آپ کے پسندیدہ اشعار!

[عبدالقیوم چوہدری]

ہم گداگر نہیں، بس یونہی تمھارے آگے
ہاتھ پھیلایا ہوا، آنکھ جھکائی ہوئی ہے

ظفر اقبال

 

[عبدالقیوم چوہدری]

یہ عشق خاک ہی ہونے کا نام تھا سو ہمیں
صلہ ملا بھی بہت اور صلہ ملا بھی نہیں

پیرزادہ قاسم

 

[showbee]

اِک "ع" تھی
پھر "ش" تھا
کچھ آگ تھی
کچھ راکھ تھی
اِک دشت تھا اِک ہجر تھا
صحرا بھی تھا
اور پیاس بھی
پھر اِک خلا بےانت سا
اِک بند گلی سا راستہ
ویرانیاں، تنہائیاں
پھر "ٖٖق" تھا
پھر سارا منظر راکھ تھا
سب خاک تھا ۔ ۔ ۔ ۔ ۔ ۔۔ ۔ ۔

 

[سید لبید غزنوی]

جتن جتن سکھ لیا ای کدی تے ہار فقیرا
جتن دا مل ککھ نیں پیندا تے ہارن دا مل ہیرا

 

[showbee]

تو کہ ناواقفِ آدابِ غلامی ہے ابھی
رقص زنجیر پہن کر بھی کیا جاتا ہے

 

[عندلیب]

کتنی میٹھی زبان ہے اردو
شان ہندوستان ہے اردو

 

[محمدابوعبداللہ]

اِک "ع" تھی
پھر "ش" تھا
کچھ آگ تھی
کچھ راکھ تھی
اِک دشت تھا اِک ہجر تھا
صحرا بھی تھا
اور پیاس بھی
پھر اِک خلا بےانت سا
اِک بند گلی سا راستہ
ویرانیاں، تنہائیاں
پھر "ٖٖق" تھا
پھر سارا منظر راکھ تھا
سب خاک تھا ۔ ۔ ۔ ۔ ۔ ۔۔ ۔ ۔

یہ شعر ہے

 

[showbee]

پھر اُس کے بعد نگاہوں میں بس گیا وہ شخص
اگرچہ ھم نے اُسے بےدلی سے دیکھا تھا

 

[سید لبید غزنوی]

تاروں بھری رات
کاٹ لی اداسی میں

 

[شامی خان]

کوئی آ کے ہمیں ڈھونڈے گا تو کھو جائے گا​

ہم نئے غم میں پرانے سے بہت آگے ہیں​

جو ہمیں پا کے بھی کھونے سے بہت پیچھے تھا​

ہم اسے کھو کے بھی پانے سے بہت آگے ہیں​

​

ذیشان ساحل​

 

[کاشفی]

بندگی ہم نے چھوڑ دی ہے فراز
کیا کریں لوگ جب خدا ہوجائیں
(احمد فراز)

 

[معاویہ وقاص]

ترچھی نظروں سے نہ دیکھو عاشقِ دلگیر کو
کیسے تیر انداز ہو سیدھا تو کر لو تیر کو
(مولانا محمد حُسین آزاد)

 

[فلک شیر]

اچھے لگتے ہیں آن بان کے لوگ
جانے رکھا ہے آن بان میں کیا
رسا چغتائی

 

[قاری محمد عثمان صدیقی]

دل سے جو بات نکلتی ہے اثر رکھتی ہے. پر نہیں طاقت پر واز مگر رکھتی ہے

 

[سید لبید غزنوی]

جیون جیون ہر کوئی آکھے موت کھڑی سر اُتے
تیرے نالوں لکھ لکھ سوہنے خاک اندر جا سُتے
میاں محمد بخش۔۔۔

 

[معاویہ وقاص]

مجھے تو اچھے لوگ بہت ملے، میں تو ان کے قرض سے مرگیا
اگر ہوسکے تو کبھی کبھی، تو خراب بن کے ملا کرو

ابھی سوچنا ہے تو سوچ لو، ابھی چھوڑنا ہے تو چھوڑ دو
نئے موسموں میں ملو مجھے، تو گلاب بن کے ملا کرو

 

[معاویہ وقاص]

آساں نہیں تھی ترکِ محبت کی داستاں
دو آنسوؤں نے آخری پیغام لکھ دیا

ہم کو کسی کے حُسن نے شاعر بنادیا
ہونٹوں کا نام لےنہ سکے، جام لکھ دیا

اللہ زندگی سے کہاں تک نبھاؤں میں
اس بے وفا کیساتھ میرا نام لکھ دیا

تقسیم ہو رہی تھیں خدائی کی نعمتیں
اک عشق بچ گیا سو میرے نام لکھ دیا

قیصر کسی کی دَین ہے یہ شاعری میری
اُس کی غزل پہ کس نے مرا نام لکھدیا

 

[showbee]

میں بندہ ناداں ہوں، مگر شکر ہے تیرا
رکھتا ہوں نہاں خانہ لاہوت سے پیوند
اک ولولہ تازہ دیا میں نے دلوں کو
لاہور سے تا خاکِ بخارہ و ثمرقند
تاثیر ہے یہ میرے نفس کی کہ خزاں میں
مرغانِ سحر خواں مری صحبت میں ہیں خورسند
لیکن مجھے پیدا کیا اُس دیس میں تو نے
جِس دیس کے بندے ہیں غلامی پہ رضا مند

"ضربِ کلیم"
علامہ اقبال

 

[کاشفی]

نظیر اب ندامت سے کہوں کیا
فآہا ثم آہا ثم آہا
(نظیر اکبر آبادی)

 

[کاشفی]

ہم نے کانٹوں کو بھی نرمی سے چھوا ہے اکثر
لوگ بےدرد ہیں پھولوں کو مسل دیتے ہیں
(بسمل سعیدی)​