آپ کے پسندیدہ اشعار!

[طارق شاہ]

جو ہے، سو آہِ عِشق کا بیمار ہے دِلا
پھیلا ہے بے طرح سے یہ آزار آج کل

قلندربخش جرأت

 

[طارق شاہ]

ہم مُفلسوں سے کیا کوئی دل کھول کر مِلے
سب کے تئیں عزیز ہے زردار آج کل

وعدہ خلاف آ کے مِلے گا بھی تُو کبھی
کب تک، سُنا کریں تِری ہر بار آج کل

قلندربخش جرأت

 

[طارق شاہ]

عِشق آغاز میں ہلکی سی خلش رکھتا ہے
بعد میں سینکڑوں آزار سے لگ جاتے ہیں

احمد فراز

 

[طارق شاہ]

تم جب آؤ گی، تو کھویا ہُوا پاؤگی مجھے !
میری تنہائی میں خوابوں کے سِوا کچھ بھی نہیں

میرے کمرے کو سجانے کی تمنّا ہے تمھیں
میرے کمرے میں کتابوں کے سِوا کچھ بھی نہیں

جون ایلیا

 

[سید فصیح احمد]

کہاں تک تاب لائے ناتواں دل
کہ صدمے اب مسلسل ہو گئے ہیں
جنہیں ہم دیکھ کر جیتے تھے ناصر
وہ لوگ آنکھوں سے اوجھل ہو گئے ہیں

ناصر کاظمی

 

[معاویہ وقاص]

یہ جو بادل ترے ہونٹوں کی طرف دیکھتے ہیں
مسئلہ یہ ہے کہ اک رنگ دھنک میں کم ہے

نامعلوم

 

[طارق شاہ]

ہے یہ بس عرصۂ تدبیرِ تمنّائے نِشاط !
کون کہتا ہے کہ گلشن پہ مصیبت ہےخزاں

عنبر امروہوی

 

[سید فصیح احمد]

سب خرابے ہیں تمنائوں کے
کون بستی ہے جو بستی ہے یاں

مختار صدیقی

 

[طارق شاہ]

اُنھیں راستوں نے جن پر کبھی تم تھے ساتھ میرے
مُجھے روک روک پُوچھا، تِرا ہمسفر کہاں ہے

بشیر بدر

 

[طارق شاہ]

خود اپنے آپ سے شرمِندگی سی ہوتی ہے
کبھی کبھی تو، بڑی بے دِلی سی ہوتی ہے

میں بولتا ہُوں، تو اِلزام ہے بغاوت کا !
جو چُپ رہُوں تو بڑی بے بسی سی ہوتی ہے

بشیر بدر

 

[طارق شاہ]

بے سبب آٹھ پہر ذکر مے و جام نہیں
کچھ تو مِلتی ہے زباں کو تِرے لذّت واعظ

امیر مینائی

 

[طارق شاہ]

نا قبولِ خلق، مُجھ سا کوئی عالَم میں نہیں
برق بھی آتی نہیں ہے مِرے خرمن کی طرف

امیر مینائی

 

[طارق شاہ]

لا اُبالی جب نِکل چلتے ہیں پھر رُکتے نہیں !
بُوئے گُل کب دیکھتی ہے پھر کے گُلشن کی طرف

امیر مینائی

 

[طارق شاہ]

غمِ ہستی کا اسد، کِس سے ہوجُزمرگ عِلاج
شمع ہر رنگ میں جلتی ہے سحر ہونے تک

مِرزا غالب

 

[طارق شاہ]

ادب کی بات ہے، ورنہ مُنیر سوچو تو !
جو شخص سُنتا ہے وہ بول بھی تو سکتا ہے

مُنیر نیازی

 

[طارق شاہ]

تِرے فِراق میں، جیسے خیال مُفلس کا !
گئی ہے فکر پریشاں کہاں کہاں میری

میر تقی میر

 

[طارق شاہ]

اور تو، مجھ کو مِلا کیا مِری محنت کا صِلہ !
چند سِکّے ہیں مِرے ہاتھ میں چھالوں کی طرح

جاں نثار اختر

 

[طارق شاہ]

ﺍِﺗﻨﯽ ﻣُﺪّﺕ ﺗﻮ ﺳُﻠﮕﺘﺎ ﻧﮩﯿﮟ ﺭﮨﺘﺎ ﮐﭽھ ﺑﮭﯽ !
ﺍﻭﺭ ﮐﭽھ ﮨﻮﮔﺎ ﺟﺴﮯ ﺩﻝ ﮐﺎ ﺩُﮬﻮﺍﮞ ﻟِﮑﮭﺘﮯ ﮨﻮ

عرفان صدیقی

 

[طارق شاہ]

نہ کوئی قیس گلی میں ، نہ بام پر لیلیٰ
ہجُوم کِس لیے پتّھر اُٹھائے پھرتا ہے

مشتاق عاجز

 

[طارق شاہ]

تاویل نئی، یا وہی بے وجہ کے خدشے
قائم رہے کب اُن کا نہ ڈرنے کا تہیّہ

شفیق خلش