آپ کے پسندیدہ اشعار!

[نظام الدین]

شام ہوتے ہی وہ چوکھٹ پر جلا کر شمعیں
اپنی پلکوں پہ کئی خواب سلاتی ہوگی
(وصی شاہ)

 

[عندلیب]

نہ پوچھو ان دنوں کیا ہو رہا ہے
وہ پھر یادوں میں تازہ ہو رہا ہے

 

[طارق شاہ]

اُس کی یادوں نے کی پذیرائی
درد دِل میں جو بےکراں سے رہے

شفیق خلش

 

[عندلیب]

اداسی آنکھوں میں سانسوں میں سسکیاں رکھ دیں
کہاں کہاں مرے خوابوں کی دھجیاں رکھ دیں

 

[خالد محمود چوہدری]

قصور ہو تو ہمارے حساب میں لکھ جائے
محبتوں میں جو احسان ہو ، تمھارا ہو
میں اپنے حصے کے سُکھ جس کے نام کر ڈالوں
کوئی تو ہو جو مجھے اس طرح کا پیارا ہو​

 

[نظام الدین]

میری آنکھوں میں اترنے والے
ڈوب جانا تیری عادت تو نہیں
(پروین فنا سید)

 

[طارق شاہ]

جو شمع بزمِ جہاں تھے
کہاں گئے وہ لوگ

جو راحت دل و جاں تھے
کہاں گئے وہ لوگ

روحِ عمرِ رواں تھے
کہاں گئے وہ لوگ

ابھی ابھی تو یہاں تھے
کہاں گئے وہ لوگ

مجید اجمد

 

[نظام الدین]

اک شمع بجھائی تو کئی اور جلالیں
ہم گردشِ دوراں سے بڑی چال چلے ہیں
(ادا جعفری)

 

[عندلیب]

جو تم نہیں تو بہار کیا ہے
بہشت کا افتخار کیا ہے

 

[طارق شاہ]

مجھے ضبطِ غم سے نہیں گِلہ، رُکے سیلِ غم سے ہُوا بُرا
نہ عیاں تھا چہرے سے درد وغم، مگر آنکھ تھی کہ بھری رہی

شفیق خلش

 

[ahamza]

کیا میں یهاں پہ شعرپوسٹ کرسکتاہوں-دراصل میں یهاں پہ نیاہوں-

 

[ادب دوست]

کیا میں یهاں پہ شعرپوسٹ کرسکتاہوں-دراصل میں یهاں پہ نیاہوں-

جی بلکل ، آپ اپنے پسندیدہ اشعار یہاں پوسٹ کر سکتے ہیں ۔ محفل میں آپ کو خوش آمدید ، تعارف کے دھاگے میں اپنا تعارف بھی پیش کریں

 

[نظام الدین]

کچھ آج شام ہی سے ہے دل بھی بجھا بجھا
کچھ شہر کے چراغ بھی مدھم ہیں دوستو
(احمد فراز)​

 

[ahamza]

میں وہ رستےکی سرائےہوں جسے
ہرکوئی چهوڑکےجاناچاہے۔

امجداسلام امجد

 

[ch farhan hussain]

ﺗﻤﮩﯿﮟ ﮬﻨﺴﺘﺎ ﮬﻮﺍ ﺳُﻦ ﻟﻮﮞ، ﺗﻮ ۔۔۔۔۔۔۔
ﺳﺎﺗﻮﮞ ﺳُﺮ ﺳﻤﺎﻋﺖ ﻣﯿﮟ ﺳﻤﺎ ﮐﺮ
ﺭﻗﺺ
ﮐﺮﺗﮯ ﮬﯿﮟ !
ﮐﺒﮭﯽ ﺗُﻢ ﺭﻭﭨﮭﺘﮯ ﮬﻮ، ﺗﻮ ۔۔۔۔۔۔۔۔۔۔
ﻣﯿﺮﯼ ﺳﺎﻧﺴﯿﮟ ﺍﭨﮑﻨﮯ ﺍﻭﺭ، ﺩﮬﮍﮐﻦ
ﺗﮭﻤﻨﮯ ﻟﮕﺘﯽ ﮬﮯ !
ﺗﻤﮩﺎﺭﮮ ﺍﻭﺭ ﺍﭘﻨﮯ
ﻋﺸﻖ ﮐﯽ ۔۔۔۔۔۔۔ ﮬﺮ ﮐﯿﻔﯿﺖ ﺳﮯ
ﺁﺷﻨﺎﮬﻮﮞ ﻣَﯿﮟ !!
ﻣﮕﺮ ۔۔۔۔۔۔۔۔۔۔۔ ﺟﺎﻧﺎﮞ !!!
ﺗﻤﮩﯿﮟ ﺑﺎﻟﮑﻞ ﺑُﮭﻼ ﺩﯾﻨﮯ ﮐﯽ ﺟﺎﻧﮯ
ﮐﯿﻔﯿﺖ
ﮐﯿﺎ
ﮬﮯ !
ﻣﺠﮭﮯ ﻣﺤﺴﻮﺱ ﮬﻮﺗﺎ ﮬﮯ ۔۔۔۔۔۔۔۔ ﮐﮧ
ﻣﺮﮒِ ﺫﺍﺕ ﮐﮯ ﺍﺣﺴﺎﺱ ﺳﮯ ﺑﮭﺮ ﺟﺎﺅﮞ
ﮔﯽ
ﻓﻮﺭﺍً !
ﺗﻤﮩﯿﮟ ﻣَﯿﮟ ﺑُﮭﻮﻟﻨﺎ ﭼﺎﮬﻮﮞ ﮔﯽ
ﺗﻮ ۔۔۔۔۔۔۔۔ ﻣﺮ ﺟﺎﺅﮞ ﮔﯽ ﻓﻮﺭﺍ ،۔۔۔!!

 

[نظام الدین]

اک شمع بجھائی تو کئی اور جلالیں
ہم گردشِ دوراں سے بڑی چال چلے ہیں
(ادا جعفری)

 

[طارق شاہ]

ہجرمیں اُس کے جنُوں حاصلِ زیبائی ہے
شہر کا شہر ہی اب میرا تماشائی ہے

شفیق خلش

 

[طارق شاہ]

اِک جور پھر اُس پر یہ کہ چُپ سادھ سہیں ہم
کیا اُن کی محبّت کے خلِش طور، طلب ہیں

شفیق خلش

 

[خالد محمود چوہدری]

میں دوستوں کے حق میں بڑا پر خلوص تھا
جب اٹھ گیا تو کہتے ہیں کانٹا نکل گیا
مارا تھا تیر سینے میں یاروں نے تاک کر
میں حسن اتفاق سے آگے نکل گیا​

 

[خالد محمود چوہدری]

دل ہی نہیں تو دل کے سہاروں کو کیا کروں
جب پاس تم نہیں تو بہاروں کو کیا کروں
تصویر اور تصور جاناں یہ سب فریب ہیں
میں اُن سے دُور اُن کے نظاروں کوکیا کروں​