دو ملین پیغامات کے بعد۔۔

لاریب مرزا

محفلین
ہمیں اپنی پرانی چیزیں بہت عزیز ہوتی ہیں۔ :cry:

لیکن کوئی چارہ نہ ہو تو پھر ہم تبدیلی بھی قبول کر ہی لیتے ہیں۔ :)

ایسے تاثرات کے لیے کونسے آپشن پہ کلک کرنا ہو گا؟؟ :)

خیر یہ تو لڑی اور تبصرہ جات پڑھ کے ہمارا پہلا رد عمل تھا۔ :)

اردو محفل فورم سے ایک انسیت ہے۔ اسی سبب بہت سوں کے لیے ایک فوری دھچکہ فطری ردعمل ہو گا۔ باقی جو لوگ اس فورم کے بانی اور دیکھ ریکھ کرنے والے ہیں ان کو ہم سے بھی زیادہ یہ محفل عزیز ہو گی۔ وہ لوگ کوئی اچھا فیصلہ ہی لیں گے۔ ہم اس فیصلے کا خیر مقدم کرتے ہیں۔

ہمارا سوال یہ ہے کہ اس محفل پر جتنا کام ہوا ہے اور جتنا ڈیٹا یہاں محفوظ ہے کیا اتنا کام نئے فورمز پہ ممکن ہو سکے گا؟؟
اور جتنی ایکٹیویٹی یہاں ہے کیا وہاں ممکن ہو سکے گی؟؟
 

زیک

مسافر
ایک خیال ہے بلکہ اندیشہ کہہ لیں کہ اگر نئے فورم پر زمروں کو الگ فورمز کی شکل دے دی جائے گی تو اس کی کیا گارنٹی ہے کہ ہر فورم اپنے طور پر چل جائے گا؟

اگر ابھی محفل پر اراکین کی موجودہ فعالیت کو دیکھا جائے تو ایک وقت میں 20 سے 25 افراد آنلائن ہوتے ہیں۔ ان میں سے بمشکل دس یا پندرہ حصہ لیتے ہیں۔ باقی وہ لوگ ہوتے ہیں جو یا تو خاموش رہتے ہیں یا پھر ان کی فعالیت بے انتہا کم ہے۔

ایسے میں اگر الگ الگ حصے بنا دئیے جائیں گے تو جو اراکین ہر جگہ حصہ لیتے پائے جاتے ہیں وہ کسی ایک وقت میں کسی ایک خاص فورم پر ہی فعال رہ سکیں گے۔ میرے نزدیک کم از کم ہر فورم پر ایک وقت میں 10 سے 15 اراکین فعال ہونے چاہئیں۔ جبکہ یہاں پر ہوتے ہی 20 سے 25 ہیں۔

فورمز الگ ہونا اچھا آئیڈیا ہے اور یہ ان اراکین کے لئے کافی فائدہ مند رہے گا جن کی ہمیشہ فرمائش رہی ہے کہ مذہب اور سیاست کے زمروں کو محفل سے ختم کر دیا جائے اور جو ان دو زمروں کی لڑائی جھگڑوں سے اکتا کر جا چکے ہیں۔

کیا ایسا ممکن ہے کہ نئے سوفٹوئیر کی طرف ہجرت کر لی جائے پر فورمز الگ نہیں کئیے جائیں؟ پہلے فعال اراکین کی تعداد بڑھانے پر وہاں پر کام ہو اور ایکٹیویٹی بڑھائی جائے۔ پھر دیکھا جائے کہ کس زمرے میں فعالیت زیادہ ہو گئی ہے اور پھر اسے الگ فورم کی شکل دے دی جائے۔
یہ اہم سوال ہے۔ لیکن اس میں مرغی اور انڈے والا معاملہ بھی ہے۔ انٹرنیٹ پر اکثر فورم کافی فوکسڈ ہوتے ہیں جبکہ محفل کافی پھیلی ہوئی ہے۔ یہ کہنا مشکل ہے کہ اگر فورم علیحدہ ہوں تو زیادہ لوگ آئیں گے یا نہیں۔ ایک لحاظ سے یہ اردو انٹرنیٹ کا امتحان بھی ہے
 

