایک ممبر کے مکالمے سے ابتدا ہوجائے اس کے جواب میں کوئی بھی کردار اپنا خودساختہ مکالمہ ادا کرے جو پہلے سے لکھا ہوا نہیں دیا جائے گا بلکہ اسی وقت وہ سوچے اور بول دے۔ آگے اس میں بھی ورائٹی رکھی جاسکتی ہے کہ اوپن ڈرامہ ہو یعنی ہرممبر کو اجازت ہو کہ ڈرامہ کے درمیان وہ سمجھے کہ فلاں کردار بھی ہونا چاہئے اور اس کردار کی حیثیت سے درمیان میں شامل ہوجائے یا کردار فکس کردیئے جائیں۔ پھر یہ تاریخی ڈرامہ بھی ہوسکتا ہے کہ جس میں کچھ کردار تو تاریخی ہوں اور کچھ آجکل کے مثلا شمشاد بھئی قائداعظم بن جائیں اورطلحہ بھائی رحمان ملک اور پھر دونوں کی دلچسپ گفتگو کا آغاز ہو۔ سنجیدہ ڈرامہ بھی ہوسکتا ہے اور مزاحیہ بھی۔ پھرمشہور ناولوں کے کردار بھی ہوسکتے ہیں مثلا ابن صفی کے ناولوں کے کردار وغیرہ۔ یہ صرف ایک تجویز ہے پتہ نہیں قابل عمل ہے یا نہیں ابھی تو صرف ذہن میں ہے عملی شکل میں پتہ نہیں کیسی لگے۔

 

[عثمان]

رانا صاحب
اس قسم کے ڈرامے کے لئے ایک نہیں۔۔۔کئی ڈائریکٹر اور موڈریٹرز درکار ہیں۔ نہیں تو ڈرامے کا ڈرامہ ہو جانے کا خطرہ ہے۔

 

[رانا]

اوراب ایک انتہائی اہم اور سنجیدہ قسم کی تجویز جس پرعمل کرنے سے محفل کو ساڑھے تیرہ چاند لگ سکتے ہیں۔ تجویز یہ ہے کہ ہر بڑے اور کامیاب ادارے کی طرح محفل کے ممبران کی چھانٹی کی جائے اور کچھ ممبران کو محفل سے فارغ کردیا جائے۔ اب سوال یہ ہے کہ فارغ کیوں کیا جائے تو وجہ یہ کہ ہر کامیاب ادارے کے پیچھے اس چھانٹی کا بھی ہاتھ ہے۔ ایک سوال یہ پیدا ہوسکتا ہے کہ بغیر وجہ بتائے کسی کو فارغ کردینا کہاں کی شرافت ہے توجناب ڈھونڈنے سے تو خدا بھی مل جاتا ہے وجہ کس کھوتے اوہ سوری کس کھیت کی مولی ہے۔ ارادہ تو کریں وجہ بھی مل جائے گی کسی ممبر کے خلاف کوئی وجہ نہ ملے تو پریشان ہونے کی ضرورت نہیں وجہ پیدا بھی کی جاسکتی ہے ایسی ایسی وجوہات پیدا کی جاسکتی ہیں کہ خود ممبر کے فرشتے بھی عش عش کر اٹھیں گے۔ امید ہے کہ تجویز پوری طرح سمجھ آچکی ہوگی لیکن اگر نہیں تو مثالیں دے کر سمجھائے دیتے ہیں جناب۔

شمشاد بھائی کو نکالنے کے لئے کسی وجہ کی ضرورت ہے؟ نہیں نا! تو ان کو وجہ بتائے بغیرنکال دیا جائے۔ آخر محفل کا اتنا تو حق بنتا ہے۔

وارث بھائی کو بھی نکال دیں۔ ان پرالزام ہے کہ غزلوں کی تعریف کرتے ہوئے اساتذہ اورشاگر دونوں کو ایک ہی لاٹھی سے ہانکتے ہیں۔

فرخ بھائی کو بھی نکال دیں۔ وجہ یہ کہ انہوں نے وارث بھائی جیسی مہا شخصیت پر مندرجہ بالا الزام لگانے کی جرات کیسے کی؟

فاتح صاحب کو بھی نکال دیں۔ ان کی وجہ سے محفل میں کیڑوں کی بہتات ہوگئی ہے۔ اگرکسی غزل میں کوئی لفظ غلط ٹائپ ہوجائے تو یہ کیڑا نکال دیتے ہیں۔ ایک تو پہلے ہی غزل میں لفظ کم ہے اوپر سے کیڑا بھی نکال کر پھینک دیا جو لفظ کی کمی پوری کررہا تھا۔

