آج کا شعر

[محمد وارث]

حادِثہ تھا گزر گیا ہوگا
کس کے جانے کی بات کرتے ہو

ہم کو اپنی خبر نہیں یارو
تم زمانے کی بات کرتے ہو​

شاعر۔ نا معلوم (اگر کسی کے علم میں ہو تو بتا کر ممنونِ احسان کریں)

 

[فرخ منظور]

حادِثہ تھا گزر گیا ہوگا
کس کے جانے کی بات کرتے ہو

ہم کو اپنی خبر نہیں یارو
تم زمانے کی بات کرتے ہو​

شاعر۔ نا معلوم (اگر کسی کے علم میں ہو تو بتا کر ممنونِ احسان کریں)

وارث صاحب اگر تو یہ اسی غزل کے اشعار ہیں جو میڈم نور جہاں نے گائی بھی ہے - "آشیانے کی بات کرتے ہو، دل جلانے کی بات کرتے ہو" تو شائد میں آپ کی کچھ مدد کر سکوں -

 

[محمد وارث]

جی ہاں وہی ہے اور اسے فریدہ خانم نے بھی گایا ہے۔

اور شکریہ اگر شاعر کا نام بتا سکیں کہ تلاش میں ہوں۔

 

[فرخ منظور]

وارث بھائی اس غزل کے شاعر "جاوید قریشی صاحب" ہیں جو کہ سیکریٹری اطلاعات بھی رہ چکے ہیں اور ادیبوں کے سرکاری سپورٹر سمجھے جاتے تھے -

 

[محمد وارث]

بہت شکریہ فرخ صاحب، آپ نے خوب یاد دلائی جاوید قریشی صاحب کی۔ مجھے یہ غزل بہت پسند ہے اور ایک عرصے سے شاعر کا نام جاننے کیلیے سرگرداں تھا۔ نوازش آپ کی۔

ایک اور مشہور غزل ہے، آپ نے یقیناً سنی ہوگی، اقبال بانو نے گائی ہے، اسکے شاعر کا نام بھی اگر آپ یا کوئی اور دوست جانتے ہوں تو بتا کر شکریہ کا موقع دیں۔

داغِ دل ہم کو یاد آنے لگے
لوگ اپنے دیے جلانے لگے

خود فریبی سی خود فریبی ہے
پاس کے ڈھول بھی سہانے لگے​

 

[محمد وارث]

تُند خُو ہے کب سنے وہ دل کی بات
اور بھی برہم کو برہم کیا کریں

اپنے ہی غم سے نہیں ملتی نجات
اس بنا پر فکرِ عالم کیا کریں​

شاعر۔ نامعلوم

 

[فرخ منظور]

اصغر اس ہجوم ِ غریبی میں تیری یاد
آئی ہے اک طلسم ِ تمنّا لیے ہوئے

اصغر گونڈوی کا یہ شعر جس طرح یاد تھا لکھ دیا - اگر کوئی دوست اسکی تصحیح کر سکیں اور پوری غزل مہیّا کر سکیں تو عنائت ہوگی- ا

 

[حسن علوی]

تیرے شیشے میں مئے باقی نہیں ھے
بتا کیا تو میرا ساقی نہیں ھے؟

سمندر سے ملے پیاسے کو شبنم
بخیلی ھے یہ رزاقی نہیں ھے

(علامہ اقبال)

 

[شمشاد]

اصغر اس ہجوم ِ غریبی میں تیری یاد
آئی ہے اک طلسم ِ تمنّا لیے ہوئے

اصغر گونڈوی کا یہ شعر جس طرح یاد تھا لکھ دیا - اگر کوئی دوست اسکی تصحیح کر سکیں اور پوری غزل مہیّا کر سکیں تو عنائت ہوگی- ا

لیجیئے جناب پوری غزل حاضر ہے :

پاسِ ادب میں جوشِ تمنا لیئے ہوئے
میں بھی ہوں اک حباب میں دریا لیئے ہوئے

رگ رگ میں اور کچھ نہ رہا جُز خیالِ دوست
اُس شوخ کو ہوں آج سراپا لیئے ہوئے

سرمایہ حیات ہے حرمانِ عاشقی
ہے ساتھ اک صورتِ زیبا لیئے ہوئے

جوشِ جنوں میں چھوٹ گیا آستانِ یار
روتے ہیں منہ میں دامنِ سہارا لیئے ہوئے

'اصغر' ہجومِ دردِ غریبی میں اس کی یاد
آئی ہے اک طلسمی تمنا لیئے ہوئے
(اصغر گوندوی)​

 

[فرخ منظور]

بہت بہت شکریہ شمشاد صاحب!
الگ بیٹھے تھے پھر بھی آنکھ ساقی کی پڑی ہم پر
اگر ہے تشنگی کامل تو پیمانے بھی آئیں گے

 

[محمد وارث]

ہنگامۂ زبونیِ ہمّت ہے انفعال
حاصل نہ کیجے دہر سے عبرت ہی کیوں نہ ہو

(غالب)

 

[فرخ منظور]

دہر جُز جلوۂ یکتائیِ ِمعشوق نہیں
ہم کہاں ہوتے اگر حسن نہ ہوتا خود بیں
غا لب

 

[شمشاد]

چلنے کا حوصلہ نہیں، رُکنا محال کر دیا
عشق کے اس سفر نے تو مُجھ کو نڈھال کر دیا

ملتے ہوئے دلوں کے بیچ اور تھا فیصلہ کوئی
اُس نے مگر بچھڑتے وقت کوئی اور سوال کر دیا
(پروین شاکر)​

 

[فرخ منظور]

اک فرصتِ گناہ ملی وہ بھی چار دن
دیکھے ہیں ہم نے حوصلے پروردگار کے
"فیض"

 

[فرحت کیانی]

تُو ہے مجبور تو جا تجھے چھوڑ دیا
زندگی تُو بھی کیا یاد کرے گی ہم کو

 

[محمد وارث]

اسی کوکب کی تابانی سے ہے تیرا جہاں روشن
زوالِ آدمِ خاکی زیاں تیرا ہے یا میرا؟

(اقبال)

 

[عمر سیف]

بالوں میں گھومتی رہیں وہ نرم انگلیاں
اِک مہربان ہاتھ تھپکتا رہا مجھے​

 

[فرخ منظور]

صبا کے ہاتھ میں نرمی ہے ان کے ہاتھوں کی
ٹھہر، ٹھہر کے ہوتا ہے آج دل کو گماں
وہ ہاتھ ڈھونڈھ رہے ہیں‌ بساطِ محفل میں
کہ دل کے داغ کہاں ہیں نشستِ درد کہاں
؂"فیض"

 

[محمد وارث]

اپنی ہستی ہی سے ہو، جو کچھ ہو
آگہی گر نہیں، غفلت ہی سہی

(غالب)

 

[شمشاد]

کیا نزاکت ہے جو توڑا شاخِ گل سے کوئی پھول
آتش گل سے پڑے چھالے تمہارے ہاتھ میں
(امیر مینائی)