عثمان

محفلین
جہاں تک موجودہ ڈیٹا کا سوال ہے تو ریڈ اونلی ہونے کے بعد اصل اہمیت تو لائبریری وغیرہ جیسے پراجیکٹس ہی کی ہے۔
باقی بیشتر ڈیٹا متعلق آئی ڈیز کے غیر فعال ہونے کے بعد مزید irrelevant ہوجائے گا۔
 

نبیل

تکنیکی معاون
نئی فورم کی فعالیت کے بارے میں کچھ لوگوں کے ذہن میں سوال اٹھ رہے ہیں۔ کسی بھی سائٹ کی کامیابی کا انحصار اس کی انتظامیہ کی فعالیت پر ہوتا ہے۔ فورم کی کامیابی اور مقبولیت کا کوئی فارمولا نہیں ہوتا، لیکن اگر انتظامیہ اس کی بہتری کے لیے کام کرے اور اس کے یوزرز کے ساتھ انگیجڈ رہے تو فورم کی کامیابی کا امکان بڑھ جاتا ہے۔ محفل فورم کی حالیہ سالگرہ کی مثال سب کے سامنے ہے۔ دو ملین پیغامات کا ہدف اگرچہ کافی مشکل نظر آ رہا تھا لیکن سب نے مل کر اس مشکل ہدف کو آسان بنا دیا۔ میرے ذہن میں نئی سائٹ کی کامیابی میں زیادہ شک نہیں ہے۔ زیادہ اہمیت نئی فورم کے لیے فعال انتظامیہ کا انتخاب ہے۔ ہمیں ادبی فورم، ٹیکنالوجی فورم، عوام کی آواز فورم، تفریحی فورم وغیرہ کے لیے ایڈمن اور موڈریٹر درکار ہوں گے جن کے ذہن میں ان کے زیر انتظام فورم کے مقاصد واضح ہوں۔ اس سلسلے میں پہلا انتخاب تو یقینا محفل فورم کی موجودہ انتظامیہ کے ارکان ہوں گے۔ اس کےعلاوہ ہم دوسری اردو فورمز کے تجربہ کار ناظمین کا بھی نئے سیٹ اپ میں خیر مقدم کریں گے۔ کم از کم اپنی حد تک میں بتا سکتا ہوں کہ میں صرف ٹیکنالوجی فورم کی نظامت میں حصہ ڈالوں گا۔ :)

فورم کے ماڈریشن کنٹرولز کا استعمال سیکھنے اور کمیونٹی منیجمنٹ میں مہارت میں وقت لگتا ہے۔ فورم کے ایڈمن سیکشن کو سیکھنے اور اس میں مہارت حاصل کرنے میں اس سے بھی زیادہ وقت لگتا ہے۔ نئی فورم سائٹ سیٹ اپ کرنے سے قبل ہم نئی انتظامیہ کی ٹریننگ کا آغاز کر دیں گے۔ :) اس کے لیے انہیں ڈسکورس کی ایک ٹیسٹ انسٹالیشن کی رسائی فراہم کر دی جائے گی۔ میں اس کا ایک سکرین شاٹ بھی پیش کر چکا ہوں۔ اسے ڈھونڈنے کا کوئی فائدہ نہیں ہوگا۔ اسے ہم نے گوگل کی نظروں سے بچا کر رکھا ہوا ہے۔ :)
 

نبیل

تکنیکی معاون
جہاں تک موجودہ ڈیٹا کا سوال ہے تو ریڈ اونلی ہونے کے بعد اصل اہمیت تو لائبریری وغیرہ جیسے پراجیکٹس ہی کی ہے۔
باقی بیشتر ڈیٹا متعلق آئی ڈیز کے غیر فعال ہونے کے بعد مزید irrelevant ہوجائے گا۔

صرف لائبریری پراجیکٹ ہی نہیں بلکہ اردو کمپیوٹنگ کے حوالے سے بھی بہت سا کام ہوا ہوا ہے جو میری دانست میں تاریخی اہمیت کا حامل ہے۔ اس کے علاوہ ادبی سیکشن میں طبع زاد تحاریر، شاعری اور عروض کے اسباق جیسا قیمتی مواد شامل ہے جس کی قدر اور اہمیت برقرار رہے گی۔
 