صابرصاحب اور شاکرصاحب کو بھی نکال دیں۔ آتےہیں "چاتی" مارتے ہیں اور چلے جاتے ہیں۔ لو! ایہہ کوئی گل اے۔

بوچھی صاحبہ کو بھی نکال دیں اگر منتظمین کو اپنی جان عزیز نہیں ہے تو۔

عائشہ عزیزکو بھی نکال دیں کہ ڈرپوک بہت ہے۔ جہاں کسی نے ذرا سا "ہاؤ" کیا تو اپنا سوئی "دھاگہ" چھوڑ کے فوراً غائب۔

نبیل بھائی کو بھی نکال دیں اگر کسی میں ہمت ہے تو۔ ان پر الزام ہے کہ سارے کام چھوڑ چھاڑ کر آجکل گیم کھلنا شروع کردیئے ہیں۔

مجھے مت نکالئے گا کیوں کہ میں تو نکالنےکے طریقے بتا کر سلطانی گواہ بن گیا ہوں نا۔

 

[نبیل]

لیں جی مجھے تو رانا نے نکال دیا ہے، اب خود ہی مناؤ سالگرہ۔۔ ہاں

 

[نبیل]

ایک تجویزمیں بھی دے دیتا ہوں بڑی عجیب سی ہے لیکن اس لئے شئیر کررہا ہوں کہ شائد اس دیکھ کر کسی کے ذہن میں کوئی اور خیال کوند پڑے۔ تجویز یہ ہے کہ سالگرہ کے موقع پرمحفل میں ایک آن لائن ڈرامہ اسٹیج کیا جائے۔ اس کے مختلف طریقے ہوسکتے ہیں۔ مثلاً ڈرامے کا ایک عنوان رکھ دیا جائے اور اس میں مختلف کردارمختلف ممبرز کو اسائیں کردیئے جائیں۔ ڈرامہ کا ابتدائی سین بتادیا جائے اور کسی ایک ممبر کے مکالمے سے ابتدا ہوجائے اس کے جواب میں کوئی بھی کردار اپنا خودساختہ مکالمہ ادا کرے جو پہلے سے لکھا ہوا نہیں دیا جائے گا بلکہ اسی وقت وہ سوچے اور بول دے۔ آگے اس میں بھی ورائٹی رکھی جاسکتی ہے کہ اوپن ڈرامہ ہو یعنی ہرممبر کو اجازت ہو کہ ڈرامہ کے درمیان وہ سمجھے کہ فلاں کردار بھی ہونا چاہئے اور اس کردار کی حیثیت سے درمیان میں شامل ہوجائے یا کردار فکس کردیئے جائیں۔ پھر یہ تاریخی ڈرامہ بھی ہوسکتا ہے کہ جس میں کچھ کردار تو تاریخی ہوں اور کچھ آجکل کے مثلا شمشاد بھئی قائداعظم بن جائیں اورطلحہ بھائی رحمان ملک اور پھر دونوں کی دلچسپ گفتگو کا آغاز ہو۔ سنجیدہ ڈرامہ بھی ہوسکتا ہے اور مزاحیہ بھی۔ پھرمشہور ناولوں کے کردار بھی ہوسکتے ہیں مثلا ابن صفی کے ناولوں کے کردار وغیرہ۔ یہ صرف ایک تجویز ہے پتہ نہیں قابل عمل ہے یا نہیں ابھی تو صرف ذہن میں ہے عملی شکل میں پتہ نہیں کیسی لگے۔

ہم فورم پر کہانی لکھنے کا کھیل کھیلتے رہے ہیں۔ یہ آپ کی تجویز سے کچھ ملتا جلتا ہے۔ میرا ارادہ ہے کہ اس مرتبہ سالگرہ پر بھی کچھ اس قسم کا سلسلہ شروع کیا جائے۔

 

[رانا]

رانا صاحب
اس قسم کے ڈرامے کے لئے ایک نہیں۔۔۔کئی ڈائریکٹر اور موڈریٹرز درکار ہیں۔ نہیں تو ڈرامے کا ڈرامہ ہو جانے کا خطرہ ہے۔

