تیرہویں سالگرہ کس نام سے پکاروں؟

اردو محفل میں بسا اوقات ایسے ناموں سے اندراجات سامنے آتے رہتے ہیں جوکافی غیر مانوس معلوم ہوتے ہیں۔ مثال کے طور پر انتہا، انجانا، سویدا، ضبط، وغیرہ وغیرہ۔ اسی سے یاد آیا کہ ہمیں پہلی منفی ریٹنگ بھی انجانا صاحب نے دی تھی، جو ہمیں ہمیشہ یاد رہے گی۔بس ہمیں تب سے انجانا سا خوف لاحق رہتا ہے کہ خدا جانے کس آئی ڈی کے پیچھے کون ہے؟

احباب بھی اپنے تجربات کی شراکت فرمائیں۔ کیا کبھی اردو محفل میں کسی ایسی آئی ڈی پرآپ کی نظر پڑی جس کو دیکھ کر آپ چونک گئے ہوں، یا کسی قدر حیران ہوئے ہوں، یا پھر مسکرا پڑے ہوں، وغیرہ وغیرہ!

اس کے علاوہ، اگر آپ چاہیں، تو اپنے اصل نام یا عرفی نام سے متعلق آگاہ کر سکتے ہیں۔

 

جی مجھے عثمان نام سے بلایا جاتا ہے۔
ابتدا میں البتہ "خود کلامی" کے مونیکر سے اندراج کیا تھا۔

 

ملاحوں میں اُزی نام سے مقبول ہوں۔

 

ہمیں بھی اپنے عزیز مشفق اور علم دوست استاد صاحب کااصلی نام معلوم ہے۔
اعجاز عبید
المعروف بہ الف عین

 

@فاصلہ رکھیں ۔۔۔

 

یہ جو جان کے نام سے نیو ممبر آئے ہیں۔۔ اپنا نام بدل کر بھائی جان ہی رکھ لیں۔۔

 

چونکہ آپ نے موضوع میں تدوین کی اس لیے میں نے بھی دھاگے میں اپنا اولین مراسلہ مدون کر دیا۔

 

تدوین بھی آپ کے مراسلے کی وجہ سے کی تھی۔ اس کا سبب دریافت نہ فرمائیے گا۔

 

روفی یعنی شیطان بڑے مزے کا کردار تھا

 

آپ پھپھو جان رکھ لیں تو مجھے بھائی جان منظور ہے تاکہ نیو ممبرز کو رشتے بنانے میں دقت نہ ہو۔

 

پھر تو ان کو "بھائی جان بھائی" کہنا پڑے گا۔

 

ایک روحانی بابا بھی ہوتے ہیں

 

جب کہ موجودہ نک با محاورہ "جان بھائی جان" بنتا ہے!

 

میرے والد صاحب مرحوم نے بچپن میں میرا ایک نِک رکھا ہوا تھا جو خاص فیملی تک محدود ہے اور میں چاہتا ہوں کہ وہی "اس نام سے پکاریں!"، ہاں کالج کے زمانے میں دوستوں میں میرا ایک عرف تھا جو دوستوں کی اس محفل میں بھی بیان کرنے میں کچھ حرج نہیں۔

کالج کے زمانے میں ، اچھا خاصا موٹا ہونے کی وجہ سے دوست مجھے "پہلوان " کہتے تھے اور نئے دوستوں سے میرا تعارف کچھ اس طرح ہوتا تھا: "ایہہ پلوان اے، اینہوں شاعری تے ادب بہت پسند اے!" (یہ پہلوان ہے، اسے شاعری اور ادب بہت پسند ہے)۔ پہلوان اور شاعری کا تضاد عجب ہی رنگ دکھاتا تھا، میری پہلوانی تو خیر چھپائے نہیں چھپتی تھی لیکن کچھ گفتگو کے بعد وہ دوسری "حیثیت" کے بھی قائل ہو جاتے تھے!

 

اور اسی محاورے کی رو سے پھر تو "بھائی جان بھائی جان" کہلائیں گے۔

 

محفل پر آبی ٹوکول سب سے زیادہ تعجب خیز اور ناقابل فہم لگا...
اور تب سے اب تک لگے جارہا ہے!!!

 

اس حوالے سے کچھ دلچسپ آئی ڈی یاد آ رہے ہیں۔

ایک عزیز دوست پہلے قتیل غالب کی آئی ڈی سے آئے تھے۔ نام بتانے کی ضرورت تو نہیں ہوگی۔
ایک اور دوست پہلے فوٹو ٹیک1 کی آئی ڈی سے آیا کرتے تھے۔ بھلا کون؟
اور اور صاحب متساوی الساقین مثلث کی آئی ڈی سے آتے تھے۔ بعد میں انہوں نے ایک اور آئی ڈی اختیار کر لی۔ ان کی نئی آئی ڈی مجھے یاد نہیں رہی۔

 

وارث بھیا سے پوچھ لیتے ہیں۔