1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $413.00
    اعلان ختم کریں

یوم آزادی ہند مبارک ۔۔۔۔۔

عندلیب نے 'اپنا اپنا دیس' کی ذیل میں اس موضوع کا آغاز کیا، ‏اگست 14, 2008

  1. عندلیب

    عندلیب محفلین

    مراسلے:
    15,022
    جھنڈا:
    India
    موڈ:
    Amused
    یومِ آزادئ ہند مبارک



    15۔اگست
    کی صبح جب بعدِ نماز آنگن میں نکل کر دیکھتی ہوں تو سارا ماحول فسوں خیز سا محسوس ہوتا ہے ، ایسا لگتا ہے جیسے بادِ صبا سب سے پہلے ہمارے چہرے کو دھیرے سے چوم کر اس مبارک لمحے کی مبارکباد دئے جا رہی ہو۔
    پھولوں کی خوشبو ، دالان سے ہٹ کر پھیلا ہوا سبزہ ، آسمان پر پھیلے روپہلے بادل ۔۔۔ ایسا لگتا ہے روزانہ کے معمول سے ہٹ کر ایک نیا پیغام دے رہے ہوں۔

    آزادی بھی کتنی بڑی نعمت ہے !
    ہم آزاد ہیں ، غلامی کے برسوں پرانے ناسور کو آج ہی کے دن وطن کے معماران نے جڑوں سے کاٹ کر پھینک ڈالا تھا۔ ہم آج جس ماحول میں سانس لے رہے ہیں وہ ہمارا اپنا ماحول ہے ، دائیں بائیں اوپر نیچے ، اپنے وطن کی مٹی کے ایک ایک ذرہ پر ہمارا حق ہے۔
    آزادی کا احساس ہی کچھ ایسا ہوتا ہے ، اس کا نشہ دنیا کے ہر نشے سے زیادہ طاقت ور ہے۔

    باہر کی دنیا تو بڑی حسین ہے ، خوشگوار ہے ، رومانی ہے ، رنگ برنگی ہے ، ہواؤں میں تازگی سی ہے ۔۔۔۔
    مگر اے کاش ۔۔۔
    اے کاش کہ ہمارے اندر کا موسم بھی اتنا دلربا ہوتا ، اتنا مہکتا ہوتا ۔۔۔۔۔۔۔
    آج مٹی کا رنگ بھی بڑا سرخ سرخ سا نظر آتا ہے ، روح کہتی ہے کہ یہ ان جیالوں متوالوں کے خون کی یاد میں رو رہی ہے جنہوں نے اس پیارے وطن کو آزاد کرایا ، اپنے قیمتی خون کی قربانیاں دیں ۔۔۔ سوچا کہ ان کے بعد ہی سہی مگر ایک نئی صبح تو طلوع ہوگی !

    آہ کہ وہ صبح طلوع ہوئی بھی تو کس مختصر وقفے کے لئے؟
    وطنِ عزیز کی دھرتی کا رنگ آج بھی اتنا ہی سرخ ہے۔ مذہب ، سیاست ، زبان ، علاقہ ، ذات و فرقہ ۔۔۔ ان سب موتیوں کو جمع کر کے خوبصورت جگمگاتی مالا بنائی تھی معمارانِ وطن نے۔ معلوم نہیں اتنے سالوں میں کس کی نظر لگ گئی۔
    تسبیح کی ڈور ٹوٹ گئی ہے ، دانے ادھر ادھر بکھر گئے ہیں ۔۔۔
    رونے کی آوازیں ، دہشت زدہ آوازیں ، دھماکوں کی آوازیں ، چیخنا چلانا ، فضاؤں میں بارود کی بوُ ۔۔۔۔ پرندے اداس ہیں ، ان کی چونچوں سے شاخِ زیتون چھین لی گئی ہے !!

