عید اور چاند رات کے موضوعات پر اشعار!

[فرقان احمد]

سب لوگ دیکھتے ہیں کھڑے چاند عید کا
مشتاق ہوں میں‌رشک قمر تیری دید کا

بہادر شاہ ظفر

 

[فرقان احمد]

عید کا چاند جو دیکھا تو تمنا لپٹی
ان سے تقریب ملاقات کا رشتہ نکلا

رحمت قرنی

 

[فرقان احمد]

مہ نو آج صبح عید کی لے کر نوید آیا
صلے میں تیس روزوں کے مبارک روز عید آیا

سلطان دہلوی

 

[اے خان]

دیکھا ہلال عید تو آیا تیرا خیال
وہ آسماں کا چاند ہے تو میرا چاند ہے

 

[محمد تابش صدیقی]

دیکھا ہلال عید تو آیا تیرا خیال
وہ آسماں کا چاند ہے تو میرا چاند ہے

یہ ضرور مفتی پوپلزئی صاحب کا چاند ہو گا۔

 

[اے خان]

وعدوں ہی پہ ہر روز مری جان نہ ٹالو
ہے عید کا دن اب تو گلے ہم کو لگا لو

 

[اے خان]

یہ ضرور مفتی پوپلزئی صاحب کا چاند ہو گا۔

مفتی پوپلزئی صاحب کو چاند نظر آگیا ہے

 

[فہد اشرف]

یہ ضرور مفتی پوپلزئی صاحب کا چاند ہو گا۔

کیا ان کا چاند پوپلا ہوتا ہے؟

 

[شکیب]

کیا ان کا چاند پوپلا ہوتا ہے؟

میرے ذہن میں بھی بالکل یہی سوال آیا تھا...

 

[فرقان احمد]

مصروف ہے خلق عید کی تیاریوں میں، اور میں
محوِ فکر ہوں کہ سب سے ہنس کر ملنا ہو گا۔۔۔!

 

[فرقان احمد]

اور بڑھ جاتی ہے بھولی ہوئی یادوں کی کسک
عید کا دن تو فقط ۔۔۔۔۔۔۔۔۔۔۔۔۔۔۔ زخم ہرے کرتا ہے!

 

[یاز]

مفتی پوپلزئی صاحب کو چاند نظر آگیا ہے

کبھی نظر نہیں بھی آیا۔

 

[یاز]

کیا ان کا چاند پوپلا ہوتا ہے؟

وہ تو علم نہیں، لیکن ایک عید کی خواہش کو ضرور پوپلا کر دیتا ہے۔

 

[فرقان احمد]

عید آتی ہے تو آنکھوں میں اُتر آتے ہیں
ہجر کی اوس میں بھیگے ہوئے پنچھی کتنے

 

[یاز]

ہلالِ عید! نویدِ طرب ہے دید تری
تری نمود خوشی کا پیام لاتی ہے
بجھی نگاہوں میں کرنوں کی جوت بھرتی ہے
ملول روحوں کی افسردگی مٹاتی ہے
روائتیں ہیں کہ اس دن ہر ایک دل کی کلی
وفورِ نشۂ راحت سے جھوم جاتی ہے
بلند و پست کے ہر تفرقے مٹاتے ہوئے
ہر اک محل میں ہر اک گھر میں عید آتی ہے
(احمد فراز)

 

[خالد محمود چوہدری]

ہاہاہا
ہیل والا جوتا پہنا تھا نا

اور ایک ہیل ٹوٹی ہوئی ہے۔۔۔۔

 

[یاز]

ساقی بیار بادہ کہ ماہِ صیام رفت
دردہ قدح کہ موسمِ ناموس و نام رفت
(حافظ شیرازی)

اے ساقی! جام لا کہ روزوں کا مہینہ گیا۔ پیالہ دے کہ نام و ناموس کا مہینہ گیا۔

 

[حسن محمود جماعتی]

محمد تابش صدیقی حسن محمود جماعتی
ان مراسلات کو پڑھ کے یاد آیا کہ پچھلے رمضان میں ان دنوں آپ بھائی لوگ اعتکاف بیٹھے تھے اور پاک بھارت کا زبردست فائنل میچ ہوا تھا۔ اس پر ایک دلچسپ لڑی بھی بنی تھی۔ حیرت انگیز طور پہ نبیل بھائی نے بھی تبصرہ جات میں حصہ لیا تھا۔ خوب مزا آیا تھا اس دن۔

ہاں جی پر لطف دن تھا. الحمد للہ امسال بھی اعتکاف کی توفیق دی مالک نے.

 

[فرقان احمد]

ہماری عید تو جب ہے کہ دیکھیں تیرے ابرو کو
ہلال عید کو اے مہ جبیں ۔۔۔۔ دیکھا تو کیا دیکھا

 

[توقیر احمد قریشی]

وہ مجھے مہندی لگے ہاتھ دکھا کر روئی
میں کسی اور کی ہوں بس اتنا بتا کر روئی
عمر بھرکی جدائی کا خیال آیا تھا شاید
وہ مجھے پاس اپنے دیر تک بٹھا کر روئی
اب کے نا سہی ضرور حشر میں ملیں گے
یکجا ہونے کا دلاسہ دالا کر روئی
کبھی کہتی تھی کہ میں نہ جی پاؤں گی تمہارے بن
اور آج پھر وہ یہ بات دھرا کر روئی
مجھ سے زیادہ بچھڑنے کا غم تھا اسے
وقت رخصت وہ مجھے سینے سے لگا کر روئی
میں بے قصور ہوں قدرت کا فیصلہ ہے یہ
لپٹ کہ مجھ سے بس وہ اتنا بتا کر روئی
مجھ پہ اک قرب کا طوفان ہو گیا ہے
جب میرے سامنے میرے خط جلا کر روئی
میری نفرت اور عداوت پگھل گئی اک پل میں
وہ بے وفا ہے تو کیوں مجھے رولا کر روئی
سب شکوے میرے اک پل میں پگھل گئے
جھیل سی آنکھوں میں جب آنسو سجا کر روئی
کیسے اس کی محبت پر شک کریں ہم
بھری محفل میں وہ مجھے سینے سے لگا کر روئی