آج کا شعر۔۔۔۔(2)

[فرخ منظور]

قبلہ مغل صاحب کیا پرویز مشرف کا ذکر کر رہے ہیں -

 

[فرخ منظور]

کیا پوچھتے ہو حال مرے روزگار کا
آئینے بیچتا ہوں اندھوں کے شہر میں

 

[مغزل]

نہیں جناب پرویز خسرو کا ذکر ہے ۔۔ اس شعر میں تلمیح ہے۔۔۔

 

[گرو جی]

سنتے تھے ھم بڑا شور آئینی بل کا
جو پڑھا تو ایک لفظ کام کا نہ نکلا

 

[فرخ منظور]

گو میں رہا رہینِ ستم ہائے روزگار
لیکن تیرے خیال سے غافل نہیں رہا
(غالب، جو کبھی تھا نجات کا طالب)

 

[فرخ منظور]

نہیں جناب پرویز خسرو کا ذکر ہے ۔۔ اس شعر میں تلمیح ہے۔۔۔

قبلہ آپ تو ہمیں اندھیروں سے روشنی کی طرف لے آئے ورنہ ہم تو ساری عمر اسے پرویز مشرف کا ہی شعر سمجھتے رہے -

 

[گرو جی]

قبلہ آپ تو ہمیں اندھیروں سے روشنی کی طرف لے آئے ورنہ ہم تو ساری عمر اسے پرویز مشرف کا ہی شعر سمجھتے رہے -

بلکل صیح فرمایا آپ نے

 

[فرحت کیانی]

ہر کوئی دل کی ہتھیلی پہ ہے صحرا رکھے
کس کو سیراب کرے وہ، کسے پیاسا رکھے

۔۔۔احمد فراز

 

[راجہ صاحب]

افلاس نے بچوں کو تہذیب سکھا دی
سہمے ہوئے رہتے ہیں‌ شرارت نہیں کرتے



​

 

[زھرا علوی]

"دوستو ہم نے اپنا حال اسے
جب بھی لکھا خراب ہی لکھا"

جون ایلیا

 

[مغزل]

وفا کی سلطنت، اقلیمِ وعدہ، سر زمینِ دل
نظر کی زد میں ہے خوابوں سے تعبیروں کے کشور تک

غلام محمد قاصر

 

[راجہ صاحب]

جو رد ہوئے تھے جہاں میں کئی صدی پہلے
وہ لوگ ہم پہ مسلط ہیں اس زمانے میں

 

[فرخ منظور]

قسمت نے مجھ کو چاہا تھا لکھنا "خرابِ بادہِ الفت"
فقط خراب لکھا بس نہ چل سکا قلم آگے
(غالب، جو کبھی تھا نجات کا طالب)

 

[فرخ منظور]

رہیں ہیں اور ہیں فرعون میری گھات میں اب تک
مگر مجھے کیا ڈر کہ میری آستیں میں ہے یدِ بیضا
(اقبال، علامہ)
لیکن جب بھی میں اپنی جیب میں روشن موبائل ڈالتا ہوں میرے ذہن میں یہ شعر آجاتا ہے - پتہ نہیں کیوں-

 

[زونی]

دورِ خزاں میں یوں مرے دل کو قرار ھے
میں جیسے آشنائے بہاراں نہ تھا کبھی



(ناصر کاظمی)

 

[راجہ صاحب]

کوئی بھی وقت ہو ہنس کر گزار لیتا ہوں‌
خزاں کے دور میں عہدِ بہار لیتا ہوں

گُلوں سے رنگ ستاروں سے روشنی لے کر
جمالِ یار کا نقشہ اتار لیتا ہوں‌​

 

[فرخ منظور]

چاند میں ڈھال کر تیری صورت
گہرے پانی میں عکس دیکھیں گے
اور پھر ہلا کر ذرا سا لہروں کو
رات بھر تیرا رقص دیکھیں گے

 

[فرخ منظور]

اگر وہ پوچھ لیں ہم سے، تمہیں کس بات کا غم ہے؟
تو پھر کس بات کا غم ہے، اگر وہ پوچھ لیں ہم سے

 

[راجہ صاحب]

کارِ دنیامیں جنہیں کوئی کمی لگتی تھی
میں وہ آنکھیں تری دیوار پہ رکھ آیا ہوں

 

[چاند بابو]

کہنا جو چاھا زبان سے، وہ ستارے چمک سے گئے
باد صبا نے چھوا چہرہ، رخسار انکے دمک سے گئے​

عبدالرحمن سید