آپ کے پسندیدہ اشعار!

[لاريب اخلاص]

یاد رکھنا ہی محبت میں نہیں ہے سب کچھ
بھول جانا بھی بڑی بات ہوا کرتی ہے
جمال احسانی

 

[لاريب اخلاص]

یاد ماضی عذاب ہے یارب
چھین لے مجھ سے حافظہ میرا
اختر انصاری

 

[شمشاد خان]

محبت کرنے والے درد میں تنہا نہیں ہوتے
جو روٹھو گے کبھی مجھ سے تو اپنا دل دکھاؤ گے
(عازم کوہلی)

 

[عمران عمیر]

مجھ سے ملنے کو آپ آئے ہیں
بیٹھیے، میں بُلا کے لاتا ہوں!

جون ایلیا

کیا یہ شعر جون ایلیا کا ہی ہے یا پھر ان کی طرف غلطی سے منسوب کیا گیا ہے

 

[جا ن]

کب تک دل کی خیر منائیں، کب تک رہ دکھلاؤ گے
کب تک چین کی مہلت دو گے، کب تک یاد نہ آؤ گے
(فیض احمد فیض)

 

[مریم افتخار]

موت سے کس کو رستگاری ہے
آج وہ کل ہماری باری ہے
(نامعلوم)​

 

[سلیم ستار]

تم مدمقابل ہو مگر جان ہو میری
میں چال چلوں گا تو تمہیں مات نہ ہو گی
شہزادؔ احمد

 

[ریحان احمد ریحانؔ]

بہت پہلے سے ان قدموں کی آہٹ جان لیتے ہیں
تجھے اے زندگی ہم دور سے پہچان لیتے ہیں

 

[ریحان احمد ریحانؔ]

انہیں پتھروں پہ چل کر جو آ سکو تو آؤ
میرے گھر کے راستے میں کوئی کہکشاں نہیں ہے

 

[ریحان احمد ریحانؔ]

بدلے ہوئے حالات سے ڈر جاتا ہوں اکثر
شیرازۂ ملت ہوں بکھر جاتا ہوں اکثر

 

[ریحان احمد ریحانؔ]

یہ منشورِ ستم لیکن اسے ہم مانتے کب ہیں
صحیفوں کی طرح ہم پر اتارا جا رہا ہے

 

[لاريب اخلاص]

تم مرے پاس ہوتے ہو گویا
جب کوئی دوسرا نہیں ہوتا
مومن خاں مومن

 

[ریحان احمد ریحانؔ]

گلہ نہیں جو گریزاں ہیں چند پیمانے
نگاہِ یار سلامت ہزار میخانے

 

[سحر کائنات]

‏آؤ مل کر کریں وفا روشن...!

میں سلگتا ہوں تم ہوائیں دو...!

 

[ریحان احمد ریحانؔ]

کچھ نہیں کچھ بھی نہیں گر ترا کردار نہیں
تو فلاں ابن فلاں ہے یہ کوئی معیار نہیں

 

[لاريب اخلاص]

ہے قحط نہ طوفاں نہ کوئی خوف وبا کا

اس دیس پہ سایہ ہے کسی اور بلا کا

ہر شام سسکتی ہوئی فریاد کی وادی

ہر صبح سلگتا ہوا صحرا ہے صدا کا

اپنا تو نہیں تھا میں کبھی اور غموں نے

مارا مجھے ایسا رہا تیرا نہ خدا کا

پھیلے ہوئے ہر سمت جہاں حرص و ہوس ہوں

پھولے گا پھلے گا وہاں کیا پیڑ وفا کا

ہاتھوں کی لکیریں تجھے کیا سمت دکھائیں

سن وقت کی آواز کو رخ دیکھ ہوا کا

لقمان و مسیحا نے بھی کوشش تو بہت کی

ہوتا ہے اثر اس پہ دعا کا نہ دوا کا

اس بار جو نغمہ تری یادوں سے اٹھا ہے

مشکل ہے کہ پابند ہو الفاظ و صدا کا

اتنی ترے انصاف کی دیکھی ہیں مثالیں

لگتا ہی نہیں ملک ترا ملک خدا کا

سمجھا تھا وہ اندر کہیں پیوست ہے مجھ میں

دیکھا تو مرے ہاتھ میں آنچل تھا صبا کا
سعید احمد اختر

 

[لاريب اخلاص]

پھر سے خدا بنائے گا کوئی نیا جہاں
دنیا کو یوں مٹائے گی اکیسویں صدی
بشیر بدر

 

[لاريب اخلاص]

بازیچۂ اطفال ہے دنیا مرے آگے
ہوتا ہے شب و روز تماشا مرے آگے
مرزا غالب

 

[Jazib hashmi]

بازیچۂ اطفال ہے دنیا مرے آگے
ہوتا ہے شب و روز تماشا مرے آگے
مرزا غالب

زبردست

 

[Jazib hashmi]

آحباب چارہ سازی وحشت نہ کر سکے
زنداں میں بھی خیال , بیاباں نورد تھا
غالب