آپ کے پسندیدہ اشعار!

[عطاء اللہ جیلانی]

‏خود کو بکھرتے دیکھتے ہیں کچھ کر نہیں پاتے ہیں
پھر بھی لوگ خداؤں جیسی باتیں کرتے ہیں

افتخار عارف

 

[عطاء اللہ جیلانی]

‏سیرت نہ ہو تو عارض و رخسار سب غلط
خوشبو اڑی تو پھول فقط رنگ رہ گیا

ظہیر کاشمیری

 

[شمشاد]

دل آباد کہاں رہ پائے اس کی یاد بھلا دینے سے
کمرہ ویراں ہو جاتا ہے اک تصویر ہٹا دینے سے
جلیل عالیؔ

 

[شمشاد]

لوگ کہتے ہیں کہ تم سے ہی محبت ہے مجھے
تم جو کہتے ہو کہ وحشت ہے تو وحشت ہوگی
عبد الحمید عدم

 

[شمشاد]

ایک ہو جائیں تو بن سکتے ہیں خورشید مبیں
ورنہ ان بکھرے ہوئے تاروں سے کیا کام بنے
ابو المجاہد زاہد

 

[شمشاد]

جو گزاری نہ جا سکی ہم سے
ہم نے وہ زندگی گزاری ہے
جون ایلیا

 

[سیما علی]

عالی کس کو فرصت ہوگی اک تمہیں کو رونے کی
جیسے سب یاد آتے ہیں تم بھی یاد آجاؤ گے

(جمیل ‌الدین ‌عالی)

 

[سیما علی]

غم حیات سے فرصت ملے تو غورکروں
مری نگاہ حسین ہے کہ رُوئے دوست حسیں

(فرید ‌جاوید)

 

[سیما علی]

اِس عمر کی فرصت میں ہر چیز کا ہونا ہے
جنت بھی یہیں ہوگی! دوزخ جو یہیں پر ہے

(امجداسلام امجد)

 

[سیما علی]

ہر دَم دنیا کے ہنگامے گھیرے رکھتے تھے،
جب سے تیرے دھیان لگے ہیں، فرصت رہتی ہے

(امجداسلام امجد)

 

[سیما علی]

ہاتھ پہ ہاتھ دھرے بیٹھے ہیں، فرصت کتنی ہے
پھر بھی تیرے دیوانوں کی شہرت کتنی ہے!

(امجد اسلام امجد)

 

[سیما علی]

غم حیات سے فرصت ملے تو غورکروں
مری نگاہ حسین ہے کہ رُوئے دوست حسیں

(فرید ‌جاوید)

 

[سیما علی]

حالِ دل کون سنائے اسے‘ کب فرصت ہے
سب کو اس آنکھ نے باتوں میں لگا رکھا ہے

(سلیم ‌احمد)

 

[سیما علی]

فرصت نہیں تنک بھی کہیں اضطراب کو
کیا آفت آگئی مرے اس دل کی تاب کو

(میر تقی میر)

 

[شمشاد]

تمہاری یاد کے جب زخم بھرنے لگتے ہیں
کسی بہانے تمہیں یاد کرنے لگتے ہیں
فیض احمد فیض

 

[لاريب اخلاص]

پھر اور تغافل کا سبب کیا ہے خدایا
میں یاد نہ آؤں انہیں ممکن ہی نہیں ہے
حسرتؔ موہانی

 

[لاريب اخلاص]

اب کوئی ڈھونڈ ڈھانڈ کے لاؤ نیا وجود
انسان تو بلندی انساں سے گھٹ گیا
کالی داس گپتا رضا

 

[لاريب اخلاص]

ہمیں تو اس لیے جائے نماز چاہئے ہے
کہ ہم وجود سے باہر قیام کرتے ہیں
عباس تابش

 

[سیما علی]

بات کو سمجھ لینا عام بات ہے‘ لیکن
بات کی نزاکت کو لوگ کم سمجھتے ہیں

(فرید ‌جاوید)

 

[سیما علی]

رنگ لائے گی نزاکت بڑھ کر
پھول کے بار سے پتّائے گا

(صبا)