ہمارے ارد گرد بکھرے موتیوں جیسے اقوال

[رباب واسطی]

اگر کل ایک خواب ہے تو اس خواب کو ٹھیک سے دیکھنے کیلئے آج کا دن تو اچھا گزاریئے

 

[رباب واسطی]

اچھی نیت والوں کو سکون ڈھونڈنا نہیں پڑتا ان کے "دل"کسی نکھری صبح کی طرح اجلے اور پر سکون ہوتے ہیں..!!

 

[رباب واسطی]

مشکلات لوگوں کے حسب و نسب کی پہچان کروا دیتی ہیں

 

[رباب واسطی]

جھوٹ کے بعد غلط فہمی معاشرے کی سب سے بڑی برائی ہے

 

[رباب واسطی]

بہترین یاداشت یہ ہے کہ انسان اپنی نیکیاں اور دوسروں کی برائیاں بھولتا رہے

 

[رباب واسطی]

برے سلوک کا بہترین جواب اچها سلوک اور جہالت کا بہترین جواب خاموشی ہے

 

[رباب واسطی]

حسد کرنے والے کے لیئے یہی سزا کافی ہے کہ جب لوگ خوش ہوتے ہیں تو وہ اداس ہوجاتا ہے

 

[رباب واسطی]

برداشت اور صبر
حکمت ہی نہیں نعمت بھی ہے

 

[رباب واسطی]

وقت کی تندی و روانی انسان سے اسکا سب کچھ چھین سکتی ہے
لیکن اہل علم و ادب سے انکے افکار و قلم کی طاقت نہیں چھین سکتی

 

[محمد عدنان اکبری نقیبی]

‏جنہیں چُن لیا جائے ، اُن پہ تبصرے نہیں کیے جاتے ،اُن کا احترام کیا جاتا ہے ۔

 

[محمد عدنان اکبری نقیبی]

جن رشتوں میں ایک دوسرے کو ہمیشہ دل سے عزت دی جائے وہ بُرے حالات یا مجبوری میں خاموش ضرور ہو جاتے ہیں مگر ٹوٹتے کبھی نہیں ہیں کیونکہ وہ باتوں صورتوں سے نہیں جڑ ے ہوتے بلکہ ان کا تعلق تو روح سے ہوتا ہے ۔

 

[رباب واسطی]

جن رشتوں میں ایک دوسرے کو ہمیشہ دل سے عزت دی جائے وہ بُرے حالات یا مجبوری میں خاموش ضرور ہو جاتے ہیں مگر ٹوٹتے کبھی نہیں ہیں کیونکہ وہ باتوں صورتوں سے نہیں جڑ ے ہوتے بلکہ ان کا تعلق تو روح سے ہوتا ہے ۔

رشتے تو نہیں ٹوٹتے، کبھی غرض آڑے آجاتی ہے تو کبھی مجبوری
البتہ روح ضرور زخمی ہوجاتی ہے

 

[محمد عدنان اکبری نقیبی]

رشتے تو نہیں ٹوٹتے، کبھی غرض آڑے آجاتی ہے تو کبھی مجبوری
البتہ روح ضرور زخمی ہوجاتی ہے

ان غرض اور مجبوری نے ہی تو انسان کے پاؤں جکڑے ہوئے ہوتے ہیں ۔انسان نا چاہتے ہوئے بھی بہت کچھ کرنے پر مجبور ہوتا ہے۔اپنی انا خوداری ، اپنی خواہشات کو اندھیرے کنوئیں میں دھکیل دیتا ہے۔اس کا ایسا جینا کوئی جینا نہیں ہوتا ،بس اپنے سےجوڑے رشتوں کی خوشنودی کے لیے ان کی جی حضوری میں زندگی گزار دیتا ہے ۔

 

[رباب واسطی]

ان غرض اور مجبوری نے ہی تو انسان کے پاؤں جکڑے ہوئے ہوتے ہیں ۔انسان نا چاہتے ہوئے بھی بہت کچھ کرنے پر مجبور ہوتا ہے۔اپنی انا خوداری ، اپنی خواہشات کو اندھیرے کنوئیں میں دھکیل دیتا ہے۔اس کا ایسا جینا کوئی جینا نہیں ہوتا ،بس اپنے سےجوڑے رشتوں کی خوشنودی کے لیے ان کی جی حضوری میں زندگی گزار دیتا ہے ۔

متفق

 

[رباب واسطی]

‏جنہیں چُن لیا جائے ، اُن پہ تبصرے نہیں کیے جاتے ،اُن کا احترام کیا جاتا ہے

جنہیں اللہ تعالیٰ نے چنا ہو ان کی بابت تو صد فی صدی متفق
لیکن انسان اکثر اپنے انتخاب پر انگلی اٹھادیتا ہے جس میں زیادہ تر وہ حق بجانب بھی ہوتا ہے

 

[محمد عدنان اکبری نقیبی]

جنہیں اللہ تعالیٰ نے چنا ہو ان کی بابت تو صد فی صدی متفق
لیکن انسان اکثر اپنے انتخاب پر انگلی اٹھادیتا ہے جس میں زیادہ تر وہ حق بجانب بھی ہوتا ہے

یہ اس وقت ہوتا ہے جب اس کے انتخاب کی صفات اس کے سامنے کھلی کتاب کی طرح عیاں ہوتی ہیں ۔ہر انسان کو اپنی سوچ اپنی سمجھ درست ہی لگتی ہے کیونکہ وہ اپنی ضرورت اپنی غرض کو مدنظر رکھ کر اپنے انتخاب کوکسوٹی میں پرکھتا ہے ۔ اکثر اوقات ہمیں جو نظر آ رہا ہوتا ہے وہ ہماری نظر کا فریب بھی ہو سکتا ہے ۔

 

[رباب واسطی]

کسی شخص کے برا ہونے کے لئے یہی کافی ہے کہ اپنے مسلمان بھائی کو حقیر سمجھے، ہر مسلمان کی تمام مسلمانوں پر جان، مال اور آبرو حرام ہے

 

[رباب واسطی]

حرام اور گناہ کے کاموں سے بچاؤ نیکیوں اور اچھے اعمال سے زیادہ ضروری ہے

 

[رباب واسطی]

نعمت کا مل جانا آزمائش کا آغاز ہوتا ہے

 

[رباب واسطی]

غموں سے محفوظ رہنے کا بہترین طریقہ دوسروں کے ساتھ ہمدردی ہے