    پھر بھی ۔۔۔۔ ہاں پھر بھی ہر سال 15۔اگست کی علی الصباح ماحول بدل جاتا ہے ، حسین و خوشگوار ہو جاتا ہے ، چاروں کے طرف گویا ہولی کے گلال رنگ بکھر سے جاتے ہیں ۔۔۔ آزادی کے دلآویز نغموں کی بہاریں سنائی دیتی ہیں ، فضائیں جھوم جھوم اٹھتی ہیں
    اے اللہ ! اے ربّ العزت !
    کاش کہ یہ دن ، یہ معجزاتی دن سارے سال پر حاوی ہو جائے ، ہم نعمتِ آزادی کی حقیقت کو جان لیں پہچان لیں ، اس کی حفاظت ہم سب نے مل کر کرنی ہے ، آپس میں انہی محبتوں ، چاہتوں ، رشتوں ، ناطوں کو پروان چڑھانا ہے جس کی خاطر ہم نے آزادی جیسی یہ نعمت حاصل کی تھی
    کاش کہ یہ بات ہم سب کی سمجھ میں آجائے ۔۔۔ کاش کہ ۔۔۔

    اے خدا ! ڈھلکتے ہوئے ایک آنسو کی اس دعا کو قبول فرما لے ، آمین۔

    اپنے وطن عزیز ہندوستان کے تمام ساتھیوں کو یومِ آزادئ ہند مبارک ہو !!

     
    • پسندیدہ پسندیدہ × 19
  2. شمشاد

    شمشاد لائبریرین

    مراسلے:
    200,087
    جھنڈا:
    Pakistan
    موڈ:
    Relaxed
    اردو محفل کے ہندوستانی اراکین کو یوم آزادی مبارک ہو۔
     
    • پسندیدہ پسندیدہ × 6
  3. ابن سعید

    ابن سعید خادم

    مراسلے:
    60,128
    یوم آزادی مبارک ہو! :):) :grin: :grin:

    جادوئی بول والی اپیا آپ اتنا کچھ اتنی آسانی سے کیسے لکھ لیتی ہیں؟ میں تو سائنس پڑھ کے کسی کام کا نہیں رہا۔ :)
     
    • پسندیدہ پسندیدہ × 2
  4. عندلیب

    عندلیب محفلین

    مراسلے:
    15,022
    جھنڈا:
    India
    موڈ:
    Amused
    :laugh:میں نے بھی سائنس ہی پڑھا ہے :grin::grin::grin::grin::grin::grin::grin::grin:
     
    • پسندیدہ پسندیدہ × 2
  5. ابن سعید

    ابن سعید خادم

    مراسلے:
    60,128
    اس کے باوجود یہ حال ہے! :eek::eek::eek::eek:
     
    • پسندیدہ پسندیدہ × 1
  6. مغزل

    مغزل محفلین

    مراسلے:
    17,597
    جھنڈا:
    Pakistan
    موڈ:
    Dunce
    الف عین صاحب ، عندلیب صاحبہ ، ابنِ سعید صاحب اور سرزمینِ ہندوستان کے دیگر پروانوں کو
    یومِ آزادیِ ہندوستان (بھارت) مبارک ہو۔
    عقیدت کیش
    م۔م۔مغل

    (عندلیب صاحبہ آپ کی سلیس اردو نثر کا قائل ہوگیا ہوں۔
    امیدِ واثق ہے کہ آپ آئندہ اپنے نثر پارے یہاں پیش فرماتی رہیں گی۔)
     
    • پسندیدہ پسندیدہ × 3
  7. ابوشامل

    ابوشامل محفلین

    مراسلے:
    3,253
    جھنڈا:
    Pakistan
    موڈ:
    Cheerful
    اقبال نے تو خود کو "عندلیبِ باغِ حجاز" قرار دیا تھا لیکن آپ کا طرز تحریر دیکھ کر بے ساختہ زبان سے آپ کے لیے "عندلیبِ باغِ ہند" نکل گیا۔ سبحان اللہ بہت خوب لکھا ہے۔
    پاکستان سے اس ناچیز کی جانب سے ہندوستان کے تمام باشندوں کو صبحِ آزادی مبارک ہو خاص طور پر اعجاز عبید صاحب، ابن سعید صاحب اور عندلیب صاحبہ کو
     
    • پسندیدہ پسندیدہ × 2
  8. محسن حجازی

    محسن حجازی محفلین

    مراسلے:
    2,525
    موڈ:
    Breezy
    تمام اہل ہند کو ہماری طرف سے یوم آزادی بہت بہت مبارک ہو۔
    خواہش ہے کہ تیسری دنیا کو سامراج کے قبضے سے بھی آزادی مل جائے کہ جو کچھ ہو ہو رہا ہے، جہاں بھی ہو رہا ہے ہماری دانست میں سب اسی کا شاخسانہ ہے۔
     
