الوداعی تقریب اردو محفل سے محبت اور متوقع جدائی پہ اشعار

[فرخ منظور]

لگا کر آگ سینے میں، چلے ہو تم کہاں یارو
ابھی تو راکھ اڑنے پر تماشا اور بھی ہو گا

 

[جاسمن]

صحرا پہ لگے پہرے اور قفل پڑے بن پر
اب شہر بدر ہو کر دیوانہ کدھر جائے
فیض

 

[جاسمن]

ہو گی نہ کسی کو یہ خبر بھی
اس مجلس سے کدھر گئے ہم
مرزا رفیع سودا

 

[فہیم]

وہ محفل اب خاموشی کی گود میں چھپ گئی،
جہاں ہنسی اور باتیں خوابِ غفلت میں لپٹ گئی۔

رہ گئی ہیں یادیں، رہ گئے ہیں خواب،
وہ جگہ تھی محبت کا ایک پیارا خواب۔

 

[ظفری]

تمہارے ساتھ یہ موسم فرشتوں جیسا ہے
تمہارے بعد یہ موسم بہت ستائے گا
بشیر بدر

 

[جاسمن]

تمہارے بعد سیانوں کا حال کیا ہوگا
تمہارے بعد یہاں پر اداس پاگل ہیں
کاظم حسین کاظم

 

[جاسمن]

چل ساتھ کہ حسرت دل مرحوم سے نکلے
عاشق کا جنازہ ہے ذرا دھوم سے نکلے
فدوی لاہوری

 

[جاسمن]

انوکھی وضع ہے سارے زمانے سے نرالے ہیں
یہ عاشق کون سی بستی کے یارب رہنے والے ہیں
علامہ اقبال

 

[جاسمن]

کچھ تو مجبوریاں رہی ہوں گی
یوں کوئی بے وفا نہیں ہوتا
بشیر بدر

 

[جاسمن]

ہوا ہے تجھ سے بچھڑنے کے بعد یہ معلوم
کہ تو نہیں تھا ترے ساتھ ایک دنیا تھی
احمد فراز

 

[جاسمن]

آپ کے بعد ہر گھڑی ہم نے
آپ کے ساتھ ہی گزاری ہے
گلزار

 

[جاسمن]

گلا بھی تجھ سے بہت ہے مگر محبت بھی
وہ بات اپنی جگہ ہے یہ بات اپنی جگہ
باصر سلطان کاظمی

 

[محمد عبدالرؤوف]

وہ جو چاہیں تو اٹھا دیں ہے انہیں سب اختیار
اُن کی محفل سے مگر ہم خود تو جانے سے رہے

 

[جیہ]

را می شی لیمو تہ د دیدن پہ وخت
اوخکے سہ نا پوھہ رقیبانے دی

آنسو کیا نادان ہیں کہ رقیب بن گئے ہیں
وقتِ دیدار آنکھوں یں اتر آتے ہیں

 

[لاريب اخلاص]

ترے ساتھ گزرے حسین لمحوں کی شوخیاں
وہی رنگ و بو وہی رونقیں مرے ساتھ ہی ہیں
اختر شمار

 

[محمد عدنان اکبری نقیبی]

‏توں ساتھ تاں دیندا ، کملیا
وقت دا کی سی بدل ای جاندا

 

[ابن سعید]

گئے دنوں کی یاد بھی، رلاتی ہے، ہنساتی ہے
کہیں پہ غم، کہیں خوشی، حیات اسی کا نام ہے

یہ آ کے جاتی روشنی، یہ جا کے آتی تیرگی
کسے یہاں ثبات ہے، کسے یہاں دوام ہے

 

[صاد الف]

گذری مسافتوں پہ بھی ڈالیں ذرا نظر
قُربت کی ساعتوں کا مُقدّر بھی دیکھ لیں

شاید کہ مِل سکیں نہ نئے موسموں میں ہم
جاتی رُتوں کے آخری منظر بھی دیکھ لیں

 

[سید عاطف علی]

واہ ۔
گذری مسافتوں پہ بھی ڈالیں ذرا نظر
قُربت کی ساعتوں کا مُقدّر بھی دیکھ لیں

شاید کہ مِل سکیں نہ نئے موسموں میں ہم
جاتی رُتوں کے آخری منظر بھی دیکھ لیں

 

[نیرنگ خیال]

اے ہم نفسانِ محفل ما
رفتید ولے از نہ دلِ ما
فیضی دکنی

ترجمہ: میری محفل وچوں جاون والیو۔۔۔ میرے دل اچ تہاڈے ڈیرے نیں