جون ایلیا کوئی حالت نہیں یہ حالت ہے

کوئی حالت نہیں یہ حالت ہے​

یہ تو آشوب ناک صورت ہے​

​

انجمن میں یہ میری خاموشی​

بُردباری نہیں ہے وحشت ہے​

​

تجھ سے یہ گاہ گاہ کا شکوہ​

جب تلک ہے بسا غنیمت ہے​

​

خواہشیں دل کا ساتھ چھوڑ گئیں​

یہ اذیت بڑی اذیت ہے​

​

لوگ مصروف جانتے ہیں مجھے​

یاں میرا غم ہی میری فُرصت ہے​

​

سنگ پیرائے تبسم میں​

اس تکلف کی کیا ضرورت ہے​

​

ہم نے دیکھا تو ہم نے یہ دیکھا​

جو نہیں ہے وہ خوبصورت ہے​

​

وار کرنے کو جانثار آئیں​

یہ تو ایثار ہے عنایت ہے​

​

گرم جوشی اور اس قدر، کیا بات​

کیا تمہیں مجھ سے کچھ شکایت ہے​

​

اب نکل آؤ اپنے اندر سے​

گھر میں سامان کی ضرورت ہے​

​

آج کا دن بھی عیش سے گزرا​

سر سے پا تک بدن سلامت ہے​

​

محمداحمد بھائی یہاں پوسٹ کر دی ہے۔۔۔ ​

@منتظمین! میں نے تلاش کی تھی۔ نہ ملنے پر یہ دھاگہ کھولا۔ ​

 

جون کی یہ کُل غزل ہی کمال ہے۔۔۔۔۔۔۔۔۔۔۔۔کمال
شکریہ نین بھیا

 

کوئی حالت نہیں یہ حالت ہے​

یہ تو آشوب ناک صورت ہے​

​

خواہشیں دل کا ساتھ چھوڑ گئیں​

یہ اذیت بڑی اذیت ہے​

​

سنگ پیرائے تبسم میں​

اس تکلف کی کیا ضرورت ہے​

​

ہم نے دیکھا تو ہم نے یہ دیکھا​

جو نہیں ہے وہ خوبصورت ہے​

​

گرم جوشی اور اس قدر، کیا بات​

کیا تمہیں مجھ سے کچھ شکایت ہے​

​

اب نکل آؤ اپنے اندر سے​

گھر میں سامان کی ضرورت ہے​

​

آج کا دن بھی عیش سے گزرا​

سر سے پا تک بدن سلامت ہے​

​

واہ صاحب​

کیا خوب غزل منتخب کی ہے اور محمداحمد کا بھی شکریہ کیونکہ مجھے لگ رہا ہے کہ اُن کی وجہ سے ہمیں یہ غزل پڑھنے کو ملی ہے۔​

 

جی بالکل
اور انتخاب کی پذیرائی پر ممنون ہوں

جی انہوں نے کیفیت نامے پر شعر لکھ رکھا تھا۔ اور باتوں باتوں میں مکمل غزل تک بات آگئی
شکریہ منے

 

واہ۔۔۔۔! کیا ہی خوبصورت غزل ہے۔ یادگار اور سدابہار ۔۔!

بہت ہی خوب۔۔۔!



خوش رہیے ذوالقرنین بھائی۔۔۔!

 

آپ ہی کا فیض ہے۔۔۔

 

جی ! اور جون بھی "ہمارے" ہی ہیں۔

 

ویسے جون ایلیا نے جو بھی لکھا کمال ہی لکھا۔

آپس کی بات یہ کہ مجھے جون ایلیا کی گمان بالکل پسند نہیں آئی۔ لیکن "شاید" اور "یعنی" کی شاعری اپنی مثال آپ ہے۔

 

جون کا یہ شعر:

شاید مجھے کسی سے محبت نہیں ہوئی
لیکن یقین سب کو دلاتا رہا ہوں میں

مجھے ہمیشہ سے ہی بہت پسند ہے۔

 

آج کا دن بھی عیش سے گزرا
سر سے پا تک بدن سلامت ہے

واہ واہ

 

لاجواب!

 

مجھے تو جون کے بہت سے اشعار بہت پسند ہیں۔۔۔ اس شعر کے بارے میں کیا خیال ہے

اب یہی طے ہُوا کہ ہم تجھ سے قریب تر نہیں
آج ترے تکلّفات دل پہ گَراں گزر گئے

شکریہ فاتح بھائی انتخاب کو سراہنے کے لیئے

شکریہ

 

بہت ہی اچھا شعر ہے۔

اور بلا شبہ جون صاحب کے بے شمار ایسے اشعار ہیں کہ ہر "شعر" پر دم نکلے

 

وا ہ واہ واہ بہت ہی خؤب شیئرنگ

 

بہت خُوب

 

شکریہ باباجی

 

شکریہ نیلم

 

ان دو اشعار کے متعلق کیا خیال ہے کہ

میرے کمرے کو سجانے کی تمنا ہے تمہیں
میرے کمرے میں کتابوں کے سوا کچھ بھی نہیں

اور

خدا کرے کہ میرے سوا
تمہیں سب شاعروں سے نفرت ہو