آپ کی بات ٹھیک ہے لیکن اگر یہ ڈرامہ ایسا ہی ہو جیسا کہ عام دھاگے چل رہے ہیں۔ یعنی ضروری نہیں کہ ڈرامے کا سارے کردار ایک وقت میں محفل میں موجود ہوں۔ جو موجود ہے وہ اپنا مکالمہ ادا کردے اور جب کوئی دوسرا محفل میں آئے گا تو اگر مناسب سمجھے گا تو بیچ میں ٹانگ اڑا دے گا۔

 

[فاتح]

فاتح صاحب کو بھی نکال دیں۔ ان کی وجہ سے محفل میں کیڑوں کی بہتات ہوگئی ہے۔ اگرکسی غزل میں کوئی لفظ غلط ٹائپ ہوجائے تو یہ کیڑا نکال دیتے ہیں۔ ایک تو پہلے ہی غزل میں لفظ کم ہے اوپر سے کیڑا بھی نکال کر پھینک دیا جو لفظ کی کمی پوری کررہا تھا۔

قبلہ! آپ کے اس بیان میں بھی ایک آدھ کیڑا نظر آ ہی گیا ہے اگر اجازت ہو تو نکال دوں؟

 

[عائشہ عزیز]

محترم رانا بھائی
اب جبکہ آپ کے خیال میں مجھے محفل سے نکال دینا چاہیے ۔تو تھوڑی سی صفائی تو پیش کرنے دیں نا۔۔۔
دراصل میرے پریکٹیکل ایگزیمز ہو رہے ہیں اس لئے محفل میں نہیں آرہی ۔ اور رہی بات دھاگہ شروع کرکے چھوڑنے کی تو شہاب نامہ سے جو اقتباسات میں
نے شیئر کئے ہیں وہ کافی پہلے میں نے اپنی ڈائری میں لکھے تھے ۔ اس وقت یہ کتاب میرے پاس نہیں ہے ورنہ کچھ اوربھی شیئر کرتی۔ اگر دوبارہ کتاب ملی تو
اس دھاگے میں پھر سے ضرور کچھ لکھوں گی۔

 

[شمشاد]

ابھی ایک دھاگے میں ناعمہ نے لکھا ہے کہ وہ آجکل یہی کتاب پڑھنے میں مصروف ہے، تو اس سے کیوں نہیں لے لیتی۔

 

[شمشاد]

سبکو نکالنے کی کوئی نہ کوئی وجہ لکھی ہے اور مجھے بغیر کسی وجہ کے نکالنے کا منصوبہ بنایا جا رہا ہے، یہ تو زیادتی ہے ناں۔

کم از کم یہی بہانہ بنا لیں کہ اس کے پیغام پہلے ہی بہت زیادہ ہو گئے ہیں، مزید کی ضرورت نہیں۔ آخر آڈٹ والوں کو کوئی تو وجہ بتانی ہو گی ناں۔

 

[تیشہ]

آپکے ساتھ ساتھ مجھے بھی بغیر کسی وجہ کے نکالنے کا بولا جارہا ہے اللہ کے بندوں یہ تو بتاؤ ہمارا قصو ر کیا ہے میں تو کبھی بولی ہی نہیں ۔۔ میرے منہ میں تو زبان ہے ہی نہیں ۔۔
وہ بھی بغیر کسی وجہ کے ۔

 

[عائشہ عزیز]

ابھی ایک دھاگے میں ناعمہ نے لکھا ہے کہ وہ آجکل یہی کتاب پڑھنے میں مصروف ہے، تو اس سے کیوں نہیں لے لیتی۔

ناعمہ ''علی پور کا ایلی'' پڑھ رہی ہے۔

 

[رانا]

لیں جی مجھے تو رانا نے نکال دیا ہے، اب خود ہی مناؤ سالگرہ۔۔ ہاں

چلیں نبیل بھائی آپ کی گذشتہ خدمات کو یاد کرتے ہوئے آپ کے متعلق فرمان شاہی واپس لیا جاتا ہے۔ (آخر سالگرہ کا کیک بھی تو کھانا ہے نا آپ سے)۔

قبلہ! آپ کے اس بیان میں بھی ایک آدھ کیڑا نظر آ ہی گیا ہے اگر اجازت ہو تو نکال دوں؟

اب تو واقعی نکال دینا چاہئے۔ آپ کو۔ کیونکہ آپ کے پیغام کے بعد میں نے اپنا پیغام غور سے پڑھا تو مجھے ایک سے زائد کیڑے نظر آئے جنکہ آپ کو صرف ایک ہی!! لہذا اب آپ اس اسامی کے لئے مکمل طور پر ناموزوں ثابت ہوگئے ہیں۔ البتہ اگر آپ کم از کم دوکیڑے نکال کر دکھادیں تو سوچا جاسکتا ہے۔

