کالج فن فئیر کا احوال

[ناعمہ عزیز]

ہر سال مدینہ ٹاؤن گورنمنٹ کالج فار ویمن میں ایک تقریب منعقد ہوتی ہے، جس کو کلر ڈے یا فن فئیر بھی کہا جاتا ہے، اور ہر سال تقریبا سارے فیصل آباد سے لڑکیاں کالج جاتی ہے، اور اس تقریب سے لطف اندوز ہوتی ہے، واضح رہے کہ کالج میں پڑھنے والی طالبات تووہاں جاتی ہے ، لیکن ان کے ساتھ ، اس کی پڑوسنیں، کزنیں اوردوستیں بھی جاتیں ہیں، اس تقریب کا دورانہ دو دن کا ہوتا ہے، اس کو ہم میلے کا نام بھی دے سکتے ہیں، کیونکہ وہاں میلے کا سا ہی سماں بندھ جاتا ہے، وہاں مختلف سٹالز، جن میں رنگا رنگ جیولری، کپڑوں ، اور کھانے پینے کی اشیا کے علاوہ ، جھولے، اور کالج کی طرف سے ایک ورائٹی شو کا بھی بندوبست کیا جاتا ہے۔​

​

مجھے یاد پڑتا ہے کہ کہ میں نے وہاں پر تین فن فئیر اٹنڈ کیے ہیں، لیکن احوال صرف اس کا لکھوں گی جو ہم نے جمعہ اور ہفتہ کے روز اٹنڈ کیا، عائشہ سے کہوں گی کہ کچھ وہ بھی اپنی موج مستی کا احوال اس میں شامل کردے، اور کچھ میں کروں گی، لیکن ابھی صرف اس کا آغاز کر رہی ہوں، لائٹ جانے والی ہے ۔​

اس لئے ملتے ہیں ایک بریک کے بعد ​

 

[زلفی شاہ]

معلوم ہوا کہ آپ کا تعلق پاکستان کے انڈسٹریل شہر فیصل آباد سے ہے۔ کیوں جی صحیح کہا نا۔۔۔۔۔۔۔۔

 

[شہزاد وحید]

ہماری یونیورسٹی میں بھی سپورٹس آنے والا ہے۔ جاب سے چھٹی مار کر جانے کاارادہ ہے، ذرا بھنگڑا شنگڑا ڈال آئے گے۔ گھر میں دو شادیاں تھیں تو پچھلا سارا ہفتہ تقریبات میں گزرا ہے، مہندی پر بھنگڑا ڈالا تھا لیکن ابھی تروڑک ہے جو سپورٹس ڈے پر جا کے نکالنی ہے۔

 

[ناعمہ عزیز]

معلوم ہوا کہ آپ کا تعلق پاکستان کے انڈسٹریل شہر فیصل آباد سے ہے۔ کیوں جی صحیح کہا نا۔۔۔۔ ۔۔۔ ۔

جی بالکل ٹھیک معلوم پڑا ہے آپ کو

 

[زلفی شاہ]

جی بالکل ٹھیک معلوم پڑا ہے آپ کو

جی بہت خوشی ہوئی کیونکہ کچھ کچھ ہمارا تعلق بھی فیصل آباد سے ہے۔

 

[پپو]

کچھ نا کچھ کیا مطلب ؟؟؟؟؟؟؟؟؟

 

[زلفی شاہ]

میں اس وقت ملیشیا میں ہوں ، میرے بیوی بچے ساہیوال میں رہتے ہیں جبکہ میرے سسرالی گلستان کالونی فیصل آباد میں رہتے ہیں اور ہماری زمینیں تاندلیانوالا فیصل آباد میں ہیں اور میں گورنمنٹ کالج آف ٹیکنالوجی سمن آباد فیصل آباد میں شعبہ الیکٹریکل میں 1986ء میں پڑھتا رہا ہوں۔پپو بھائی کچھ کچھ تعلق سمجھ آیا کہ نہیں؟؟؟

