جناب جنگ میں بہت سی باتیں ٹھیک ٹھیک نہیں بتائی جاری یہ بات یاد رکھیئے گا ۔۔۔سڑک کنارے گٹر کے پائپ میں چوہے کی طرح چھپا بیٹھا تھا۔ مارتے ہوئے باہر نکالا گیا۔ مرنے سے قبل منت سماجت کر رہا تھا۔
چلتا ہے عثمان بھائی ان کو ہزاروں لیبی نظر نہیں آتے جو مارے گئے 42 سال میں ان گنت لوگ لوکر بی میں بچوں عورتوں کا قتل بھی نہیں نظر آتا ۔یہ سب خود اسلام کا مذاق بنا رہے ہیں ایک طرف تو اسلام کہتا ہے سب انسان برابر ہیں اور ایک کا قتل ساری انسانیت کا قتل تو دوسری طرف یہ مسلمان ہزاروں کے قاتل کو بھی ماورائے قانون اور ہیرو سمجھتے ہیں ۔ اصل میں اسلام کے اپنے قانون کی رو سے قذافی 5000 بار سر قلم کیے جانے کا مستحق ٹھرےگا اگر ایک ایک قتل کا ٹرائل ہو تو ۔ صرف انٹر نیٹ پر خفیہ جیلیں اور اجتماعی قبریں اور وہ ویدیوز دیکھ لیں جس میں قزافی کی فوج نے شہریوں اور فوجیوں کا قتل عام کیا ۔ یہ شخص امریکہ سے ڈر کر ایٹمی پروگرام کے معاملے میں گھٹنے ٹیک گیا پر عوام نے جب مظاہرے کیے گولیاں ٹینک حتی کے میگ-23 جہازوں سے شہروں پر بمباریاں کرائی
آپ سطحی سوچتے ہیں بھگوڑا چور لٹیرا جو کہیں کم از کم اس کو تبدیل کرنے کی قیمت ہم نے وہ نہیں چکائی جو عرب ممالک چکا رہے ہیں اپنے ڈیکٹیٹروں کو تبدیل کرنے کی مشرف کا انجام قذافی جیسا ہوتا اگر ہمارے یہاںدوسری تیسری قوت نا ہوتی پر ہمیں ایسا نہیں کرنا پڑا ایک بھگوڑا قبول ہے مجھے نا کہ خانہ جنگی ہزاروں قتل بمباریاں جیسا کہ لیبیا میں قذافی کی وجہ سے ہوا
آپ کا کیا خیال ہے قذافی کے بعد اب لیبا محفوظ ہے
ہمت بھیا ، آپ کا تجزیہ غلط ہے سعودی عرب میں حکمرانوں کی عوام میں مقبولیت کا گراف بہت نیچا ہے۔ اور آپ 2004 سے 2008 تک کے سعودیہ کے سیاسی حالات پر غور فرمائیں تو دیکھیں گے کہ کس طرح سے وہاں خودکش حملے ہوئے۔ ان کا چیدہ چیدہ سلسلہ ابھی بھی جاری ہے اگرچہ ان کی شدت کم ہے۔ آپ اعدادو شمار کی طرف آئیں تو ہزاروں کی تعداد میں سعودی منحرفین مغربی ممالک میں پناہ لئیے ہوئے ہیں اور وہیں سے عربی اور انگریزی زبان میں ریڈیو اور ٹیلی ویژن کے ذریعے اپنی بات دنیا تک پہنچاتے ہیں۔ ہو گیا کیا؟ یہی ہو گا کہ ایک دن یہ لیبیا کے باغیوں کی طرح استعماری طاقتوں سے مدد لیں گے کیوں کہ سعودی آمر مسلسل ان کی بات سننے سے انکاری ہیں۔ سعودی حکمرانوں کو حالات سے سبق سیکھنا چاہئیے اور اقتدار میں عوام کو شریک کریں۔ ابھی ان کے پاس وقت ہے کہ ایک خود مختار پارلیمنٹ قائم کر کے خود کو آئنی بادشاہ ڈیکلئیر کروا لیں اور زمام اقتدار عوامی نمائندوں کے ہاتھ میں دے دیں۔ جب لوگوں کو اپنے سیاسی حقوق ملیں گے تو وہ بیرونی عناصر کا آلہ کار بننے کی بجائے ملک کی ترقی اور بہتری میں ممد ہوں گے۔
