آپ کے پسندیدہ اشعار!

[طارق شاہ]

دیواروں سے مِل کر رونا اچھا لگتا ہے
ہم بھی پاگل ہوجائیں گے، ایسا لگتا ہے

کِتنے دِنوں کے پیاسے ہونگے یارو سوچو تو
شبنم کا قطرہ جن کو دریا لگتا ہے

آنکھوں کو بھی لے ڈوبا یہ دل کا پاگل پن
آتے جاتے جو مِلتا ہے تم سا لگتا ہے

اِس بستی میں کون ہمارے آنسو پُونچھے گا
جو مِلتا ہے اُس کا دامن بِھیگا لگتا ہے

دُنیا بھر کی یادیں ہم سے مِلنے آتی ہیں !
شام ڈھلے اِس سُونے گھر میں میلہ لگتا ہے

قیصرالجعفری

 

[طارق شاہ]

یہ تنہا رات، یہ گہری فضائیں
اُسے ڈھونڈیں، کہ اُس کو بُھول جائیں

خیالوں کی گھنی خاموشیوں میں !
گھُلی جاتی ہیں لفظوں کی صدائیں

یہ رستے رہرووں سے بھاگتے ہیں
یہاں چُھپ چُھپ کے چلتی ہیں ہوائیں

یہ پانی خامشی سے بہہ رہا ہے
اِسے دیکھیں، کہ اِس میں ڈُوب جائیں

جو غم جلتے ہیں شعروں کی چتا میں
اُنہیں، پھر اپنے سینے سے لگائیں

چلو ایسا مکاں آباد کر لیں !
جہاں لوگوں کی آوازیں نہ آئیں

احمد مشتاق

 

[طارق شاہ]

موسمِ گُل ہو کہ پت جھڑ ہو، بَلا سے اپنی !
ہم کہ شامل ہیں نہ کِھلنے میں نہ مُرجھانے میں

احمد مشتاق

 

[طارق شاہ]

نئے دیوانوں کو دیکھیں تو خوشی ہوتی ہے
ہم بھی ایسی ہی تھے جب آئے تھے ویرانے میں

احمد مشتاق

 

[طارق شاہ]

اپنی مستی، کہ تِرے قُرب کی سرشاری میں
اب میں کچھ اور بھی آسان ہُوں دُشواری میں

کتنی زرخیز ہے نفرت کے لیے دل کی زمیں
وقت لگتا ہی نہیں فصل کی تیاری میں

وہ کسی اور دوا سے مِرا کرتا ہے علاج
مُبتلا ہُوں میں، کسی اور ہی بیماری میں

اے زمانے میں تِرے اشک بھی رو لوُں گا ، مگر
ابھی مصرُوف ہُوں خود اپنی عزاداری میں

اپنی تعمیر اُٹھاتے، تو کوئی بات بھی تھی
تم نے اِک عمر گنوادی مِری مسماری میں

ہم اگر اور نہ کچھ دیر ہَوا دیں تو، یہ آگ !
سانس گُھٹنے سے ہی مرجائے گی چنگاری میں

ثنااللہ ظہیر

 

[کاشفی]

اہلِ کراچی کے لیئے منظر بھوپالی کی طرف سے
تم بھی بُلبل ہو اس باغ کے اور ہم شانِ گلزار ہیں
ساری سانسیں تمہاری نہیں، ہم بھی جینے کے حقدار ہیں

تنگ کردی گئی ہے زمیں، ہم پہ اس واسطے آج کل
ہم پجاری ہیں سچائی کے، آئینوں کے طرف دار ہیں

دُور سے ہم کو سمجھو گے کیا، پاس آکر تو دیکھو ہمیں
ہم وفا ہی وفا دوستو، ہم فقط پیار ہی پیار ہیں

کردیا قتل ایک شہر کو اور مظلوم بھی بن گئے
جھوٹ کو سچ بناتے ہیں یہ، کتنے اچھے اداکار ہیں

یہ اذیت بھی ذلت بھی ہے، ہم پہ یہ غم قیامت بھی ہے
جس زمیں کے لیئے مر مٹے، اس زمیں پر ہی غدار ہیں
۔۔۔۔۔۔

 

[طارق شاہ]

کہاں ڈھونڈیں اُسے، کیسے بلائیں
یہاں اپنی بھی آوازیں نہ آئیں

پُرانا چاند ڈُوبا جا رہا ہے
وہ اب کوئی نیا جادُو جگائیں

اب ایسا ہی زمانہ آ رہا ہے
عجب کیا وہ تو آئیں ہم نہ آئیں

ہَوا چلتی ہے پچھلے موسموں کی
صدا آتی ہے اُن کو بُھول جائیں

بس اب لے دے کے ہے ترکِ تعلّق
یہ نسخہ بھی کوئی دن آزمائیں

احمد مشتاق

 

[طارق شاہ]

پھر اُس کے بعد تو آنکھوں کو سنگ ہونا ہے
ملِی ہے فرصتِ گریہ تو رائیگاں مت کر

قیصرالجعفری

 

[طارق شاہ]

تو جاتے جاتے نہ دے مجھ کو زندگی کی دُعا
میں جی سکوُں گا تِرے بعد یہ گُماں مت کر

قیصرالجعفری

 

[طارق شاہ]

