جو دل میں شعر آئے وہ لکھ دیجیے -- نیا سلسلہ

[مغزل]

ترے عشق نے کانچ بنا ڈالا آہن میرا
میں پاگل ہوں اور تو ہے پاگل پن میرا

تمھارے نام کا اعجاز ہے کہ حسنِ غزل
حروف گویا کہ اٹھلا رہے ہیں کاغذ پر

تم غزل ہو غزال ہو کیا ہو ؟
دشت آباد ہوگیا میرا !!!!!!!
م۔م۔مغل

 

[مغزل]

سا رے رنج و مَحن ہمارے اور۔۔۔۔۔
ساری خوشیوں کے چَھن تمھارے ہیں
م۔م۔مغل ؔ

 

[پپو]

شرح غم کیسے کریں لطف بیاں کیسے ہو؟
اپنے لہجے میں ترے منہ کی زباں کیسے ہو؟

 

[غ۔ن۔غ]

قمر، بادل، ستارے دیکھتے ہیں
ہمیں چھپ چھپ کے سارے دیکھتے ہیں

نہیں دریا میں بھی ہم تم اکیلے
ہمیں دونوں کنارے دیکھتے ہیں

کبھی ساحل کھڑا دیکھے ہے ہم کو
کبھی دریا کے دھارے دیکھتے ہیں

 

[مغزل]

میں جس بھلا دوں تیرا پیار دل سے وہ دن آخری ہو میری زندگی کا
یہ آنکھیں اسی رات ہو جائیں اندھی جو تیرے سوا دیکھیں سپنا کسی کا

خدا گواہ تیری قامت و قبائے حیا
میں ناگزیر کوئی تھا ، مرا گزارا تھا
م۔م۔مغل

 

[مغزل]

قمر، بادل، ستارے دیکھتے ہیں
ہمیں چھپ چھپ کے سارے دیکھتے ہیں

نہیں دریا میں بھی ہم تم اکیلے
ہمیں دونوں کنارے دیکھتے ہیں

کبھی ساحل کھڑا دیکھے ہے ہم کو
کبھی دریا کے دھارے دیکھتے ہیں

جھیل کنارے تم تھے ، میں تھا ، چاند کے ساتھ
دریا تب سے سپنے بُنتا رہتا ہے ۔۔۔۔۔۔۔۔۔۔
م۔م۔مغل

 

[غ۔ن۔غ]

وہی وحشت، وہی حیرت، وہی تنہائی رقصاں ہے
تری آنکھیں میرے خوابوں سے کتنی ملتی جلتی ہیں

 

[مغزل]

غزل ؔ آباد ہے دل میرا ارمانوں کی رونق سے
کہ جینے کا سلیقہ حسرتِ ناکام دیتی ہے ۔۔۔
غزل ناز غزل ؔ

 

[غ۔ن۔غ]

تو مرے خون میں شامل ہے مرے دل کے مکیں
میں تو مر جاؤں اگر دیکھ نہ پاؤں تجھ کو۔۔۔۔۔۔

 

[رابطہ]

یہ جو گرد بادِ حیات ہے کوئی بھی اس سے بچا نہیں
تری یاد کو مگر رکھوں میں سنبھال سنبھال کے!
(اوریا مقبول جان)

 

[مغزل]

تو سپنے جوڑ سکتی ہے رضیؔ کو مت بتا دینا
وہ آنکھیں موندھ کر پورے یقیں سے ٹوٹ جائے گا
رضی الدین رضی ؔ

 

[غ۔ن۔غ]

ترے وجود سے وابستہ ہے وجودِ حیات
اب ایک تو جو نہیں انجمن نہیں باقی

 

[مغزل]

خدائے عمر سے مانگی تھی ایک مہلتِ شب
وہ جس میں تیرے مرے بخت کا ستارہ تھا
م۔م۔مغل
(ایک غزل سے اقتباس)

 

[غ۔ن۔غ]

رہے گا ساتھ ترا پیار زندگی بن کر
اور بات مری زندگی وفا نہ کرے

 

[مغزل]

رہے گا ساتھ ترا پیار زندگی بن کر
اور بات مری زندگی وفا نہ کرے

مری دعا ہے خدا سے کہ کاش لگ جائے
مری حیات کے لمحوں کی زندگی تم کو۔۔۔

 

[غ۔ن۔غ]

تو ملا ہے تو یہ احساس ہوا ہے مجھ کو
یہ مری عمر محبت کے لیے تھوڑی ہے
اک ذرا سا غمِ دوراں کا بھی حق ہےجس پر
میں نے وہ سانس بھی تیرے لیے رکھ چھوڑی ہے

 

[مغزل]

تِرے کچھ شعر ہیں منسوُب مجھ سے​

مجھے تجھ سے یہی نسبت بہت ہے​

غزل ناز غزل ​

 

[سعدی غالب]

ہوتی نہیں قبول دعا ترکِ عشق کی
دل چاہتا نہ ہو تو دعا میں اثر کہاں

 

[سعدی غالب]

تم غزل ہو غزال ہو کیا ہو ؟
دشت آباد ہوگیا میرا !!!!!!!
م۔م۔مغل

بہت اعلیٰ
بےحد عمدہ

 

[رابطہ]

ہم اہل قفس تنہا بھی نہیں، ہر روز نسیم صبح وطن
یادوں سے معطر آتی ہے اشکوں سے منور جاتی ہے