ساجد بھائی بات تو آپ کی ٹھیک ہے لیکن جمہوریت کے ثمرات بھی ہم دنیا میں دیکھ ہی رہے ہیں۔ پاکستان کی مثال آپ کے سامنے ہے پھر ایسے میں اس بات کی گارنٹی ہے کہ جمہوریت بہتر متبادل نظام ثابت ہوگی۔
محمد احمد ، آپ بالکل درست فرما رہے ہیں لیکن اس میں قصور جمہوری نظام کا نہیں ہم نے اسے کھیل بنا لیا ہے۔ پاکستان میں جمہوریت ہے کہاں؟ جب تک بنیادی جمہوریتیں جنہیں بلدیاتی اداروں کی صورت میں باقاعدہ اختیار نہیں کیا جاتا جمہوریت ایک خواب ہی رہے گی۔ یہ آمر اور چور بنیادی جمہوریتوں کے ہوتے اقتدار مین نہیں آ سکتے۔ آپ غور فرمائیے کہ پاکستان کی ہر سیاسی جماعت بلدیاتی نضام کو حیلے بہانے سے پٹڑی سے اتارتی رہتی ہے وجہ یہی ہے کہ اس نظام کے ہوتے غلط افراد کا اسمبلیوں میں جانا ممکن نہیں رہے گا اور موروثی سیاست کا خاتمہ ہو گا۔ آپ ملائشیا اور انڈونیشیا کی مثال پر غور کریں کہ وہاں بنیادی جمہوریت کی مضبوطی سے ترقی کے کیسے ادوار کا آغاز ہوا ۔ پارلیمنٹ اسی وقت جمہوری کہلا سکتی ہے جب اس کے اراکین جمہوریت کی چھاننی میں سے چھن کر آئیں۔ تب یہ جمہوریت قرآن کے حکم "و امرھم شوریٰ بینھم" کی جھلک پیش کر سکے گی ورنہ یہی کرپٹ لوگ ہمیں جمہوریت کے نام پہ الو بناتے رہیں گے۔
مجھے کوئی شوق نہیں یہ اس طرح کی بات کرنے کا۔
چلئے پھر یہاں نوٹنکی بند کرکے اس دھاگے کی طرف دوڑ لگائیں جہاں آپ "جناح پور" کی ڈگڈگی بجاتے نظر آتے ہیں۔
حیرت ہے بھیا جی ، آپ بات کئیے بھی جا رہے ہیں اور اس کی ذمہ داری بھی نہیں لے رہے۔ آپ کو ایک مشورہ دیتا ہوں کہ اگر وقت ملے تو یورپ کی صرف تین سو سال پرانی تاریخ پڑھنے کی کو شش کیجیئے اور پھر آج کے یورپ میں مذہب بیزاری کو ملاحظہ فرمائیے۔ انہوں نے مذہب کو اسی لئیے نکال باہر کیا کہ مذہبی "ٹھیکیدار" یہی کام کر رہے تھے جو آج مسلمانوں میں جاری ہے۔ان کے تبلیغی ادارے عقوبت خانے بن چکے تھے اور ایک دوسرے کو محض اختلاف رائے کی وجہ سے اذیتیں دے دے کر مارا جاتا تھا۔ان کی اشرافیہ اسی طرح اپنے عوام پر مسلط تھی جیسا کہ مسلمان ممالک کے آمر۔ کیا ہم میں سے کوئی چاہے گا کہ ہمیں بھی مذہبی طور پر کبھی ایسے حالات سے واسطہ پڑے؟؟؟۔ آج ہم مسلمانوں کو مذہب کی تعلیم نہیں بلکہ فرقہ بازی سکھائی جاتی ہے۔ اپنے فرقہ کے بل پر دوسروں کو دشمن اور کافر کہنے والے اکثر مذہب کی بنیادی تعلیمات مثال کے طور پر وضو کے مسائل تک سے بے خبر ہوتے ہیں عملی زندگی میں تو اس کے نفاذ کی کہانی تو بہت دور کی بات ہے۔
