پیا رنگ کالا کیسی ہے ؟

آپ کے جواب سے لگا کہ آپ بھی ان بھوکے ننگے تارک دنیا تارک الدین ڈھونگیوں کو ولی مانتی ہیں جو بالوں کو لٹوں کی صورت لٹکائے مستانے بنے پھرتے ہیں.. ولیت کی کوئی خاص شکل و شرط نہیں ہوتی.. رحمدل اور سخی تاجر بھی ولی ہوتا ہے.. رحمدلی اور سخاوت اور مہمان نوازی کرنے والا اور حلال رزق کمانے والا ہی اللہ کا دوست ہوتاہے... بہرحال ہر کسی کا اپنا نظریہ ہوتا ہے.. سو اسی حساب سے وہ لوگوں کو جج کرتا ہے

 

کس نے کہا یہ تصوف کی کتاب ہے ؟؟؟

 

گزارش ہے کہ ایک دفعہ ہمت کرکے ان کی تمام کتب پڑھ لیجیے.. چاہے وقت کیا ضیاع سمجھ کر ہی.. تو جن حضرات کا آپ نے ذکر کیا ہے ان سے باباجی کا تعلق معلوم ہوجائے گا آپ کو

 

باباجی کی لفاظی سے محظوظ ہوں.. استعارے کے استعمال دیکھیں.. حقیقت کو فکشن میں ڈھالنے کی مہارت دیکھیے.. صوفی اور ولی ہونے جھونکیے بھاڑ میں

 

پھر بندہ جو مرضی کرے

 

یہ تو کافی مہنگی ہے

 

کمرشل تصوف بھی کوئی چیز ہوتا ہے

 

پیا رنگ کالا تو انٹرنیٹ پر پی ڈی ایف شکل میں کافی عرصے سے موجود ہے
تین سال تو مجھے ہو گئے ہیں اس کتاب کو پڑھے کویت میں تھی میں تب

 

جی میں نے بھی بابا یحیی کی کتب ڈائون لوڈ کر کے ہی پڑھی ہیں۔ ان کی نئی کتاب 'لے بابا ابابیل' بھی اسی وقت پی ڈی ایف میں دستیاب ہو گی جب کوئی "غریب پرور" انسان اسے اسکین کر کے اپ لوڈ کرے گا۔

 

ویسے تو پسند اپنی اپنی ہوتی ہے۔۔۔۔
آپ نے وہ زین ZEN کہانی شائد پڑھی ہو (اگر نہیں پڑھی تو ضرور پڑھئیے گا) جس میں ایک شخص کسی زین ماسٹر سے حکمت کی باتیں سیکھنے جاتا ہے۔ ماسٹر کا قیام ایک دشوار گذار پہاڑ کی چوٹی پر ہوتا ہے۔ وہ شخص کسی نہ کسی طرح ہانپتا کانپتا آخر کار پہاڑ کی چوٹی پر جا پہنچتا ہے اور ماسٹر کی کٹیا میں اس سے جاکر ملتا ہے۔ ماسٹر اس کا استقبال کرتا ہے اور اسے بیٹھنے کا اشارہ کرکے چائے گرم کرنا شروع کردیتا ہے۔ اور اس دوران اس سے آمد کا مقصد پوچھتا ہے۔
" میں آپ سے حکمت کی باتیں سیکھنے اور دانائی حاصل کرنے کے لئے حاضر ہوا ہوں"۔
اس دوران ماسٹر اس کے کپ میں چائے انڈیلنا شروع کردیتا ہے اور اس کی بات ختم ہونے سے پہلے ہی چائے کا کپ لبالب بھر جاتا ہے لیکن وہ چائے انڈیلنا جاری رکھتا ہے ۔ نتیجہ یہ کہ چائے میز پر گرنا شروع ہوجاتی ہے۔
"چائے گر رہی ہے، بس کردیجئے کپ بھر چکا ہے "۔
لیکن ماسٹر سنی ان سنی کرکے چائے انڈیلنے کا عمل جاری رکھتا ہے۔ وہ شخص جھنجھلا کر کہتا ہے ۔۔۔
"آپ سن نہیں رہے ؟ دکھائی نہیں دے رہا کہ چائے باہر گر رہی ہے؟ آپ کو بات سمجھ آتی ہے یا نہیں؟"
ماسٹر رک جاتا ہے اور اطمینان سے جواب دیتا ہے کہ :
بس یہی بتا نا تھا۔ تم بھی اپنے خیالات و نظریات ، توقعات اور Opinions سے اس کپ کی طرح لبالب بھرے ہوئے ہو۔۔۔میری باتوں کا کوئی فائدہ نہیں ہوگا وہ اس چائے کی طرح رائیگاں ہی جائیں گی۔ جاؤ پہلے خالی ہوکر آؤ۔۔۔۔۔

 

زبردست بات کی آپ نے
سمجھنے والوں کو سمجھ جانا چاہیے
کہ کھانے سے پہلے اس کے ذائقے کے بارے نہیں بتایا جا سکتا..
اور کتاب مکمل پڑھے بغیر اس کے متعلق کوئی تجزیہ یا تنقید نہیں کی جاسکتی

 

اس طبقے میں واصف علی واصف ہی صحیح معنوں میں ولی اور صوفی تھے

 

اگر کسی کی طبع نازک پر ناگوار نہ گذرے تو واصف علی واصف کے بعد سب انہی کا چربہ یا کاپی کی ناکام کوششیں ہیں