آپ کے پسندیدہ اشعار!

[سیما علی]

میں روز ادھر سے گزرتا ہوں کون دیکھتا ہے
میں جب ادھر سے نہ گزروں گا کون دیکھے گا
مجید امجد

 

[سیما علی]

خوش نوائی نے رکھا ہم کو اسیرِاے صیاد
ہم سے اچھےرہے صدقے میں اترنے والے
مرزا نواب داغ دہلوی

 

[سیما علی]

مجھے جو بھی دشمنِ جاں ملا وہی پختہ کارِ جفا ملا
نہ کسی کی ضرب غلط پڑی، نہ کسی کا تیر خط ہوا

اقبال عظیم

 

[سیما علی]

دل دو طرح کا تیری محبت میں چاہیے
راحت میں ایک ایک مصیبت میں چاہیے
داغ دہلوی

 

[سیما علی]

افسانہء رقیب بھی لو بے اثر ہوا
بگڑی جو سچ کہے سے وہاں جھوٹ کیا چلے

 

[سیما علی]

گزشتہ عظمتوں کےتزکرے بھی رہ نہ جائیں گے
کتابوں ہی میں دفن افسانہء جاہ و ہشم ہوں گے
اکبر الہٰ آبادی

 

[سیما علی]

محشر کا خیر کچھ بھی نتیجہ ہو اے عدم !!
کچھ گفتگو تو کھل کے کرینگے خدا کے ساتھ

عبدالحمید عدم

 

[سیما علی]

سازِ حیات ہم نفسو ! خوب ہے مگر
کب ٹوٹ جائے سانس کا اک تار ہی تو ہے

وامق جونپوری

 

[سیما علی]

چھپا لوں خود ہی کیوں نہ اپنا ڈھانچہ
تمہیں راتب مہیا کیوں کروں میں
جون ایلیا

 

[سیما علی]

چلو آؤ تم کو دکھائیں ہم جو بچا ہے مقتلِ شہر میں
یہ مزار اہلِ صفا کے ہیں، یہ ہیں اہلِ صدق کی تربتیں

فیض

 

[سیما علی]

دل سے جو چھٹے بادل تو آنکھ میں ساون ہے
ٹھہرا ہوا دریا ہے ، بہتا ہوا پانی ہے ۔۔۔۔۔۔۔۔۔۔ !

بشیر بدر

 

[سیما علی]

حضرت واعظ جہاں کی لذتوں سے کیوں ہو دور
وہ فرشتہ خصلتی کیسی ، جب انساں ہو گئے

شکیل بدایونی

 

[سیما علی]

یارب، زمانہ مجھ کو مٹاتا ہے کس لیے؟
لوحِ جہاں پہ حرفِ مکرر نہیں ہوں میں

غالب

 

[سیما علی]

یہیں تک نہیں عشق کی سیر گاہیں
مہ و انجم و کہکشاں اور بھی ہیں

 

[سیما علی]

مُحبّت، عشق، یہ سب منزلیں ہیں، راہ عرفاں کی
جسے سمجھے ہو دردِ دل، حلاوت ہے وہ ایماں کی

وصی شاہ

 

[سیما علی]

یہ دل ہے کہ جلتے سینے میں، اک درد کا پھوڑا الہڑ سا
نہ گپت رہے، نہ پھوٹ بہے، کوئی مرہم ہو، کوئی نشتر ہو

 

[سیما علی]

محسن ریا کے نام پہ ساتھی تھے بے شمار
جن میں تھا کچھ خلوص وہ دشمن بھی چند تھے

محسن ںقوی

 

[سیما علی]

کوئی بتاؤ کہ آخر یہ ماجرا کیا ہے؟
وہ جانِ جاں تھا مگر ہم تو اب بھی جیتے ہیں
جون ایلیا

 

[محمد افضان قاسم]

بلا کے شوخ ہیں، بے طرح کام کرتے ہیں
نظر مِلاتے ہی قصّہ تمام کرتے ہیں

اُٹھو اُٹھو درِ دولت سے عاشقو! اُٹّھو
چلو چلو کہ وہ دیدارعام کرتے ہیں

عبدالمجید بیدل

نا فہمی اپنی پردہ ہے دیدار کے لیے
ورنہ کوئی نقاب نہیں یار کے لیے

نور تجلی ہے ترے رخسار کے لیے
آنکھیں مری کلیم ہیں دیدار کے لیے

فدیے بہت اس ابروئے خم دار کے لیے
چو رنگ کی کمی نہیں تلوار کے لیے

 

[سیما علی]

تمام عمر ہی تشریح میں گزر جائے
وہ اختصار جو اس زود گو کی بات میں تھا

علامہ بیدل حیدری