نبیل

تکنیکی معاون
جہاں تک موجودہ فورم کو ڈسکورس پر مائیگریٹ کرنے کا تعلق ہے تو یہ کافی دشوار ثابت ہوگا۔ پہلا مسئلہ تو یوزر آئی ڈی سے ہی شروع ہو جائے گا۔ ڈسکورس میں اردو یوزر نیم کام ہی نہیں کریں گے۔ اگر صرف موجودہ فورم کو مائیگریٹ کرنے کا ارادہ ہوتا تو ڈسکورس کا انتخاب نہ کیا جاتا۔ ڈسکورس کے انتخاب پر ہم اسی وقت متفق ہوئے ہیں جب ہم نے کلین سلیٹ سے نئے آغاز کا ارادہ کیا ہے۔
 

عثمان

محفلین
صرف لائبریری پراجیکٹ ہی نہیں بلکہ اردو کمپیوٹنگ کے حوالے سے بھی بہت سا کام ہوا ہوا ہے جو میری دانست میں تاریخی اہمیت کا حامل ہے۔ اس کے علاوہ ادبی سیکشن میں طبع زاد تحاریر، شاعری اور عروض کے اسباق جیسا قیمتی مواد شامل ہے جس کی قدر اور اہمیت برقرار رہے گی۔
جی "وغیرہ" میں اسے کور کرنے کی کوشش کی تھی۔ :)
نئے سیٹ اپ میں فیس بک سے لاگ ان ہوکر بھی تبصرہ کیا جاسکتا ہے؟
 

محمدظہیر

محفلین
ہمارا سوال یہ ہے کہ اس محفل پر جتنا کام ہوا ہے اور جتنا ڈیٹا یہاں محفوظ ہے کیا اتنا کام نئے فورمز پہ ممکن ہو سکے گا؟؟
اور جتنی ایکٹیویٹی یہاں ہے کیا وہاں ممکن ہو سکے گی؟؟
Resistance to change ایک فطری بات ہے :)
ہمارا غالب گمان ہے کہ نئے پلیٹ فارم پر سرگرمیوں میں خاصہ اضافہ ہوگا اور یہاں اردو کمیونٹی کے لیے جتنا کام ہوا ہے وہاں اس سے بھی زیادہ ہوگا :)
 

محمدظہیر

محفلین
آپ ان ناظمین کے انتخاب کے لئے کیا criteria رکھیں گے؟
گو کہ سوال مجھ سے نہیں، مینجمنٹ کا طالب علم ہونے کے ناطے اپنی معلومات کے مطابق کہہ رہا ہوں
کسی بھی ادارے میں انتخاب کے وقت عام طور پر دو چیزیں دیکھی جاتی ہیں
اول اور سب سے اہم : مثبت رویہ
دوم : علم(knowledge) ، مہارت(skills)، صلاحیت(abilities) :)
 

زیک

مسافر
جی "وغیرہ" میں اسے کور کرنے کی کوشش کی تھی۔ :)
نئے سیٹ اپ میں فیس بک سے لاگ ان ہوکر بھی تبصرہ کیا جاسکتا ہے؟
ڈسکورس میں ایسی سہولت موجود ہے لیکن ابھی یہ تجربہ کرنا باقی ہے کہ سنگل سائن آن (جو ہمارے لئے کافی اہم ہے) کے ساتھ کام کرتی ہے یا نہیں۔
 

عثمان

محفلین
ڈسکورس میں ایسی سہولت موجود ہے لیکن ابھی یہ تجربہ کرنا باقی ہے کہ سنگل سائن آن (جو ہمارے لئے کافی اہم ہے) کے ساتھ کام کرتی ہے یا نہیں۔
اگر فیس بک سے رسائی ہوسکتی ہے تو فورم کی فعالیت میں کافی اضافہ کا امکان ہے۔
 

