آپ کے پسندیدہ اشعار!

[عبد الرحمٰن]

وہ خم گیسوء دراز دام خیال عاشقاں
ہو گئے بے طرح شکار اب نہ رہے کہیں کہ ہم
شاد عظیم آبادی

 

[عبد الرحمٰن]

اے ابر ِخاص! ہم پہ برسنے کا اَب خیال
جل کر ترے فراق میں جَب راکھ ہو گئے
پروین شاکر

پروین شاکر - شہر ِ جمال کے خس و خاشاک ہوگئے
پورا کلام اردو محفل پر

 

[ذیشان شانی]

یومِ دفاع۔
ثبوت دیں گےوفا کا یوں اشتباہِ غلط
ملا کےخاک میں رکھدے ہرسپاہِ غلط
اوربربِ کعبہ ہم آنکھیں نکال چھوڈیں گے
اٹھی جوملک کی جانب کوئ نگاہیں غلط

 

[ذیشان شانی]

نہ ستائش کی تمنّا نہ صلے کی پروا

گرنہیں ہیں مرےاشعارمیں معنی؟نہ سہی
غالب

 

[فرقان احمد]

حیرت غرورِ حُسن سے شوخی سے اضطراب​

دل نے بھی تیرے سیکھ لیے ہیں چلن تمام​

دل خون ہو چکا ہے، جگر ہو چکا ہے خاک​

باقی ہوں میں مجھے بھی کر، اے تیغ زن تمام

حسرت موہانی​

 

[فرحان محمد خان]

دو رنگی چھوڑ دے یک رنگ ہوجا
سراسر موم ہو یا سنگ ہوجا
نا معلوم

یہ میاں محمد بخش کے ایک شعر کا اردو ترجمہ ہے

 

[عبد الرحمٰن]

ہر چہرے میں تیرا چہرہ ڈھونڈ کے تجھ کو کھو بیٹھے۔۔
گھر کا رستہ بھول گئے ہم گھر آنے کی جلدی میں۔۔
بشیر بدر

 

[لاریب مرزا]

تیری صورت سے کسی کی نہیں ملتی صورت
ہم جہاں میں تری تصویر لیے پھرتے ہیں

(امام بخش ناسخ)

 

[عبد الرحمٰن]

تیری صورت سے کسی کی نہیں ملتی صورت
ہم جہاں میں تری تصویر لیے پھرتے ہیں

(امام بخش ناسخ)

اس ایک چہرے میں آباد تھے کئی چہرے
اس ایک شخص میں کس کس کو دیکھتا تھا میں

سلیم احمد

 

[عبد الرحمٰن]

تشبیہ ترے چہرے کو کیا دوں گل تر سے
ہوتا ہے شگفتہ مگر اتنا نہیں ہوتا

اکبر الہ آبادی

 

[بنتِ رفیع]

کانپتا ہے دِل تیرا اندیشۂ طوفاں سے کیا
ناخدا تُو،بحر تُو،کشتی بھی تُو،ساحل بھی تُو
اقبالؔ

 

[فرحان محمد خان]

بانٹ لیں سب نے آپس میں‌خوشیاں
میرے حصے میں غم رہ گئے ہیں
نصیر الدین نصؔیر

 

[محمد وارث]

میں وہ ہر گز نہیں جس کو قفس سے موت آتی ہو
میں وہ ہوں جس نے خود دیکھا نہ سوئے آشیاں برسوں
اصغر گونڈوی

 

[فرحان محمد خان]

سیاہی جیسے گر جاوے دمِ تحریر کاغظ پر
مری قسمت میں یوں تصویر ہے شب ہائے ہجراں کی
غالب

 

[فرحان محمد خان]

دل سے مٹنا تری انگشت حنائی کا خیال
ہو گیا گوشت سے ناخن کا جدا ہو جانا
مرزا غالب

 

[حرا بتول]

میرے مزار پہ آ کر دئیے جلائے گا
وہ میرے بعد میری زندگی میں آئے گا

 

[ذیشان شانی]

آئینہ دیکھ کے فرماتے ھیں

کس غضب کی ھے جوانی میری
امداد امام اثرؔ

 

[بنتِ رفیع]

ہم خود تراشتے ہیں منازل کے سنگِ راہ
ہم وہ نہیں کہ جن کو زمانہ بنا گیا

 

[بنتِ رفیع]

تم سے کس نے کہا تم بہت خوب ہو
ہم کو الفت کی عادت تھی،ہوتی رہی

 

[محمد وارث]

مانا کہ بہت کچھ ہے، یہ گرمیِ حُسنِ شمع
اس سے بھی زیادہ ہے، سوزِ غمِ پروانہ
اصغر گونڈوی