آج کا شعر۔۔۔۔(2)

[شمشاد]

آخر تمام عمر کی وسعت سما گئی
اک لمحہ گزشتہ کی چھوٹی سے بات میں

اے دل ذرا سی جرءات رندی سے کام لے
کتنے چراغ ٹوٹ گئے احتیاط میں
(مصطفیٰ زیدی)

 

[فرحت کیانی]

اگر مل سکیں تو سمیٹ لا میرے روزوشب کی کہانیاں
جو غبارِ وقت میں چُھپ گئیں وہ حکایتیں مجھے چاہئیں

 

[زینب]

یکسانیت سی لگتی ہے
کہانی میں ایک نیا موڑ لا دو

بظاہر کچھ بھی نہیں ہے درمیاں
مقدرہو گیاحائل بتا دو

 

[زونی]

تھکن تو اگلے سفر کے لئے بہانہ تھا
اسے تو یوں بھی کسی اور سمت جانا تھا
وہی چراغ بجھا جس کی لو قیامت تھی
اسی پہ ضرب پڑی جو شجر پرانا تھا


( افتخار عارف)

 

[فرخ منظور]

سفر ہے شرط، مسافر نواز بہتیرے
ہزار ہا شجرِ سایہ دار راہ میں ہے

(آتش، خواجہ حیدر علی)

 

[محمد وارث]

سفر ہے شرط، مسافر نواز بہتیرے
ہزار ہا شجرِ سایہ دار راہ میں ہیں

(شاعر شائد مجروح سلطانپوری)

فرخ صاحب، یہ آتش کا شعر ہے، اور دوسرے مصرع میں 'ہیں' کی بجائے 'ہے' ہے۔

سفر ہے شرط، مسافر نواز بہتیرے
ہزار ہا شجرِ سایہ دار، راہ میں ہے

مطلع اور مقطع کچھ یوں ہیں

ہوائے دورِ مئے خوشگوار، راہ میں ہے
خزاں چمن سے ہے جاتی، بہار راہ میں ہے

تھکیں جو پاؤں تو چل سر کے بل، نہ ٹھیر آتش
گُلِ مراد ہے منزل میں، خار راہ میں ہے

 

[شعیب خالق]

تری دریا دلی کو کیا کروں میں
مرے کوزے میں جب پانی نہیں ھے​

 

[فرحت کیانی]

لفظوں کو اعتماد کا لہجہ بھی چاہیے
ذکرِ سحر بجا ہے یقینِ سحر بھی ہو

 

[زینب]

ہم تو ہیں اک اجڑے ہوئے شہر کی مثال

آنکھیں بتا رہی ہیں اداس تم بھی ہو۔۔۔۔۔۔۔۔۔۔

 

[وجی]

رکھتے ہیں‌جو لوگ اوروں‌کے لئے پیار کا جزبہ
وہ لوگ کھبی ٹوٹ کر بھیکرا نہیں کرتے

 

[وجی]

پھول سجائیں دامن میں اور زخموں‌کی پہچان نہیں
جو شخص کسی کا دکھ نا جانے پتھر ہے انسان نہیں

 

[شعیب خالق]

لوگ دیتے رہے کیا کیا نہ دلاسے مجھ کو
زخم گہرا ہی سہی، زخم ہے، بھر جائے گا
شکیب جلالی​

 

[فرخ منظور]

حادثہ وہ جو ابھی پردہِ افلاک میں ہے
عکس اس کا مرے آئینہِ ادراک میں‌ہے
(اقبال، علامہ)

 

[محمد وارث]

قطرہ قطرہ اک ہیولٰی ہے نئے ناسُور کا
خوں بھی ذوقِ درد سے فارغ مرے تن میں نہیں

(غالب)

 

[شمشاد]

رگِ سنگ سے ٹپکتا وہ لہو کہ پھر نہ تھمتا
جسے غم سمجھ رہے ہو، یہ اگر شرار ہوتا

 

[شعیب خالق]

معلوم ہے خوابوں کی حقیقت ہے بکھرنا
پھر بھی تو کئی خواب بھلائے نہیں جاتے
بشیر بدر

 

[محمد وارث]

جو تمنّا بھر نہ آئے عمر بھر
عمر بھر اسکی تمنّا کیجیئے

(اختر شیرانی)

 

[زینب]

میرے ساتھ تم بھی کرو دعا

یوں کسی کے ساتھ برا نا ہو

کہیں اور ہو نا یہ حادثہ

کوئی راستے میں جدا نا ہو۔۔۔۔۔۔۔۔

 

[محمد وارث]

ہوا ہوں عشق کی غارت گری سے شرمندہ
سوائے حسرتِ تعمیر، گھر میں خاک نہیں

(غالب)

 

[شعیب خالق]

شبِ حیات کی تاریکیوں سے گھبرا کر
جلا کے گھر کے اثاثے کو روشنی کرلی
جمیل عظیم آبادی