تیرہویں سالگرہ ڈاکیا ڈاک لایا

[محمد عدنان اکبری نقیبی]

بھاشانی سوئٹ کی جانب سے بھی سالگرہ کی مبارک باد کا پیغام آیا ہے ,

 

[یاز]

طوطی نے بھی نقارخانے سے سالگرہ کی مبارک باد بھیجی ہے، اس پیغام کے ساتھ کہ "کبھی ہمارا بھی طوطی بولتا تھا"۔

 

[الف عین]

طوطی نے بھی نقارخانے سے سالگرہ کی مبارک باد بھیجی ہے، اس پیغام کے ساتھ کہ "کبھی ہمارا بھی طوطی بولتا تھا"۔

ان ہاتھوں نے بھی مبارکباد دی ہے جن سے طوطے اڑ گئے تھے

 

[مریم افتخار]

اور تاریخ میں پہلی بار ان اڑے ہوئے طوطوں نے بھی ان ہاتھوں میں واپس آ کر اردو محفل کے لیے اپنی مبارک باد ریکارڈ کروائی ہے!

 

[حسن محمود جماعتی]

کھیت چگ جانے والی چڑیوں نے بھی مبارکباد بھیجی ہے

 

[حسن محمود جماعتی]

کرسٹیانو رونالڈو کی جانب سے بھی محفل کی تیرھویں سالگرہ مبارک

 

[عبداللہ محمد]

طوطی یعنی محمد آصف گجر آف ماچھیکے شریف کی جانب سے بھی سالگرہ کی مبارکباد آئی ہے-
انکا پیغام ہے کہ کپتان دی ہر گل نہیں منی دی ہندی-

طوطی نے بھی نقارخانے سے سالگرہ کی مبارک باد بھیجی ہے، اس پیغام کے ساتھ کہ "کبھی ہمارا بھی طوطی بولتا تھا"۔

 

[مریم افتخار]

محمد آصف گجر

وہ واقعی گجر ہیں؟؟

 

[عبداللہ محمد]

وہ واقعی گجر ہیں؟؟

جی گجر بھی ہے اور دودھی بھی -
انکے والد کا قول تھا "کوئی گل نہیں جے پُتر نہ کھیڈیا تے، الحمدللہ ساڈا دودھ واھوا وکدا اے" وغیرہ وغیرہ

 

[لاریب مرزا]

وہ واقعی گجر ہیں؟؟

لگتا ہے آپ لوگ بھی گجر ہیں۔

 

[مریم افتخار]

لگتا ہے آپ لوگ بھی گجر ہیں۔

ہم لوگ میں کون کون شامل ہیں؟

 

[لاریب مرزا]

ہم لوگ میں کون کون شامل ہیں؟

آپ اور آپ کی فیملی۔
دراصل گجر مرد حضرات کے لیے استعمال کیا جاتا ہے تو ہم "لگتا ہے آپ بھی گجر ہیں۔" کہنے میں کچھ متامل تھے۔ اس لیے "آپ لوگ" کہہ دیا۔

 

[محمد عدنان اکبری نقیبی]

شان مصالحہ بنانے والوں نے محفل کی تیرہویں سالگرہ کی مبارک باد کے پیغام کے ساتھ یہ پیغام بھی ارشاد فرمایا ہے کہ "‎اپنی اپنی الائچیوں پہ نظر رکھیں زمانہ بڑا خراب ہے ہر طرف خراب لونگ گھوم رہے ہیں ۔"

 

[مریم افتخار]

سرسوں میں کھڑی بھینس اور کڑی میں جلے ہوئے پکوڑے نے بھی ہم آواز ہو کر مبارکباد بھیجی ہے!

جن کا کہنا ہے کہ 'اِلّو کلر دُورا سے فوکسوا مارتا ہے مگر بیچ والے کالے شا کلر سے زیادہ نہیں! '

 

[محمد وارث]

جی گجر بھی ہے اور دودھی بھی -
انکے والد کا قول تھا "کوئی گل نہیں جے پُتر نہ کھیڈیا تے، الحمدللہ ساڈا دودھ واھوا وکدا اے" وغیرہ وغیرہ

دُودھ تو خیر بِک ہی جاتا ہے ان کے کہنے کا مطلب ہوگا کہ ہمارا پانی بھی بِکتا رہے گا۔

 

[سید عاطف علی]

اس دھاگے کا خوش قسمت ڈاکیا اتنی ڈاک لایا ۔ اتنی ڈاک لایا کہ اسے ڈاک خانے سے بونس میں ذاتی مکان مل گیا اور بچوں کی شادیوں کا خرچہ بھی ۔
سو اب وہ خود بھی مبارک دے رہا ہے ۔۔۔ تیرہویں سالگرہ مبارک ۔۔۔

 

[محمد تابش صدیقی]

محکمۂ ڈاک کی جانب سے علیحدہ مبارکباد بھیجی گئی ہے۔ ان کے مطابق اب تو پڑے پڑے مہریں بھی خشک ہو چکی تھیں، روشنائی لا کر ڈالی ہے تو کام چلا۔

 

[یاز]

حلوائی کی دکان کی جانب سے بھی سالگرہ مبارک۔ اس پیغام کے ساتھ کہ یہاں فاتحہ کے لئے آنا منع ہے۔

 

[لاریب مرزا]

اس دھاگے کی واحد ناپسندیدہ ریٹنگ کی جانب سے تمام محفلین کو محفل کی تیرہویں سالگرہ کی مبارکباد

 

[یاز]

کاغذ کی کشتی اور بارش کے پانی کی جانب سے بھی سالگرہ مبارک کا پیام آیا ہے۔