سین خے

محفلین
گو کہ سوال مجھ سے نہیں، مینجمنٹ کا طالب علم ہونے کے ناطے اپنی معلومات کے مطابق کہہ رہا ہوں
کسی بھی ادارے میں انتخاب کے وقت عام طور پر دو چیزیں دیکھی جاتی ہیں
اول اور سب سے اہم : مثبت رویہ
دوم : علم(knowledge) ، مہارت(skills)، صلاحیت(abilities) :)

:) اچھی بات ہے
کیا اس کے اوپر غور و فکر کیا جائے گا کہ آیا کہ کسی دوسرے فورم کے کوئی ناظم اپنے فورم پر کس طرح کے معیارات اپنائے ہوئے تھے؟ یعنی یوزر پرائیویسی وغیرہ کے بارے میں ان کیا معیارات رہے ہیں اور آیا کہ محفل انتظامیہ میں شامل ہونے کے بعد یہاں کے صاف ستھرے معیارات اپنانے کی "صلاحیت" رکھ سکتے ہوں گے یا نہیں؟
 

محمدظہیر

محفلین
:) اچھی بات ہے
کیا اس کے اوپر غور و فکر کیا جائے گا کہ آیا کہ کسی دوسرے فورم کے کوئی ناظم اپنے فورم پر کس طرح کے معیارات اپنائے ہوئے تھے؟ یعنی یوزر پرائیویسی وغیرہ کے بارے میں ان کیا معیارات رہے ہیں اور آیا کہ محفل انتظامیہ میں شامل ہونے کے بعد یہاں کے صاف ستھرے معیارات اپنانے کی "صلاحیت" رکھ سکتے ہوں گے یا نہیں؟
اس بارے میں مجھے معلومات نہیں ہیں کہ دیگر فورمز کے ناظمین سے یہاں کوئی رضاکارانہ تعاون لیتے وقت انہیں کس معیار پر جانچا جائے گا. بہرحال ایک بات تو طے ہے کہ اردو زبان کی ترویج کے لیے جو بھی بہتر فیصلے محسوس ہوں گے انتظامیہ انہیں مد نظر رکھے گی :)
 

عثمان

محفلین
:) اچھی بات ہے
کیا اس کے اوپر غور و فکر کیا جائے گا کہ آیا کہ کسی دوسرے فورم کے کوئی ناظم اپنے فورم پر کس طرح کے معیارات اپنائے ہوئے تھے؟ یعنی یوزر پرائیویسی وغیرہ کے بارے میں ان کیا معیارات رہے ہیں اور آیا کہ محفل انتظامیہ میں شامل ہونے کے بعد یہاں کے صاف ستھرے معیارات اپنانے کی "صلاحیت" رکھ سکتے ہوں گے یا نہیں؟
جب ہر فورم کی انتظامیہ مختلف اور خودمختار ہوگی تو کوئی ایک مخصوص معیار نہیں رہے گا۔
 
آج میں نے ڈسکورس کی ایپ ڈاؤنلوڈ کی تھی تجرباتی طور پر تاکہ اس کا معائنہ کر سکوں کے کیسے کام کرتی ہے، پھر میں نے ڈسکورس کی ویب سائٹ کو گوگل کروم پر اوپن کیا تو مجھے ایڈ ڈسکورس ٹو ہوم سکرین کی آپشن نظر آئی تو میں نے اس پر کلک کر دیا چند سیکنڈ میں ڈسکورس کی ویب سائٹ ایپ کی شکل میں میرے موبائل کی ہوم سکرین پر نظر آنے لگی
D9uGMcq.jpg

گوگل کروم پر اوپن کی گئی سائٹ کا وئیو تصویر کے آخر میں آپ ایڈ ڈسکورس ٹو ہوم سکرین کی اپشن دیکھ سکتے ہیں
lo0axti.jpg

4kKSffy.jpg

ڈسکورس کی اوریجنل ایپ کے ساتھ ایک دوسری ایپ بھی نظر آ رہی ہے جو ایڈ ہوم سکرین کرنے کے بعد ڈاؤنلوڈ ہوئی.
میں نے تجرباتی طور پر ایک دوسری ویب سائٹ جو ڈسکورس پر تیار کی گئی ہو اسے تلاش کیا تو مجھے imgur کمیونٹی کی ویب سائٹ ملی جو ڈسکورس سوفٹویر پر ہی تیار کی گئی ہے imgur کمیونٹی کو گوگل کروم میں اوپن کیا تو وہی آپشن ایڈ ٹو ہوم سکرین والی نظر آئی جس پر کلک کرنے کے بعد یہ سائٹ بھی موبائل ایپ کی شکل میں موبائل فون میں ڈاؤنلوڈ ہو گئی
drfTJoO.png

