آنکھ، چشم، نین، دیدہ، نگاہ، نظر پر اشعار

[جاسمن]

زمیں کے سینے میں زندہ ہیں جو اگر سماعت ہے سن سکو تو
مری نگاہوں سے آج سن لو حجاب آنکھوں کے زندہ نوحے
طاہر حنفی

 

[جاسمن]

کہ میری غزلوں میں میری نظموں میں کرب آ کر سمٹ گیا ہے
مرے قلم سے نکل رہے ہیں جناب آنکھوں کے زندہ نوحے
طاہر حنفی

 

[لاريب اخلاص]

سو حادثے ہوتے ہیں تعلق کے سفر میں
ٹوٹے ہوئے رشتوں کو بھی سامان میں رکھنا

تصویر بھی حیران ہے آنکھیں بھی ہیں حیران
حیران کو کیا دیدہِء حیران میں رکھنا

موت اور خریدار بتا کر نہیں آتے
کچھ جنسِ وفا وقت کی دکان میں رکھنا

ہوتا ہے جو ہر آن اسے دھیان سمجھنا
جو ہو نہیں سکتا اسے امکان میں رکھنا

میں حاصلِ تفریق کبھی بھی نہ بنوں گا
تم جب کبھی رکھنا مجھے میزان میں رکھنا
افتخار مغل

 

[طاہر شیخ]

منہ نہ دکھلاوے، نہ دکھلا، پر بہ اندازِ عتاب
کھول کر پردہ ذرا آنکھیں ہی دکھلا دے مجھے

غالب

 

[عدنان عمر]

میری آنکھوں کو رت جگے دے کر
خود سرِ شام سو گیا کوئی

 

[طاہر شیخ]

بھڑکائیں مری پیاس کو اکثر تری آنکھیں
صحرا مرا چہرا ہے سمندر تری آنکھیں

محسن نقوی