ہمیشہ جیت مقدر میں غیر کے آئی - رزّاق اثر شاہ آبادی

[کاشفی]

غزل​

(رزّاق اثر شاہ آبادی - شاہ آباد ، ہندوستان)​

ہمیشہ جیت مقدر میں غیر کے آئی​

مرے خلاف کھڑے تھے کئی مرے بھائی​

​

میں اس کی جھیل سی آنکھوں میں ڈوبتا ہی گیا​

سمندروں سے زیادہ تھی جن کی گہرائی​

​

غمِ حیات کی چادر میں اُڑھ کر سویا​

تمام رات رُلاتی رہی ہے تنہائی​

​

ہر ایک شخص کو انسان میں سمجھتا تھا​

بہت ہی مہنگی پڑی ہے مجھے یہ سچائی​

​

میں بچ کے کیسے نکلتا حصارِ دشمن سے​

اِدھر تھے آگ کے شعلے اُدھر تھے بلوائی​

​

دھواں نکلتا کسی آنکھ نے نہیں دیکھا​

ہمیشہ اس نے یوں نفرت کی آگ بھڑکائی​

​

کئی دنوں سے اثر چپ ہے دشمنِ جاں بھی​

سنا ہے شرم گزشتہ کیے پہ ہے آئی​

 

[طارق شاہ]

دُھواں نکلتا کسی آنکھ نے نہیں دیکھا​

ہمیشہ اُس نے یُوں نفرت کی آگ بھڑکائی​

​

 

[صائمہ شاہ]

واہ

ہر ایک شخص کو انسان میں سمجھتا تھا
بہت ہی مہنگی پڑی ہے مجھے یہ سچائی