آج کا شعر۔۔۔۔(2)

کیفیت
مزید جوابات کے لیے دستیاب نہیں

جیہ

لائبریرین
بوئے گل، نالۂ دل، دودِ چراغِ محفل
جو تری بزم سے نکلا، سو پریشاں نکلا

غالب
 

مغزل

محفلین
زباں کو اذنِ گویائی ، نہ کچھ دل کی پزیرائی
یہی آدابِ محفل ہیں تو محفل کو سلام اپنا
 

جیہ

لائبریرین
یاد تھیں ہم کو بھی رنگارنگ بزم آرائیاں
لیکن اب نقش و نگار طاق نسیاں ہوگئیں

غالب
 

مغزل

محفلین
غیر کی باتوں کو سن کر آپ کا دیکھا جمال
کان کافر ہوگئے آنکھیں مسلماں ہوگئیں

نوید غزالی (میرے استاد بھائی)
 

ظفری

لائبریرین
کب کی پتھر ہو چکیں تھیں ، منتظر آنکھیں مگر
چھو کے جب دیکھا تو میرے ، ہاتھ گیلے ہوگئے
 

جیہ

لائبریرین
درست شعر یوں ہے

وفاداری بہ شرطِ استواری اصلِ ایماں ہے
مَرے بت خانے میں تو کعبے میں گاڑو برہمن کو
 

مغزل

محفلین
جیہ جی۔۔

کارِ دنیامیں جنہیں کوئی کمی لگتی تھی
میں وہ آنکھیں تری دیوار پہ رکھ آیا ہوں
جاذب ضیائی
 

ظفری

لائبریرین
درست شعر یوں ہے

وفاداری بہ شرطِ استواری اصلِ ایماں ہے
مَرے بت خانے میں تو کعبے میں گاڑو برہمن کو

بھئی ذرا بچ کے ۔۔۔ غالب کی بھتیجی محفل پر وارد ہوچکیں ہیں ۔ لہذا اشعار دیکھ بھال کر پوسٹ کیئے جائیں ۔ خاص کر چچا غالب کے ۔ ;)
 

مغزل

محفلین
مرا مرنا تمھارے واسطے مرنا سہی لوگو
مگر سچ یہ ہے میں آب و ہوا تبدیل کرتا ہوں

ناچیز (م۔م۔مغل)
 

مغزل

محفلین
فہد صاحب خوش آمدید۔۔

یہ شہر ِ دل نہیں ہے شہرِ آثارِ قدیمہ ہے
سماعت ہو تو یاں ایک ایک پتھّر بات کرتا ہے۔۔

عزیز مرزا
 

محمداحمد

لائبریرین
تحریر بیچ کر تو کبھی بات بیچ کر
پاتے ہیں رزق صورتِ حالات بیچ کر
ہم بھی ہیں کیا عجب کہ کڑی دھوپ کے تلے
صحرا خرید لائے ہیں برسات بیچ کر
۔۔۔۔۔۔۔۔۔۔۔۔۔۔۔۔۔۔۔۔۔۔۔
فرحت عباس شاہ
 

ابوشامل

محفلین
ہم وہ سیاہ نصیب ہیں طارق کہ شہر میں
کھولیں دکان کفن کی تو لوگ مرنا ہی چھوڑ دیں


شعر کا وزن کیسے برابر ہوگا؟ کیونکہ مجھے کچھ گڑ بڑ لگ رہی ہے (معذرت کہ میں شاعری کے حوالے سے کورا ہوں سوائے اقبال کے)
 

محمداحمد

لائبریرین
کسی حد تک متوازن میں‌نے اسے یوں پڑھا ہے

ہم وہ سیہ نصیب ہیں طارق کہ شہر میں
کھولیں دکاں کفن کی تو لوگ مرنا چھوڑ دیں

لیکن اب بھی ایک حرف زائد محسوس ہو رہا ہے
 
کیفیت
مزید جوابات کے لیے دستیاب نہیں
Top