آپ کے پسندیدہ اشعار!

[فرقان احمد]

حیرت غرورِ حُسن سے شوخی سے اضطراب​

دل نے بھی تیرے سیکھ لیے ہیں چلن تمام​

دل خون ہو چکا ہے، جگر ہو چکا ہے خاک​

باقی ہوں میں مجھے بھی کر، اے تیغ زن تمام​

 

[فرقان احمد]

ہم سے بھاگا نہ کرو
دور غزالوں کی طرح

اسکا شاعر کون ہے

جانثار اختر

ہم سے بھاگا نہ کرو دُور غزالوں کی طرح
ہم نے چاہا ہے تمہیں چاہنے والوں کی طرح ​

اور کیا اِس سے زیادہ، بھلا نرمی برتوں
دل کے زخموں کو چُھوا ہے تِرے گالوں کی طرح ​

تیری زلفیں، تِری آنکھیں، تِرے اَبرُو، تِرے لب
اب بھی مشہور ہیں دُنیا میں مِثالوں کی طرح ​

ہم سے مایُوس نہ ہو اے شبِ دَوراں! کہ، ابھی
دل میں کچُھ درد چمکتے ہیں، اُجالوں کی طرح​

مجھ سے نظریں تو مِلاؤ، کہ ہزاروں چہرے !
میری آنکھوں میں چمکتے ہیں سوالوں کی طرح​

اور تو، مجھ کو مِلا کیا مِری محنت کا صلہ !
چند سِکّے ہیں مِرے ہاتھ میں چھالوں کی طرح ​

 

[گلزار خان]

 

[فرقان احمد]

حالِ دل ہم بھی سناتے لیکن
جب وہ رخصت ہوا تب یاد آیا

 

[عندلیب]

یوں وفا اٹھ گئی زمانے سے
کبھی گویا کسی میں تھی ہی نہیں

 

[فرقان احمد]

چُپ چاپ سر ِ شہر ِ وفا سوچ رہے ہو
لگتا ہے کوئی اپنی خطا سوچ رہے ہو

وہ کون ہے گُذرا تھا جو اِس راہگزر سے
کِس کے ہیں نقوش ِ کف ِ پا سوچ رہے ہو

 

[showbee]

فلک میں آگ لگ جاتی جو دونوں روبرو ہوتے ​

غروب شمس لازم تھا طلوع چاند سے پہلے
​

 

[فرقان احمد]

تعلق رکھ لیا باقی، تیّقن توڑ آیا ہوں
کسی کا ساتھ دینا تھا، کسی کو چھوڑ آیا ہوں

کہاں تک میں لئے پھرتا محبت کا یہ اِکتارا
سو اب جو سانس ٹوٹی، گیت آدھا چھوڑ آیا ہوں

محمد احمد​

 

[showbee]

مدد کرنی ہو اُس کی
یار کی ڈھارس باندھنا ہو
بہت دیرینہ راستوں پر
کسی سے ملنے جانا ہو
ہمیشہ دیر کر دیتا ہوں

کسی کو موت سے پہلے
کسی غم سے بچانا ہو
حقیقت اور کچھ تھی
اُس کو جا کے یہ بتانا ہو
ہمیشہ دیر کر دیتا ہوں

 

[فرقان احمد]

عادت ہی بنا لی ہے تم نے تو منیر اپنی
جس شہر میں بھی رہنا اکتائے ہوئے رہنا

 

[فرقان احمد]

ضبط کا عہد بھی ہے، شوق کا پیماں بھی ہے​

عہد وپیماں سے گُزر جانے کو جی چاہتا ہے​

درد اِتنا ہے کہ ، ہر رگ میں ہے محشر برپا​

اور سکوں ایسا کہ مر جانے کو جی چاہتا ہے​

 

[گلزار خان]

جب سے تو نے مجھے دیوانہ بنا رکھا ہے
سنگ ہر شخص نے ہاتھوں میں اٹھا رکھا ہے​

اس کے دل پر بھی کڑی عشق میں گزری ہو گی​

نام جس نے بھی محبت کا سزا رکھا ہے
پتھروں آج میرے سر پر برستے کیوں ہو
میں نے تم کو بھی کبھی اپنا خدا رکھا ہے
اب میری دید کی دنیا بھی تماشائی ہے
تو نے کیا مجھ کو محبت میں بنا رکھا ہے
غم نہیں گل جو کیئے گھر کے ہواؤں نے چراغ
ہم نے دل کا بھی دیا ایک جلا رکھا ہے
پی جا ایام کی تلخی کو بھی ہنس کر ناصر
غم کو سہنے میں بھی قدرت نے مزہ رکھا ہے​

 

[عباد اللہ]

کشتہ ہوں میں تو شیریں زبانی ء یار کا
اے کاش وہ زباں ہو ہمارے دہن کے بیچ
میر تقی میر

 

[فرقان احمد]

دیکھنا بھی انہیں تو دور سے دیکھا کرنا
شیوہء عشق نہیں ،حُسن کو رُسوا کرنا!

 

[عباد اللہ]

دیکھنا بھی انہیں تو دور سے دیکھا کرنا
شیوہء عشق نہیں ،حُسن کو رُسوا کرنا!

زبردست +پسندیدہ

 

[فرقان احمد]

وفا کی بات الگ، پر جسے جسے چاہا!
کسی میں حُسن، کسی میں ادا زیادہ تھی

فراؔز اُس سے وفا مانگتا ہے، جاں کے عِوَض
جو سچ کہیں تو ۔۔۔۔۔۔ یہ قیمت ذرا زیادہ تھی

 

[عباد اللہ]

مری خلق محوِ کلام سب مجھے چھوڑتے ہیں خموش کب
مرا حرف رشکِ کتاب ہے مری بات لکھنے کا باب ہے
میر تقی میر

 

[فرقان احمد]

مُدّت سے تو دِلوں کی مُلاقات بھی گئی
ظاہر کا پاس تھا، سو مدارات بھی گئی

پِھرتے ہیں میر خوار کوئی پُوچھتا نہیں
اِس عاشقی میں عزّتِ سادات بھی گئی

 

[فرقان احمد]

گُم ہو چلے ہو تم تو بہت خود میں اے منیر
دنیا کو کچھ تو اپنا ۔۔۔۔۔۔۔۔ اتا پتا دینا چاہیے!!!

 

[محمدابوعبداللہ]

باقی ہوں میں مجھے بھی کر، اے تیغ زن تمام

ادھر تیغِ زن سے کیا مراد ہے