    • پسندیدہ پسندیدہ × 3
  9. بلال

    بلال محفلین

    مراسلے:
    2,121
    جھنڈا:
    Pakistan
    موڈ:
    Busy
    میری طرف سے تمام اہل ہند کو آزادی مبارک ہو۔۔۔
     
    • پسندیدہ پسندیدہ × 1
  10. دوست

    دوست محفلین

    مراسلے:
    12,957
    جھنڈا:
    Germany
    موڈ:
    Fine
    ہندوستانیوں کو یوم آزادی ہند مبارک۔
     
    • پسندیدہ پسندیدہ × 1
  11. سارہ خان

    سارہ خان محفلین

    مراسلے:
    15,819
    جھنڈا:
    Pakistan
    موڈ:
    Cool
    بہت خوبصورت لکھا عندلیب ۔۔۔ :)

    میری طرف سے بھی سعود بھیا اعجاز صاحب اور عندلیب سسٹر کو یوم آزادی مبارک ۔۔:)
     
    • پسندیدہ پسندیدہ × 2
  12. زھرا علوی

    زھرا علوی محفلین

    مراسلے:
    1,698
    موڈ:
    Asleep
    بہت خوب عندلیب۔۔۔احساسات کا بہت پیارا اظہار ہے۔۔۔
    آپ سب کو آزادی کی خوشیاں بہت بہت مبارک ہوں۔۔۔۔ں
     
    • پسندیدہ پسندیدہ × 2
  13. جیا راؤ

    جیا راؤ محفلین

    مراسلے:
    1,888
    بہت پیارا لکھا عندلیب
    ہماری طرف سے بھی اہلِ ہند کو آزادی مبارک !
     
    • پسندیدہ پسندیدہ × 2
  14. سیدہ شگفتہ

    سیدہ شگفتہ لائبریرین

    مراسلے:
    29,392




    اہل ہند کو یوم آزادی کو مبارک باد !





     
    • پسندیدہ پسندیدہ × 1
  15. جہانزیب

    جہانزیب محفلین

    مراسلے:
    2,442
    جھنڈا:
    UnitedStates
    موڈ:
    Brooding
    بلبلان ہند کو یوم آزادی مبارک ہو ۔
     
    • پسندیدہ پسندیدہ × 1
  16. حیدرآبادی

    حیدرآبادی محفلین

    مراسلے:
    154
    بہت عمدہ تحریر لکھی ہے عندلیب آپ نے ۔۔

    پڑھ کر خوشی ہوئی کہ آپ اتنا اچھا لکھ لیتی ہیں‌۔۔
     
    • پسندیدہ پسندیدہ × 1
  17. الف عین

    الف عین لائبریرین

    مراسلے:
    33,455
    جھنڈا:
    India
    موڈ:
    Psychedelic
    شکریہ جنہوں نے اس ناچیز کو نام کے ساتھ مبارکباد دی۔ میں شکریے کے لئے ہی لیٹ ہو گیا ہوں تو اب دوسروں کو کیا مبارکباد دوں۔
     
    • پسندیدہ پسندیدہ × 2
  18. عندلیب

    عندلیب محفلین

    مراسلے:
    15,022
    جھنڈا:
    India
    موڈ:
    Amused
    شکریہ حیدرآبادی ! آپ کہیں تو آپ کو بھی سکھا سکتی ہوں‌لکھنا کیا خیال ہے ؟ کیا آپ میرے شاگرد بننا پسند کرینگے ۔۔۔۔:grin:
     
  19. شمشاد

    شمشاد لائبریرین

    مراسلے:
    200,087
    جھنڈا:
    Pakistan
    موڈ:
    Relaxed
    اور بھی کوئی آپ کی شاگردی میں آ سکتا ہے یا صرف حیدر آبادی کو ہی دعوت ہے؟
     
  20. ابن سعید

    ابن سعید خادم

    مراسلے:
    60,128
    میں تو پہلے سے ہی اپیا کے ناکارہ شاگردوں‌میں ہوں۔
     

اس صفحے کی تشہیر