 

[ناعمہ عزیز]

ہاں جی تو ہوا یوں کہ فنکشن کی انچارج ہماری پروز کی میم تھیں ، واضح رہے کہ میں گورنمنٹ کالج ویمن کی طالبہ نہیں ہوں ، لیکن میں جس کا کالج میں پڑھتی ہوں اس کی پرنسپل عابدہ فیاض گورنمنٹ کالج ویمن کی سابقہ پرنسپل رہ چکی ہیں، اور فنکشن کی انچارج مس شاہدہ رائے ابھی بھی اسی کالج میں شعبہ انگلش سے منسلق ہیں ، ہاں تو مس شاہدہ رائے نے ہمیں بتایا کہ فنکشن جو کہ پہلے فروری کی 17، 18 کو طے پایا تھا، کچھ وجوہات کی بنا پر پوسٹ پونڈ کر دی گیا ہے، اور اب فنکشن 24، 25 کو ہو گا، ہم نے تو شکرادا کیا،
پھر ہوا یوں کہ اچانک جمعرات کو جب ہم کالج بیٹھے تھے تو میم نے ہم پر بلاسٹ کر دیا کہ آپ لوگوں کے فارمز آ گئے ہیں ان کو فِل کرو کل لاسٹ دیٹ ہے ( یعنی جمعہ کو ) اور کل ان کو یہ فارمز ٹی سی ایس کروانے ہیں، بہت سی لڑکیاں چھٹی پر تھیں، سب کو انفارم کیا گیا، اور اللہ اللہ کر کے ہم نے میم سے اپنے اپنے فارمز گھر لے جانے کی اجازر مانگی اس شرط پر کہ کل یہ فارمز 8 بجے ہی ہمارے ڈاکو مینٹس کے ساتھ اٹیچ ہو کر یہآں پہنچ جائیں گے، اور اگلے روز یعنی جمعہ کو جب کہ کچھ لڑکیوں کا گورنمنٹ کالج مدینہ ٹاؤن جانے کا پروگرام بھی تھا دھرے کا دھرا نظر آنے لگا، بس یہ فکر تھی کہ جلدی سے فارمز کمپلیٹ ہو جائیں سارے، خیر وہ سارے فارمز 11 بجے تک کمپیلٹ ہو گئے اور ہمارے کالج میں فسٹ ائیر اورتھرڈ ائیر نے فنکشن پر جانے کا پروگرام بنایا تھا ان کو اس کی تکمیل کی راہیں نظر آنے لگیں، کیونکہ ان سب کے کالج سے جانا تھا ، اور ظاہر سی بات ہے کالج میں سے کوئی ٹیچر بھی ساتھ جاتی، سو ہماری امیریکن لٹریچر کی میم نے ان کے ساتھ جانےکی حامی بھری اور ہماری لائبریرین بھی ساتھ چل دیں۔ ہماری میم نے ایم اے کی لڑکیوں کو بھی کہا، ان میں سے میں اور دو اور لڑکیاں ان کے ساتھ گئیں

 

[پپو]

میں اس وقت ملیشیا میں ہوں ، میرے بیوی بچے ساہیوال میں رہتے ہیں جبکہ میرے سسرالی گلستان کالونی فیصل آباد میں رہتے ہیں اور ہماری زمینیں تاندلیانوالا فیصل آباد میں ہیں اور میں گورنمنٹ کالج آف ٹیکنالوجی سمن آباد فیصل آباد میں شعبہ الیکٹریکل میں 1986ء میں پڑھتا رہا ہوں۔پپو بھائی کچھ کچھ تعلق سمجھ آیا کہ نہیں؟؟؟

بھائی جی جب سسرال فیصل آباد میں ہے کچھ نا کچھ والی بات تو آپ نے درست نہیں کہی آپ کو کہنا چاہیے تھا گہرا تعلق ہے

