آج کا شعر

[زینب]

بے وفا ہے وہ زمانے بھر کا

پھر بھی اچھا ہے وہ زمانے بھر سے

 

[فرحت کیانی]

جب اپنا قافلہ عدم و یقیں سے نکلے گا
پھر آسماں کا سورج وہیں سے نکلے گا
میری زمیں مجھے ایڑیاں رگڑنے دے
مجھے یقیں ہے کہ چشمہ یہیں سے نکلے گا

 

[فرخ منظور]

انہی کے فیض سے بازار ِ عقل روشن ہے
جو گاہ، گاہ، جنوں اختیار کرتے رہے

 

[شمشاد]

پھر ساون رت کی پون چلی تم یاد آئے
پھر پتوں کی پازیب بجی تم یاد آئے
(ناصر کاظمی)

 

[فرخ منظور]

ہے کیا؟ جو کس کے باندھیے میری بلا ڈرے
کیا جانتا نہیں ہوں تمہاری کمر کو میں؟
(غالب)

 

[شمشاد]

دل تو دیتے نہیں کہتے ہو سوال اچھا ہے
وہ الگ باندھ کے رکھا ہے جو مال اچھا ہے

 

[فرخ منظور]

مایوسی ِ مآلِ محبت تو دیکھیے
اپنوں سے پیش آئے ہیں بیگانگی سے ہم
(ساحر لدھیانوی)

 

[فرخ منظور]

یہ کیا کہ ایک طور سے گزرے تمام عمر
جی چاہتا ہے کوئی اب تیرے سوا بھی ہو

 

[شمشاد]

چاندنی بن کے جب اُس چاند کا سایہ نکلے
گُلشنِ جاں سے مرے خوشبو کا جھونکا نکلے
بند ہوں پلکیں تو احساس کی خوشبو جاگے
اور وا ہوں تو تصوّر کا کرشمہ نکلے
(ناہید ورک)

 

[فرخ منظور]

روز کہتا ہوں نہ جاؤں گا کبھی گھر ان کے
روز اس کوچے میں اک کام نکل آتا ہے

 

[شمشاد]

تعاقب
مجھ سے پہلے کے دن
اب بہت یاد آنے لگے ہیں تمہیں
خواب و تعبیر کے گم شدہ سلسلے
بار بار اب ستانے لگے ہیں تمہیں
دکھ جو پہنچے تھے تم سے کسی کو کبھی
دیر تک اب جگانے لگے ہیں تمہیں
(جون ایلیا)

 

[سارا]

ابھی تو ضد ہے تجھے راستہ بدلنے کی
کبھی تو رؤے گا میری چاہتوں کے لیے

 

[شمشاد]

دل کی دھڑکن میری تیز ہونے لگی
رات آنکھوں میں کانٹے چھبونے لگی
وصل کی رات میں بات ہی بات میں
یوں تیرا روٹھ جانا غضب ہو گیا
(شیوان بجنوری)

 

[فرخ منظور]

پھر نہ کیجئے میری گستاخ نگاہی کا گلہ
دیکھیے آپ نے پھر پیار سے دیکھا ہے مجھے
(ساحر لدھیانویٌ

 

[فرخ منظور]

پھر وہی ہم ہیں وہی تیشہء رسوائی ہے
دودھ کی نہر تو پرویز کے کام آئی ہے

 

[فرخ منظور]

دہر جز جلوہِ یکتائی ِ معشوق نہیں
ہم کہاں ہوتے اگر حسن نہ ہوتا خود بیں

(غالب کی منقبت کا پہلا شعر)

 

[شمشاد]

اُن کے بن جی کے دکھا دیں گے چلو یوں ہی سہی
بات اتنی سی ہے کہ ضد آن پڑی ہے یارو

فاصلہ چند قدم کا ہے منا لیں چل کر
صبح آئی ہے مگر دور کھڑی ہے یارو
(جان نثار اختر)

 

[عیشل]

جو حیراں ہیں تمہارے ضبط پہ،کہہ دو قتیل ان سے
جو دامن پر نہیں گرتا،وہ آنسو دل پہ گرتا ہے​

 

[شمشاد]

سب سے چھپا کے درد ، جو وہ مسکرا دیا
اسکی ہنسی نے تو آج مجھ کو رلا دیا
لہجے سے اٹھ رہی تھی اک درد کی داستاں
چہرہ بتا رہا تھا کہ سب کچھ گنوا دیا​

 

[فرحت کیانی]

دیوانگی سے کم نہ تھی کچھ اپنی جستجو
ہم بےوفا جہاں میں وفا ڈھونڈتے رہے
محرومیوں کے دور میں کن حسرتوں کے ساتھ
ہم پتھروں کے دل میں خدا ڈھونڈتے رہے