آپ کے پسندیدہ اشعار!

[شمشاد]

روز اچھے نہیں لگتے آنسو
خاص موقعوں پہ مزا دیتے ہیں
محمد علوی

 

[سیما علی]

عرض احوال کو گلا سمجھے
کیا کہا میں نے آپ کیا سمجھے
داغ

 

[سیما علی]

ہمارے شہر کے لوگوں کا اب احوال اتنا ہے
کبھی اخبار پڑھ لینا کبھی اخبار ہو جانا

ادا جعفری

 

[سیما علی]

ہم تو رات کا مطلب سمجھیں خواب، ستارے، چاند، چراغ
آگے کا احوال وہ جانے جس نے رات گزاری ہو

عرفان صدیقی

 

[سیما علی]

غالبؔ ترا احوال سنا دیں گے ہم ان کو
وہ سن کے بلا لیں یہ اجارا نہیں کرتے

مرزا غالب

 

[سیما علی]

ہوش اڑ جائیں گے اے زلف پریشاں تیرے
گر میں احوال لکھا اپنی پریشانی کا

 

[لاريب اخلاص]

نئی دنیا کے ہنگاموں میں ناصرؔ
دبی جاتی ہیں آوازیں پرانی
ناصر کاظمی

 

[لاريب اخلاص]

حوصلہ کس میں ہے یوسف کی خریداری کا
اب تو مہنگائی کے چرچے ہیں زلیخاؤں میں
قتیل شفائی

 

[شمشاد]

آہ یہ مہکی ہوئی شامیں یہ لوگوں کے ہجوم
دل کو کچھ بیتی ہوئی تنہائیاں یاد آ گئیں
ظہیر کاشمیری

 

[السید کامل عباس الجعفري]

برگ حنا پہ بیٹھ کے لکھتا ہوں دل کی بات
شاید کہ رفتہ رفتہ لگے دلربا کے ہاتھ

میر انیس

.

 

[شمشاد]

نظر میں دور تلک رہ گزر ضروری ہے
کسی بھی سمت ہو لیکن سفر ضروری ہے
عبید الرحمان

 

[سیما علی]

عشق سے طبیعت نے زیست کا مزا پایا
درد کی دوا پائی درد بے دوا پایا

 

[سیما علی]

کاغذ تمام کلک تمام اور ہم تمام
پر داستان شوق ابھی ناتمام ہے

 

[سیما علی]

عمر جو بے خودی میں گزری ہے
بس وہی آگہی میں گزری ہے

 

[سیما علی]

کون سی جا ہے جہاں جلوۂ معشوق نہیں
شوقِ دیدار اگر ہے تو نظر پیدا کر

 

[سیما علی]

تنگ آ چکے ہیں کشمکش زندگی سے ہم
ٹھکرا نہ دیں جہاں کو کہیں بے دلی سے ہم

 

[سیما علی]

ہم آہ بھی کرتے ہیں تو ہو جاتے ہیں بد نام
وہ قتل بھی کرتے ہیں تو چرچا نہیں ہوتا

 

[سیما علی]

دونوں جہان تیری محبت میں ہار کے
وہ جا رہا ہے کوئی شب غم گزار کے

 

[سیما علی]

وہ افسانہ جسے انجام تک لانا نہ ہو ممکن
اسے اک خوبصورت موڑ دے کر چھوڑنا اچھا

 

[سیما علی]

اچھا خاصا بیٹھے بیٹھے گم ہو جاتا ہوں
اب میں اکثر میں نہیں رہتا تم ہو جاتا ہوں