ہمارے ارد گرد بکھرے موتیوں جیسے اقوال

[رباب واسطی]

علم کے دریا سے عمل کا قطرہ بہتر ہے

 

[رباب واسطی]

دشمنی کرو لیکن یہ گنجائش رہے کہ
جب کبھی ہم دوست ہو جائیں تو شرمنده نہ ہوں

 

[رباب واسطی]

انسان سب کچھ کاپی کر سکتا ہے سوا ئے نصیب کے اورقسمت کے

 

[رباب واسطی]

رشتوں کی رسی کمزور تب ہوتی ہےجب انسان غلط فہمیوں‌میں‌پیدا ہونے والے سوالات کے جواب بھی خود بنا لیتا ہے

 

[رباب واسطی]

پرندوں کی پرواز خواہ کتنی ہی بلند کیوں نہ ہو پلٹ کر زمین پر ہی آتے ہیں...

 

[محمد عدنان اکبری نقیبی]

ایک چپ ، سو سکھ ۔

 

[رباب واسطی]

اگر کوئی آپ سے بھلا ئی کی امید رکھے تو اسے مایوس مت کرو
کیونکہ لوگوں کی ضرورتوں کا آپ سے وابستہ ہونا آپ پر اللہ ذوالجلال کا خاص کرم ہے

 

[رباب واسطی]

گذر جانے والوں سے عبرت حاصل کرو
بجائے اس کے کہ آنے والوں کے لیئے نشانِ عبرت جاوٗ

 

[رباب واسطی]

خاموشی شخصیت کی محافظ ہوتی ہے

 

[رباب واسطی]

اکثریت کی اہمیت اپنی جگہ
لیکن اگر حق کے مقابل ہو تو اسکی قیمت صفر ہوجاتی ہے

 

[رباب واسطی]

ہر وہ عمل جو مخلوق کے آزار کا باعث ہو
نہ سیاست، نہ عبادت، نہ عقیدت
بلکہ جارحیّت ہے

 

[رباب واسطی]

آگے ضرور بڑھئیے
مگر دوسروں کو روند کر نہیں

 

[رباب واسطی]

ہر مسئلے کا حل موجود ہے،
سوائے اس کے جسے انا کا مسئلہ بنا لیا جائے

 

[رباب واسطی]

شکر گزار ہمیشہ روشن ضمیر اور روشن دماغ ہوتا ہے
نا شکر گزار بے ضمیر اور بد دماغ ہو جاتا ہے

 

[رباب واسطی]

جو شخص اپنے ساتھ وفادار نہیں وہ دنیا کے کسی شخص کے ساتھ وفادار نہیں ہو سکتا
جو شخص اپنے رب کی اطاعت نہیں کرتا وہ دنیا کے کسی شخص کی اطاعت نہیں کرتا

 

[رباب واسطی]

استاد ہر کسی کی زندگی میں ہوتے ہیں لیکن بہتر طالبعلم وہی ہے جو زندگی کو استاد مان کر اس سے سبق سیکھنے کی صلاحیت رکھنے کا حامل ہو.

 

[رباب واسطی]

انسان جتنی محنت اپنی خامی چھپانے کے لیئے کرتا ہے اس سے آدھی محنت میں وہ اپنی خامی دور کر سکتا ہے

 

[رباب واسطی]

کسی کی مثبت کوشش کی حوصلہ افزائی کے لیئے بولے گئے چند الفاظ بھی بہترین تحفہ ہوا کرتے ہیں

 

[محمد عدنان اکبری نقیبی]

کائنات مسلسل اپنی فطرت پر محو سفر ہے۔ اس میں پیدا کردہ خوبصورتی یا بد صورتی کا موجب انسان ہے۔

 

[رباب واسطی]

دو ہی ایسی چیزیں ہیں ۔ جس میں کسی کا کچھ نہیں جاتا
ایک مسکراہٹ اور دوسری دعا
ہمیشہ بانٹتے رہیں