 

[زلفی شاہ]

ناعمہ بہن اتنی چھوٹی چھوٹی قسطوں میں لکھ رہی ہو۔ کیا تحریر کو اگلی صدی میں پایہ تکمیل تک پہنچانے کا پروگرام ہے؟

 

[زلفی شاہ]

بھائی جی جب سسرال فیصل آباد میں ہے کچھ نا کچھ والی بات تو آپ نے درست نہیں کہی آپ کو کہنا چاہیے تھا گہرا تعلق ہے

پپو بھائی میں مشرقی روایات کا قائل ہوں اس لئے ذرا شرمیلے انداز کو پسند کیا ورنہ حقیقت بر مبنی الفاظ تو آپ کے ہیں۔

 

[ناعمہ عزیز]

وہاں پہنچ کر:

وہاں پہنچ کر جو دیکھا تو پتا لگا کہ اس بار تو رش خاصا کم ہی لگتا ہے، سوچا کہ شاید لڑکیاں اب فن فئیر سے تنگ آ گئی ہوں ، اور غالب امکان ہے کہ چونکہ آج جمعہ ہے اس لئے رش کم ہو ، بہرحال ہم نے آوارہ گردی کی ٹھانی، بی اے کی لڑکیوں نے شاپر بھر گاؤن میم کو پکڑائے اور خود کھسک لیں، بیچاری میم میں پہلے ہی اتنی سی جان ہے کہ ہوا آئے اور وہ اُڑ جائیں، اس لئے میں نے میم سے وہ شاپرزبرستی پکڑ لیا ، طے ہوا کہ چلتے چلتے ایک گراونڈ کا چکر لگایا جائے اور دیکھا جائے کہ کونسا کونسا سٹال لگا ہے، جیولری کے سٹال اور عبایا کے سٹال پر ذرا دیر کو رُک کر ونڈو شاپنگ کی ، اور میں نے وہاں لٹکے ایک ٹیڈی بئیر کو کوچی کوچی بھی کیا، اس کے بعد پتا چلا کہ ہم تھوڑے تھک گئے ہیں کیونکہ نا کچھ پیٹ پوجا کر لی جائے، اور پھر ہم آئسکریم کے سٹال کی جانب چل دئیے ، آئسکریم میری ایک کلاس فلیو نے کھلائی ، اور اس کے بعد ہم نے وہاں لگے جھولوں کو ایک حسرت بھری نظر سے دیکھا،
ایک چکر کالج کا لگایا اور پھر یہ طت پایا کہ اب جھولے پر بیٹھا جائے،
پس جی ہم بیٹھ ٹکٹ لے کے بیٹھ گئے جھولے پر۔۔
سائیں کیا بتائیں ، جب وہ جھولا چلا تو اس کی بل کھاتی اوپر نیچے ہوتی پٹری سے ہماری ساری ہڈیوں کا ستیاناس ہو گیا، اللہ معاف کرے، مجھے لگایا کہ ہڈیوں کا جوڑ جوڑ میرے آگے فریاد کر رہا ہے کہ بس کر دو، اور ہمت نہیں ۔
خدا خدا کرکے وہ رکا اور ہم نیچے اترے

 

[ناعمہ عزیز]

ناعمہ بہن اتنی چھوٹی چھوٹی قسطوں میں لکھ رہی ہو۔ کیا تحریر کو اگلی صدی میں پایہ تکمیل تک پہنچانے کا پروگرام ہے؟

اپ فکر نا کریں لالہ جلدی مک جائے گا، دراصل ہمیں اپنے ٹیسٹ کی بھی فکر ہے نا

 

[زلفی شاہ]

اپ فکر نا کریں لالہ جلدی مک جائے گا، دراصل ہمیں اپنے ٹیسٹ کی بھی فکر ہے نا

لالہ تو ہم ٹھہرے لیکن یہ اپ صاحب کون ہیں؟

 

