آپ کے پسندیدہ اشعار!

[طارق شاہ]

یوسف کو لے اُڑ ے نہ کہیں بُوئے پیرہن
اخفائے حُسن و عشق نہیں اِختیار میں

دِینْدار و بُت پرست اُترتے ہیں ایک گھاٹ
کیا معجزہ ہے جُنْبشِ ابروئے یار میں

یاس یگانہ عظیم آبادی

 

[طارق شاہ]

کہتے ہو اپنے فعْل کا مُختار ہے بشر
اپنی تو موت تک نہ ہُوئی اِختیار میں

یاس یگانہ عظیم آبادی

 

[طارق شاہ]

دُنیا سے یاس جانے کو جی چاہتا نہیں
واللہ کیا کشِش ہے اِس اُجڑے دیار میں

یاس یگانہ عظیم آبادی

 

[طارق شاہ]

تیرے اِنکار سے فی الفور ہُوا کام تمام
زخم ایسا سَرِ اُمّید پہ کاری آیا

اور تو کچھ بھی ہمیں عشق میں حاصِل نہ ہُوا
ہاں مگر اِک ہُنرِ سِینہ نِگاری آیا

حسرت موہانی

 

[طارق شاہ]

دلِ مجبُور بھی کیا شے ہے، کہ در سے اپنے!
اُس نے سَو بار اُٹھایا ، تو میں سَو بار آیا
۔۔۔۔۔۔۔۔۔۔۔۔
کیوں نہ برہم ہوں وہ حسرت مِری رُسوائی سے
نام اُن کا بھی، بہرکوچہ و بازار آیا

حسرت موہانی

 

[طارق شاہ]

گرمئی رشک سے ہر انجُمنِ گُل بدناں
تذکرہ چھیڑے تِری پیرَہن آرائی کا

صحْنِ گُلشن میں کبھی اے ! شہِ شمشاد قداں
پھر نظر آئے سلیقہ تری رعنائی کا

ایک بار اور مسیحائے دلِ دل زدگاں
کوئی وعدہ، کوئی اقرار مسیحائی کا

فیض احمد فیض

 

[طارق شاہ]

بِیتا دید اُمّید کا موسم، خاک اُڑتی ہے آنکھوں میں
کب بھیجو گے درد کا بادل، کب برکھا برساؤ گے

عہدِ وفا یا ترکِ محبّت، جو چاہو سَو آپ کرو
اپنے بس کی بات ہی کیا ہے، ہم سے کیا منواؤگے

فیض احمد فیض

 

[طارق شاہ]

اِک سُخن مطربِ زیبا، کہ سُلگ اُٹھّے بدن
اِک قدح ساقیِ مہْوش، جو کرے ہوش تمام

ذکرِ صبحے کہ رُخ یار سے رنگِیں تھا چمن!
یاد شبہا کہ تنِ یار تھا آغوشِ تمام

فیض احمد فیض

 

[طارق شاہ]

بالیں پہ کہیں رات ڈھل رہی ہے
اک سُخن مطربِ زیبا کہ سُلگ اُٹّھے بدن
جرس گُل کی صدا
فرشِ نومیدئ دیدار
ٹوٹی جہاں جہاں پہ کمند

فیض احمد فیض

 

[طارق شاہ]

بالیں پہ کہیں رات ڈھل رہی ہے
یا شمع پگھل رہی ہے
پہلُو میں کوئی چیز جل رہی ہے
تم ہو، کہ مِری جاں نِکل رہی ہے

فیض احمد فیض

 

[طارق شاہ]

ہستی کے مت فریب میں آ جائیو اسد​

عالم تمام حلقۂ دامِ خیال ہے​

​

اسد الله خاں غالب​

 

[طارق شاہ]

اُجالے اپنی یادوں کے ہمارے ساتھ رہنے دو
نجانے کِس گلی میں زندگی کی شام ہوجائے​

​

بشیر بدر ​

 

[طارق شاہ]

کی وفا ہم سے تو غیر اُس کو جفا کہتے ہیں​

ہوتی آئی ہے کہ اچّھوں کو بُرا کہتے ہیں​

​

آج ہم اپنی پریشانیِ خاطر اُن سے​

کہنے جاتے تو ہیں، پر دیکھیے کیا کہتے ہیں​

​

مرزا غالب ​

 

[طارق شاہ]

گر خامشی سے فائدہ اخفائے حال ہے​

خوش ہُوں، کہ میری بات سمجھنی محال ہے​

​

مرزا غالب​

 

[طارق شاہ]

اُٹھاؤں پردۂ ہستی، جو ہو جہاں نہ خراب ​

سُناؤں رازِ حقیقت، جو خوفِ دار نہ ہو​

اصغر گونڈوی ​

 

[طارق شاہ]

یہ دیکھتا ہُوں تِرے زیرِ لب تبسّم کو ​

کہ بحرِ حُسن کی اِک موجِ بے قرار نہ ہو​

اصغر گونڈوی ​

 

[طارق شاہ]

دِکھادے بیخودئ شوق، وہ سماں مجھ کو​

کہ صبْحِ وصْل نہ ہو، شامِ اِنتظار نہ ہو​

۔۔۔۔۔۔۔۔​

نِگاہِ شوق کو یارائے سیر و دِید کہاں​

جو ساتھ ساتھ تجلّئ حُسنِ یار نہ ہو​

اصغر گونڈوی ​

 

[طارق شاہ]

شعُورِ غم نہ ہو، فکرِ مآلِ کار نہ ہو ​

قیامتیں بھی گُزرجائیں ہوشیار نہ ہو ​

اصغر گونڈوی​

 

[طارق شاہ]

ڈگمگانے لگے ہیں پائے طلب
دل ابھی ابتدائے راہ میں ہے

میرے پندارِ عشق پر مت جا
یہ ادائے نازِ گاہ گاہ میں ہے

جگر مُراد آبادی

 

[طارق شاہ]

ہم نا مُرادِ شوق جِئے بھی تو کیا جِئے!
آنا تھا مُفت یہ بھی اِک الزام، آ گیا

کیا کیا نِگاہِ دوست ہُوئی مجھ سے بدگماں!
دَم بھر کے واسطے بھی جو آرام آ گیا
جگر مُراد آبادی