آج کا شعر۔۔۔۔(2)

[محمد وارث]

سنبھلنے دے مجھے اے نا اُمیدی، کیا قیامت ہے
کہ دامانِ خیالِ یار چُھوٹا جائے ہے مجھ سے

(غالب)

 

[فرحت کیانی]

اے درد بتا کچھ تُو ہی بتا، اب تک یہ معمہ حل نہ ہوا
ہم میں ہے دلِ بےتاب نہاں یا آپ دلِ بےتاب ہیں ہم

 

[فرخ منظور]

لے چلی جی کی بےقراری، دور
ہم سمجھتے تھے اپنی باری، دور
(ابن انشا)

 

[محمد وارث]

دوست دارِ دشمن ہے، اعتمادِ دل معلوم
آہ بے اثر دیکھی، نالہ نا رسا پایا

(غالب)

 

[وجی]

جلاد بادشاہی ھو یا جمہوری تماشا
جدا ھو دیں سیاست سے تو رھ جاتی ہے جنغیزی​

 

[یونس رضا]

پڑھنے نہیں دیتا مجھے ہاتھوں کی لکیریں

کیا اس کی ہتھیلی پے میرا نام نہیں ہے

لڑکی تمہارا انتخاب تو کافی خوبصورت ہے۔۔۔۔۔۔۔۔۔۔

 

[یونس رضا]

کوئی کہتا ہے کہ اقبال ہے صوفی مشرب
کوئی کہتا ہے کہ شیدائے حسیناں ہوں میں
زاہد تنگ نظر نے مجھے کافر جانا
اور کافر یہ سمجھتا ہے مسلماں ہو میں

 

[یونس رضا]

کوئی کہتا ہے کہ اقبال ہے صوفی مشرب
کوئی کہتا ہے کہ شیدائے حسیناں ہوں میں
زاہد تنگ نظر نے مجھے کافر جانا
اور کافر یہ سمجھتا ہے مسلماں ہوں میں

 

[یونس رضا]

ابھی ًمیں ایک انڈین سنگر کی غزل سن رہا تھا ۔۔۔
دو شعر بڑے اچھے لگے۔۔۔۔ میرا ذاتی خیال ہے کہ یہ غزل فیض کے کلام کی زمین میں کہا گیا ہے۔۔۔۔

ہے دعا یاد مگر حرف دعا یاد نہیں
میرے نغمات کو انداز نوا یاد نہیں
زندگی جبر مسلسل کی طرح کاٹی ہے
جانے کس جرم کی پائی ہے سزا یاد نہیں

 

[شعیب خالق]

میرے خیال میں‌ یہ ساغر صدیقی کی غزل ہے

 

[زینب]

لڑکی تمہارا انتخاب تو کافی خوبصورت ہے۔۔۔۔۔۔۔۔۔۔

شکریہ سر جی "لڑکی"کو زینب کہتے ہیں

 

[زینب]

جب کبھی خواب کی امید بندھا کرتی ہیں

نیند آنکھوں‌میں‌پریشان پھرا کرتی ہے

یاد رکھنا ہی محبت میں‌نہیں‌سب کچھ

بھول جانا بھی بڑی بات ہوا کرتی ہے۔۔۔۔

 

[زونی]

ابھی ًمیں ایک انڈین سنگر کی غزل سن رہا تھا ۔۔۔
دو شعر بڑے اچھے لگے۔۔۔۔ میرا ذاتی خیال ہے کہ یہ غزل فیض کے کلام کی زمین میں کہا گیا ہے۔۔۔۔

ہے دعا یاد مگر حرف دعا یاد نہیں
میرے نغمات کو انداز نوا یاد نہیں
زندگی جبر مسلسل کی طرح کاٹی ہے
جانے کس جرم کی پائی ہے سزا یاد نہیں

لیکن یہ تو ساغر صدیقی کی مشہور غزل ھے

 

[زونی]

ہوا کے دوش پہ رکھے ہوئے چراغ ہیں ہم
جو بجھ گئے تو ہوا سے شکایتیں کیسی


(عبیداللہ علیم)

 

[شمشاد]

مصیبت کا پہاڑ آخر کسی دن کٹ ہی جائے گا
مجھے سر مار کر تیشے سے مر جانا نہیں آتا
(یاس چنگیزی)

 

[شعیب خالق]

کیسے سمجھاؤں دل زار سمجھتا ہی نہیں
میری مشکل، میرا غم خوار سمجھتا ہی نہیں
جس کی یادوں سے رہائی نہیں ممکن محسن
وہ مجھے اپنا گرفتار سمجھتا ہی نہیں
محسن بھوپالی​

 

[زینب]

محبتوں‌کی سزا بے مثال دی اس نے

اداس رہنے کی عادت ڈال دی ا سنے

میرے بدن پر وہ جب اپنے زخم دیکھ چکا

تو جان بوجھ کر کانٹون کی شال دی اس نے

 

[محمد وارث]

دل میں ذوقِ وصل و یادِ یار تک باقی نہیں
آگ اس گھر میں لگی ایسی کہ جو تھا جل گیا

(غالب)

 

[شمشاد]

جس دن سے چلا ہوں ، کبھی مڑ کر نہیں دیکھا
میں نے کوئی گذرا ہوا ، منظر نہیں دیکھا

پتھر مجھے کہتا ہے ، میرا چاہنے والا
میں موم ہوں اس نے ، مجھے چُھو کر نہیں دیکھا
(بشیر بدر)

 

[وجی]

پتہ نہیں کیا ہے نام اسکا خدا فریبی کہ خود فریبی
عمل سے فا رغ ہوامسلماں بنا کے تقدیر کے بہانے