آپ کے پسندیدہ اشعار!

[سیما علی]

نہیں پسند محبت میں ملاوٹ مجھ کو
اگر وہ میرا ہے تو خواب بھی میرے دیکھے

 

[علی وقار]

غم جہاں نے کیا اس قدر خراب کہ میں
جو دوستوں میں گزاری تھی شام بھول گیا

ناصر زیدی

 

[سیما علی]

تری گلی میں بہائے پھرے ہے سیل سرشک
ہمارا کاسۂِ سر کیا ہوا حباب ہوا

جوابِ خط کے نہ لکھنے سے یہ ہوا معلوم
کہ آج سے ہمیں اے نامہ بر جواب ہوا

بہادر شاہ ظفر

 

[رباب واسطی]

آنکھیں
یہ کائنات صراحی تھی جام آنکھیں تھیں
مواصلات کا پہلا نظام آنکھیں تھیں
غنیم ِ شہر کو وہ تھا بصارتوں کا جنوں
کہ جب بھی لْوٹ کے لایا تمام آنکھیں تھیں
خطوط ِ نور سے ہر حاشیہ مزّین تھا
کتاب ِ نور میں سارا کلام آنکھیں تھیں
اب آگئے ہیں یہ چہروں کے زخم بھرنے کو
کہاں گئے تھے مناظر جو عام آنکھیں تھیں
وہ قافلہ کسی اندھے نگر سے آیا تھا
ہر ایک شخص کا تکیہ کلام آنکھیں تھیں
نظر فروز تھا یوسف کا پیرہن شاید
دیار ِ مصر سے پہلا سلام آنکھیں تھیں
کسی کا عکس بھی دیکھا تو رو پڑیں یکدم
قسم خدا کی بہت تشنہ کام آنکیں تھیں
ن م راشد​

 

[رباب واسطی]

‏ہم اِتنے پریشاں تھے کہ حالِ دِلِ سوزاں
اُن کو بھی سُنایا کہ جو غمخوار نہیں تھے

 

[رباب واسطی]

ہم ہُوئے کچھ اور گُم اُن کے تصور میں نصیرؔ
جس گھڑی فرصت مِلی ،جس وقت تنہائی مِلی

 

[رباب واسطی]

یہ دھوپ کنارا شام ڈھلے
ملتے ہیں دونوں وقت جہاں
جو رات نہ دن جو آج نہ کل
پل بھر کو امر پل بھر میں دھواں
اس دھوپ کنارے پل دو پل
ہونٹوں کی لپک
بانہوں کی چھنک
یہ میل ہمارا جھوٹ نہ سچ
کیوں رار کرو کیوں دوش دھرو
کس کارن جھوٹی بات کرو
جب تیری سمندر آنکھوں میں
اس شام کا سورج ڈوبے گا
سکھ سوئیں گے گھر در والے
اور راہی اپنی رہ لے گا

 

[رباب واسطی]

موج کوثر کی قسم ہم تھے محبت کے ولی
خاک کے در پہ نہ جھکتے تو سمندر ہوتے

 

[علی وقار]

آنکھ سے دور نہ ہو دل سے اتر جائے گا
وقت کا کیا ہے گزرتا ہے گزر جائے گا
احمد فراز

ضبط لازم ہے مگر دکھ ہے قیامت کا فرازؔ
ظالم اب کے بھی نہ روئے گا تو مر جائے گا

 

[علی وقار]

بجھا کے طاق کی شمعیں نہ دیکھ تاروں کو
اسی جنوں میں تو برباد گھر ہمارے ہوئے


شاعر: احمد فراز

 

[علی وقار]

اس نے اپنا بنا کے چھوڑ دیا
کیا اسیری ہے کیا رہائی ہے

جگر مراد آبادی

 

[سیما علی]

رخ کے ہوتے ہوئے ڈھونڈا نہ دہن کاُمضمون​

سہل کو چھوڑ کے کیو ں جانب مشکل جاتا ​

حیدر علی آتش

 

[سیما علی]

خود کو مٹانا گم ہو جانا ناموری سے مشکل ہے
درویشی آسان نہیں ہے تاجوری سے مشکل ہے

جان و دل و دین و دھرم کیا نام خدا کیا نام رسول
کسی پہ سب کچھ قرباں کرنا دریا دلی سے مشکل ہے

عبد الہادی کاوش