جس کا وئیو یہ رہا
m5bDI1N.png

ایپ کو اوپن کرنے کے بعد کا وئیو

اس تجربے کے بعد امید کی جا سکتی ہے کہ اردو محفل بھی اپنے logo کے ساتھ بہت جلد ہم سب کے موبائل میں ہوگی
 

محمدظہیر

محفلین
آج میں نے ڈسکورس کی ایپ ڈاؤنلوڈ کی تھی تجرباتی طور پر تاکہ اس کا معائنہ کر سکوں کے کیسے کام کرتی ہے، پھر میں نے ڈسکورس کی ویب سائٹ کو گوگل کروم پر اوپن کیا تو مجھے ایڈ ڈسکورس ٹو ہوم سکرین کی آپشن نظر آئی تو میں نے اس پر کلک کر دیا چند سیکنڈ میں ڈسکورس کی ویب سائٹ ایپ کی شکل میں میرے موبائل کی ہوم سکرین پر نظر آنے لگی
D9uGMcq.jpg

گوگل کروم پر اوپن کی گئی سائٹ کا وئیو تصویر کے آخر میں آپ ایڈ ڈسکورس ٹو ہوم سکرین کی اپشن دیکھ سکتے ہیں
lo0axti.jpg

4kKSffy.jpg

ڈسکورس کی اوریجنل ایپ کے ساتھ ایک دوسری ایپ بھی نظر آ رہی ہے جو ایڈ ہوم سکرین کرنے کے بعد ڈاؤنلوڈ ہوئی.
میں نے تجرباتی طور پر ایک دوسری ویب سائٹ جو ڈسکورس پر تیار کی گئی ہو اسے تلاش کیا تو مجھے imgur کمیونٹی کی ویب سائٹ ملی جو ڈسکورس سوفٹویر پر ہی تیار کی گئی ہے imgur کمیونٹی کو گوگل کروم میں اوپن کیا تو وہی آپشن ایڈ ٹو ہوم سکرین والی نظر آئی جس پر کلک کرنے کے بعد یہ سائٹ بھی موبائل ایپ کی شکل میں موبائل فون میں ڈاؤنلوڈ ہو گئی
drfTJoO.png

جس کا وئیو یہ رہا
m5bDI1N.png

ایپ کو اوپن کرنے کے بعد کا وئیو

اس تجربے کے بعد امید کی جا سکتی ہے کہ اردو محفل بھی اپنے logo کے ساتھ بہت جلد ہم سب کے موبائل میں ہوگی
میرا خیال ہے صارفین کی مانگ پر مجبوراً اینڈرائڈ ایپ بنائی گئی ہو، ورنہ آج کل تو ویب بیسڈ ایپ ہی سب سے بہتر آپشن ہے. ویب ایپ کو ہر پلیٹ فارم پر مسلسل اپڈیٹ کرنے کی ضرورت نہیں پڑتی. ڈسکورس ویسے بھی موبائل فرینڈلی ہے. اب تو براؤزر سے ہی نوٹیفکیشن بھی آنے لگی ہیں، پھر کوئی کیوں بھلا اینڈرائڈ یا آئی او ایس کے لیے علیحدہ ایپس بنانے کی زحمت کرتا رہے :)
 

فرقان احمد

محفلین
ایک تجویز یہ ہے کہ اردو محفل فورم کو فوری طور پر 'ریڈ اونلی سٹیٹ' میں نہ لے جایا جائے۔ جب تک پچاس فی صد سے زائد محفلین نئے فورم پر آئی ڈیز نہیں بنا لیتے، تب تک، اس فورم کو نئے فورمز کے ساتھ متوازی طور پر چلایا جانا مناسب رہے گا۔
 
Top