آنکھ، چشم، نین، دیدہ، نگاہ، نظر پر اشعار

[زیرک]

انشاء جی ان چاہنے والی، دیکھنے والی آنکھوں نے
ملکوں ملکوں، شہروں شہروں، کیسا کیسا دیکھا چاند

 

[سید عاطف علی]

گر نبیند بروز شپرہ چشم
چشمہءآفتاب را چہ گناہ
اگر چمگادڑ دن کے وقت نہیں دیکھتی
تو اس میں سورج کا کیا قصور ہے۔

 

[لاریب مرزا]

آنکھوں میں امڈے روح کی نزدیکیوں کے ساتھ
ایسا بھی ایک دور کا یارانہ چاہیے

مجید امجد

 

[لاریب مرزا]

بھری محفل میں ناحق رازِ الفت کر دیا افشا
محبت کا بھرم تو نے نہ کچھ اے چشم تر رکھا

سید نصیر الدین نصیر

 

[زیرک]

اس نے دیکھا ہی نہیں ورنہ یہ آنکھ
دل کا احوال کہا کرتی ہے
پروین شاکر

 

[رباب واسطی]

تیرے لبوں کی نمی اور تیری نظر کی کرن
میرے شعور میں تحلیل ہوکے،، پھول بنی

 

[زیرک]

زاہد! نگاہِ کم سے کسی رِند کو نہ دیکھ
جانے اُس کریم کو تُو ہے کہ وہ پسند

 

[محمد عدنان اکبری نقیبی]

حیا نہیں ہے زمانے کی آنکھ میں باقی
خدا کرے کہ جوانی تری رہے بے داغ

علامہ اقبال

 

[رباب واسطی]

چشمِ حیراں کو کوئی جلوہ نظر آتا نہیں
دل کی بیتابی یہ کہتی ہے کہ تو محفل میں ہے

 

[محمد عدنان اکبری نقیبی]

کسی نے چوم کے آنکھوں کو یہ دعا دی تھی
زمین تیری خدا موتیوں سے نم کر دے

بشیر بدر

 

[زیرک]

نگاہِ قیس سے دیکھو ، ہمیشہ لیلیٰ کو
صنم کسی کا بھی ہو ، بے مثال ہوتا ہے

 

[محمد عدنان اکبری نقیبی]

آنکھ کمبخت سے اس بزم میں آنسو نہ رکا
ایک قطرے نے ڈبویا مجھے دریا ہو کر

حفیظ جالندھری

 

[زیرک]

نیند آ جائے تو کیا محفلیں برپا دیکھوں
آنکھ کھل جائے تو تنہائی کا صحرا دیکھوں
پروین شاکر

 

[محمد عدنان اکبری نقیبی]

آنکھیں جو اٹھائے تو محبت کا گماں ہو
نظروں کو جھکائے تو شکایت سی لگے ہے

جاں نثار اختر

 

[زیرک]

نہ دل اپنا نہ جاں اپنی نہ ہستی
یہ سرمایہ ہے اپنا دیکھا بھالا
کمالِ سنگِ در کہیے جبیں کو
نگاہ کو جانیے زندہ جوالا

 

[زیرک]

جن کی آنکھوں کے گرد حلقے ہوں
اپنے دشمن وہ آپ ہوتے ہیں

 

[زیرک]

حیرتِ عشق ودیعت ہے تری آنکھوں کو
میری آنکھوں کا مقدر کوئ حیرت نہیں ہے

 

[زیرک]

ہماری آنکھ کے صحرا بڑے قدیمی ہیں
ہماری پیاس گھٹے گی کہاں گھٹا کے ساتھ
سعدیہ صفدر سعدی

 

[زیرک]

جس کی آنکھوں نے لکھا تھا آخری نوحہ مرا
وہ گیا بھی تو گیا ہے سب سے پہلے چھوڑ کر
سعدیہ صفدر سعدی

 

[زیرک]

لمحہ، لمحہ سوچنے والی آنکھیں تھیں
اس کی آنکھیں دیکھنے والی آنکھیں تھیں
سعدیہ صفدر سعدی