اِک فرصتِ گناہ مِلی، وہ بھی چار دن
دیکھے ہیں ہم نے حوصلے پروردگار کے

فیض احمد فیض

 

[طارق شاہ]

پکڑے جاتے ہیں فرشتوں کے لکھے پر ناحق
آدمی کوئی ہمارا دمِ تحریر بھی تھا

مرزا اسداللہ خاں غالب

 

[طارق شاہ]

انتظارِ صبا رہا برسوں
اِک دریچہ کُھلا رہا برسوں

فاصلے کم نہ ہو سکے قیصر
آمنا سامنا رہا برسوں

قیصرالجعفری

 

[طارق شاہ]

داغِ فراق و حسرتِ وصل، آرزوئے شوق !
میں ساتھ زیرِ خاک بھی ہنگامہ لے گیا

میر تقی میر

 

[طارق شاہ]

آتا نہیں نظر کُچھ ، گو سامنا ہے اُس کا !
کیا بیچ میں تحیّر، پردہ کیے ہُوئے ہے

امیر مینائی

 

[طارق شاہ]

ﺍﻣﯿﺮِ ﺳﻤﺖ ﺳﺮِ ﺭﮦ ﮔﺰﺭ ﺑﻨﺎﯾﺎ ﮔﯿﺎ
ﻣﺠﮭﮯ ﭼﺮﺍﻍِ ﺑﻘﺎﺋﮯ ﺳﻔﺮ ﺑﻨﺎﯾﺎ ﮔﯿﺎ

ﻣﯿﮟ ﮐﺎﺥِ ﻭﻗﺖ ﭘﮧ ﮐﻨﺪﮦ ﮐﻮﺋﯽﻋﺒﺎﺭﺕ ﺗﮭﺎ
ﺟﺴﮯ ﺳﻤﺠﮭﻨﮯ ﺳﮯ ﭘﮩﻠﮯ ﺧﺒﺮ ﺑﻨﺎﯾﺎ ﮔﯿﺎ

ﮨﻤﺎﺭﮮ ﻻﺷﮯ ﻣﻘﺎﻣﯽ ﻧﺪﯼ ﻣﯿﮟ ﭘﮭﯿﻨﮑﮯ ﮔﺌﮯ
ﮨﻤﺎﺭﮮ ﺑﻌﺪ ﮨﻤﯿﮟ ہمسفر ﺑﻨﺎﯾﺎ ﮔﯿﺎ

ﮐﮩﯿﮟ ﮐﮩﯿﮟ ﺳﮯ ﺗﺠﮭﮯ دیکھ ﮐﺮ ﺗﻮ ﻟﮕﺘﺎ ﮨﮯ
ﺗِﺮﺍ ﺟﻤﺎﻝ ﺗﺠﮭﮯ دیکھ ﮐﺮ ﺑﻨﺎﯾﺎ ﮔﯿﺎ

ﺷﺐِ ﻓﺮﺍﻕ ﮐﯽ ﻭحشت ﺳﮯ ﺭﮦ ﮔُﺰﺭ ﻧِﮑﻠﯽ
ﻭﺻﺎﻝِ ﺻُﺒﺢ ﮐﮯ ﭘﮩﻠﻮ ﻣﯿﮟ ﺩﺭ ﺑﻨﺎﯾﺎ ﮔﯿﺎ

ﺗﻤﺎﻡ ﻋﻤﺮ ﻓﻘﻂ ﺗﺠﺮﺑﮯہُوئے مجھ پر
ﻣِﺮﺍ ﻋﻼﺝ ﻧﮩﯿﮟ، ﭼﺎﺭﮦ ﮔﺮ ﺑﻨﺎﯾﺎ ﮔﯿﺎ

ﻣُﺴﺎﻓﺮﻭﮞ ﮐﮯ ﻟﯿﮯ ﺍِﻣﺘﺤﺎﻥ ﺗﮭﺎ ﻧﻘﺸﮧ
ﺟﮩﺎﮞ ﮐﻨﻮﯾﮟ ﮐﮯ ﺑﺮﺍﺑﺮ ﺷﺠﺮ ﺑﻨﺎﯾﺎ ﮔﯿا

سرفراز آرش

 

[طارق شاہ]

اے میں سو جان سے، اِس طرزِ تکلّم کے نِثار
پھر تو فرمائیے، کیا آپ نے ارشاد کِیا

جوش ملیح آبادی

 

[طارق شاہ]

کُچھ نہیں اِس کے سِوا جوش حریفوں کا کلام
وصْل نے شاد کیا، ہجْر نے نا شاد کِیا

جوش ملیح آبادی

 

[طارق شاہ]

سِینے میں جَلن، آنکھوں میں طوُفان سا کیوں ہے
اِس شہر میں ہر شخص پریشان سا کیوں ہے

دِل ہے تو دھڑکنے کا بہانہ کوئی ڈھونڈے !
پتّھر کی طرح بے حس و بے جان سا کیوں ہے

شہریار

 

[طارق شاہ]

دِل سے تو ہر مُعاملہ ، کرکے چلے تھے صاف ہم !
کہنے میں اُن کے سامنے، بات بدل بدل گئی

فیض احمد فیض

 

[طارق شاہ]

مُنتظر ہیں دمِ رُخصت، کہ یہ مرجائے تو جائیں !
پھر یہ احسان ، کہ چھوڑ کے جاتے بھی نہیں

داغ دہلوی