محترم رانا بھائی
اب جبکہ آپ کے خیال میں مجھے محفل سے نکال دینا چاہیے ۔تو تھوڑی سی صفائی تو پیش کرنے دیں نا۔۔۔
دراصل میرے پریکٹیکل ایگزیمز ہو رہے ہیں اس لئے محفل میں نہیں آرہی ۔ اور رہی بات دھاگہ شروع کرکے چھوڑنے کی تو شہاب نامہ سے جو اقتباسات میں
نے شیئر کئے ہیں وہ کافی پہلے میں نے اپنی ڈائری میں لکھے تھے ۔ اس وقت یہ کتاب میرے پاس نہیں ہے ورنہ کچھ اوربھی شیئر کرتی۔ اگر دوبارہ کتاب ملی تو اس دھاگے میں پھر سے ضرور کچھ لکھوں گی۔

چلیں ایک طالبعلم ہونے کے ناتے آپ کے متعلق بھی فتوی واپس لیاجاتا ہے۔ ایک طالبعلم دوسرے طالبعلم کا خیال نہیں رکھے گا تو کیا ٹیچر رکھیں گے۔

سبکو نکالنے کی کوئی نہ کوئی وجہ لکھی ہے اور مجھے بغیر کسی وجہ کے نکالنے کا منصوبہ بنایا جا رہا ہے، یہ تو زیادتی ہے ناں۔

کم از کم یہی بہانہ بنا لیں کہ اس کے پیغام پہلے ہی بہت زیادہ ہو گئے ہیں، مزید کی ضرورت نہیں۔ آخر آڈٹ والوں کو کوئی تو وجہ بتانی ہو گی ناں۔

شمشاد بھائی کوئی ایسا بھی تو ہونا چاہئے نا کہ جو یہ کہے "منوں اے تے دسو میرا قصور کی اے؟" آخر رنگ رنگ کے پھولوں سے بنتا ہے چمن۔

آپکے ساتھ ساتھ مجھے بھی بغیر کسی وجہ کے نکالنے کا بولا جارہا ہے اللہ کے بندوں یہ تو بتاؤ ہمارا قصو ر کیا ہے میں تو کبھی بولی ہی نہیں ۔۔ میرے منہ میں تو زبان ہے ہی نہیں ۔۔
وہ بھی بغیر کسی وجہ کے ۔

اسی لئے تو نکالا جارہا ہے کہ آپ کے منہ میں زبان نہیں اور یہاں بغیر زبان کے گزارہ نہیں۔
ویسے کبھی کبھی ہم بھی جھانک لیتے ہیں خواتین کارنر میں برقعہ پہن کے اور کیا بتائیں صاحب کہ اتنی خاموشی ہوتی ہےکہ سب دھاگے سنسان پڑے ہوتے ہیں اتنی خاموشی سے دم گھٹنے لگتا ہے اور برقعہ وہیں پھینک کر بھاگ لیتے ہیں۔

 

[شمشاد]

ناعمہ ''علی پور کا ایلی'' پڑھ رہی ہے۔

اس نے یہی لکھا ہے ایک دھاگے میں۔

 

[خواجہ طلحہ]

لگتا ہے رانا جی پر ،پنجاب کے موجودہ گورنر کا سایہ ہے۔ کبھی حکم صادر اور حکم امتناعی۔

 

[شمشاد]

اللہ نہ کرئے کہ ان پر کسی کا سایہ ہو، خاص کر اس کا جس کا آپ نے کہا ہے۔

 

[خواجہ طلحہ]

اللہ نہ کرئے کہ ان پر کسی کا سایہ ہو، خاص کر اس کا جس کا آپ نے کہا ہے۔

آمین۔
مزاحاً لکھا تھا۔

 

[عثمان]

مجھے نہ نکالے کوئی۔۔۔کہ نووارد ہوں۔ اگر نکالا تو دروازے پر کھڑا ہو کر کسی کو اندر آنے بھی نہ دوں گا۔

 

[خرم شہزاد خرم]

پہلے تو یہ بتائیے کہ آپ کو چھٹی دی کس کمبخت نے ہے؟ ذرا نام تو بتائیے اس ظالم شخص کا۔۔۔
آپ تو ان معدودے چند افراد میں سے ہیں جنہیں ہماری محفل کے شعبۂادب کے سرمائے کے طور پر گنا جاتا ہے۔

جزاک اللہ جزاک اللہ چھٹی ختم میں حاضر ہوں جناب