[شمشاد]

چلو مکمل کر لو پھر میں تبصرہ کروں گا۔

 

[ناعمہ عزیز]

جھولے سے اتر کر:

جھولے سے اتر کر اللہ کا شکر ادا کیا، اس کے بعد ہم نے مطلب میں ، میری دوست اور میم نے متفقہ فیصلہ کیا کہ اب تھوڑی دیر کو ورائٹی شو دیکھا جائے، اب لگ گئے لائن میں ، 150 کے تین ٹکٹ لئے، اور اندر اینٹری ماری،
ورائٹی شو کے بار ے میں اتنا ہی کہ وہ ایک ہال میں منعقد ہوا ، ہال کا رقبہ بتانے سے میں قاصر ہوں کیونکہ مجھے پتا ہی نہیں چلتا کہ یہ کوئی کمرہ کتنی جگہ پر ہوتا ہے ، ہاں البتہ اس ہال میں آسانی سے 2000 لڑکیاں سما سکتی ہیں، اس وقت ہال میں تقریبا 400 لڑکیاں تھیں، اور انتظامیہ کے پاس کوئی خاص پرفارمنس نہیں تھی، ہم جب وہاں اینٹر ہوئے تو کیٹ واک چل رہی تھی، اور اس کے بعد سینگنگ کمپیٹیشن کا آغاز ہو گیا، میری میم نے ایک دم سے میرا بازو پکڑا اور یہ چل وہ چل ، مجھے سٹیج پر لے گئی ، اپنا تو رنگ اُڑ گیا، اتنی ساری لڑکیاں اور میں گانا گاؤں گی، لیکن میم نے کہا کہ تم گاؤ گی ناعمہ، اب میم کی بات تو نہیں ٹال سکتی تھی، سو لائن میں لگ گئی، دوسرے نمبر پر مجھے گانا تھا،
اور
پس ہم نے گانا گایا،
گانا یہ تھا

میرے بعد تقریبا 10 لڑکیاں تھیں جہنوں نے گانا گایا، اور سلیکشن میں ہم نے جیتا اور انعام کے 100 روپے لے کر سٹیج سے اترے میم سے ڈھیرووووووووں ساری داد وصول کی اور ہمیں لگا کہ ہم نے کالج کی اتنی ساری لڑکیوں کے سامنے کھڑے ہو کر تھوڑا اور اعتماد سیکھا ہے

 

[ناعمہ عزیز]

تھوڑی دیر ہم ہال میں رہے ، ایک صوفیانہ کلام ( تیرے عشق نچایا کر کے تھیا تھیا ) پر لڑکیوں کی پرفارمنس دیکھی، اس کے بعد ایک اور کیٹ واک، تھوڑی سی چیخیں ماریں، اور باہر آگئے ، اس وقت دن کے 2 بجے تھے اور پھر میم کو بی اے کی لڑکیاں مل گئیں جن کا شاپر میم کے پاس تھا ، میں نے اس شاپر سے لیز کا پیک جو کہ بی اے کی لڑکیوں نے اپنے لئے رکھا تھا ، ان کے سامنے نکال کر کھولا اور ان کو بیگ تھما کر بولا کہ یہ رہا کرایہ ، جو میں صبح سے یہ شاپر لے کر گھوم رہی ہوں اسکا، بھوک اپنے عروج پر تھی، پھر گراونڈ کی طرف چل پڑے ، تین عدد شوارمہ لئے ، (70 کا ایک ) تین عدد کولڈ ڈرنکس، (30 کی ایک ) ایک پر سکون گوشے میں بیٹھ کر ہم نے شوارامہ کھول کر بسم اللہ کی اور کولڈ ڈرنکس کے ہر گھونٹ پر کولڈ ڈرنکس والے کو خوب کوسنے دئیے

اس کے بعدجانے کی تیاری ہوئی ، اور ہم گھر کو چل دئیے
لو جی جمعہ تو ختم ہو گیا

 

[ناعمہ عزیز]

بروز ہفتہ

ہفتے کو ایم اے انگلش پارٹ ون یعنی ہماری کلاس کی سب لڑکیاں جارہی تھیں اور سب بہت ایکسائٹد تھے کہ انجوائے کریں گے، 11:15 منٹ تک وہاں پہنچے ، اور جاتے ہی میم کو کال کی اور بتایا کہ ہم کے قدم رنجہ فرما چکے ہیں، سب بہت اچھیں لگ رہیں تھیں ماشااللہ
ہفتے کے روز اتنا رش تھا کہ بس بیان سے باہر ہے، اس دن لگا کہ ہاں جی آج پورے فیصل آباد کی لڑکیوں نے اپنا فرض ادا کرنے میں پوری فرمابرداری کی ہے ، میم نے جاتے ہی مجھے آئسکریم کھلائی ، واضح رہے کہ میم کی سب سے لاڈلی سٹوڈنٹ ہوں میں
۔ سب سے پہلے ہم نے ڈریگن یعنی بوٹ والے جھولے میں بیٹھنا تھا، میں کبھی بھی نہیں بیٹھی تھی، ٹکٹس لیے اور سب وہاں بیٹھ گئے ، پہلے وہ ہولے ہولے چلا تو بہت مزہ آیا، لیکن جیسے ہی آہستہ آہستہ وہ تیز ہوا، تو بس میرے دل کی دھڑکن بند ہونے لگی
پہلے تو خوب چیخیں ماریں، لیکن جب بہت تیز ہوا تو میرا دماغ ہی کام کرنا چھوڑ گیا، اور طبیعت ایسی اپ سیٹ ہوئی کہ بس میں اپنے بازو اگلی سیٹ پر رکھ کر اپنے سر ان پر رکھ لیا، اور ساری فرینڈز کو سانپ سونگھ گیا، سب مجھے کہیں ناعمہ اُٹھو ، کیا ہوا، یار اسے کہو کہ روک دے ، ڈبل پیسے لے لے ہم سے، ناعمہ پلیزز ہوش کرو، تھی میں اپنے ہوش میں ہی لیکن پھر بھی ایسی حالت تھی کہ بولنے کا جی نہیں کر رہا تھا، پھر بوٹ آہستہ ہو ئی، اور تھوڑی دیر بعد رک گئی ، اور ہم نیچے اُترے، تھوڑا سانس لیا، میم نے پانی پلوایا، اور ہم نے 8پلیٹس گول گپوں کی کھائی
اس کے بعد پھر ہم نے ورائٹی شو دیکھا ، اور خوب بھنگرے ڈالے، تھوڑی ہی دیر میں حبس کا سا سماں ہونے لگا ، اپنی طبعیت تو پہلے ہی اپ سیٹ ہو گئی تھی سو ہم نے دو گھنٹوں کے بعد وہاں سے نکلے اور باہر نکل کر کچھ تصویریں بنائیں، پھر کے ایف سی کا برگر اور کولڈڈ ڈرنکس پی، میم نے اپنی سسٹرز کو شاپنگ کرائی اور 4 بجے ہم اپنے اپنے گھروں کو چل دئیے، اور ابھی تک اس انجوائے منٹ کا سود بھر رہے ہیں، اتنی آوارہ گردی کی ابھی تک اس کا اثر باقی ہے

اب کچھ کالج کی تصویر لگاتی ہوں ، لیکن یہ عائشہ نے بنائیں تھیں۔

 

[عثمان]

بروز ہفتہ

اب کچھ کالج کی تصویر لگاتی ہوں

مجھے تو تصاویر کا ہی انتظار ہے۔

 

[ناعمہ عزیز]

مجھے تو تصاویر کا ہی انتظار ہے۔

جی لالہ یہ کالج کے مختلف حصوں کی تصاویر ہیں ۔