کیا وزل کو اردو شاعری میں وہ مقام حاصل ہے جسکی وہ متقاضی ہے؟

  • ہاں

  • نہیں

  • سوچ کر بتاؤں گا


نتائج کی نمائش رائے دہی کے بعد ہی ممکن ہے۔
نیز اشعار (قطعات) کا ربط اور تسلسل واضح کرنے کے لیے آپ نے دو اشعار کے درمیان ’’ق‘‘ لکھا دیکھا ہوگا، لیکن دو مصرعوں کے درمیان ربط قائم کرنے کی یہ پہلی مثال ہے جو اس وزل کے پانچویں شعر میں پیش کی گئی ہے۔

’’ہم پرورشِ وزل کرتے رہیں گے۔۔۔!!‘‘
 
محفل کے اساتذہ (غزل) پر مشتمل تحقیقاتی کمیشن بٹھالیں۔ وہ یہی فیصلہ کرے گا کہ صنفِ غزل ہرگز اتنی وسیع النظر اور وسیع القلب نہیں جو اس قسم کے مواد کو غزل میں شمار کرسکے۔ :p
 

قیصرانی

لائبریرین
محفل کے اساتذہ (غزل) پر مشتمل تحقیقاتی کمیشن بٹھالیں۔ وہ یہی فیصلہ کرے گا کہ صنفِ غزل ہرگز اتنی وسیع النظر اور وسیع القلب نہیں جو اس قسم کے مواد کو غزل میں شمار کرسکے۔ :p
جب یہ وزل کی صنف سے خارج ہوئی تو پھر غزل والے تو اسے سر آنکھوں پر بٹھائیں گے :p
 

فاتح

لائبریرین
کل رات استاد محبوب نرالے عالم کی روح حلول کرگئی تھی، اسی رنگ میں ایک وزل ہوگئی:

اِک تمنا بخت کا اظہار تھی
کیوں ہمیں ایسی شتابی چاہیے

جا تجھے ماضی بعیدا تھا کبھی
اِک مدھانی اضطرابی چاہیے

اُن کے قدموں پر لنڈھا جاتے ولیک
جامِ جم سی وہ گلابی چاہیے

کہہ اُٹھا فوراً رقیبِ روسیہ
رات سی کیفی سرابی چاہیے

آ دبوچا اِک فشارِ حال ِ من
آپ کا چہرہ کتابی چاہیے

کیا نرالا عالمی محبوب ہے
دل جسے اِک طنطنابی چاہیے


 
آخری تدوین:

نایاب

لائبریرین
محترم خلیل الرحمن بھائی
بلاشک یہ کرم ہے قلم کے سچے مالک کا کہ اس نے آپ کے قلم کو یہ خوبی عطا فرمائی کہ
اس سے نکلے لفظ مسکراہٹ بن لبوں پہ بکھرتے اور قہقہہ بن فضاؤں میں پھیلتے زندگی کی جنگ میں الجھے ہوؤں کو کچھ پل راحت پہنچاتے ہیں
بہت دعائیں خدا آپ کے قلم کو رواں دواں مہکتا چہکتا رکھے ۔۔ آمین
 
محترم خلیل الرحمن بھائی
بلاشک یہ کرم ہے قلم کے سچے مالک کا کہ اس نے آپ کے قلم کو یہ خوبی عطا فرمائی کہ
اس سے نکلے لفظ مسکراہٹ بن لبوں پہ بکھرتے اور قہقہہ بن فضاؤں میں پھیلتے زندگی کی جنگ میں الجھے ہوؤں کو کچھ پل راحت پہنچاتے ہیں
بہت دعائیں خدا آپ کے قلم کو رواں دواں مہکتا چہکتا رکھے ۔۔ آمین
خوش رہیے نایاب بھائی
 
وزل: ایک نئی صنفِ سخن کا تعارف

محمد خلیل الرحمٰن​

نیا زمانہ ہے ، نیا دور ہے، نئے اوقات ہیں۔ یاروں نے ہر فیلڈ میں روشِ کہنہ کو چھوڑ کر نئی طرزیں نکالی ہیں، نئی روشیں اپنالی ہیں۔ادبِ عالیہ اور ادبِ سافلہ بھی اس نئی ہوا سے نہ بچ پائے ہیں۔ جدید نظم، نثری نظم، جدید افسانہ، علامتی افسانہ ، ملامتی صوفی اور دیگر اصنافِ سخن کی ایجاد و توجیہ کا کام تیزی کے ساتھ جاری و ساری ہے۔یہاں تک کہ صنفِ نازک اور صنفِ غزل بھی اس سے نہ بچ پائے ہیں۔ صنفِ نازک کا تو کہنا ہی کیا، کہ ایسی ایسی نئی صورتیں وجود میں آرہی ہیں کہ دیکھنے والے دنگ رہ جائیں۔ اللہ بچائے حسن والوں سے۔صنفِ نازک گو اصنافِ سخن کا ہمیشہ سے موضوع رہی ہیں لیکن ہمارے اس مضمون کا براہِ راست موضوع نہیں لہٰذا ان کا تذکرہ درمیان میں چھوڑتے ہوئے آگے بڑھتے ہیں۔


غزل جس کا موضوع شروع ہی سے محبوب سے باتیں کرنا تھا اسے بھی ستم ظریفوں نے بدلنا چاہا اور اس میں دنیا جہان کے موضوعات شامل کرنے کی ایک مہم چلائی گئی جو بضفلِ خدا بری طرح ناکام ہوئی۔ اس ناکامی کے بعد جدید اور نثری نظم کی طرز پر جدید اور نثری غزل متعارف کروائی گئیں اور اب ان میں روز افزوں ترقی و تنوع دیکھنے میں آرہا ہے۔


اس نئی صورتِ احوال سے اربابِ سخن تو پریشان تھے ہی ، کل صبح جب ہماری آنکھ کھلی تو ہم بھی پریشان ہوگئے۔ ابھی آنکھیں کھول کر خالی الذہنی کے عالم میں خلا میں گھو رہے تھے کہ بیگم نے عینک ہاتھ میں تھمادی۔ اب جو چونک کر اِدھر اُدھر دیکھا تو وہی کاٹھ کباڑ سے بھری ہوئی دنیاء نظر آئی اور ایک نیا خیال دل میں گھر کر گیا۔ اے عضوِ معطل! اُٹھ اور اُٹھ کر نئی غزل کی تلبیس و تسمیہ کا کارِ عظیم سر انجام دے۔

غزل اور ہزل کی قدیم اصنافِ سخن کے ساتھ ہم اس نئی صنف کا نام وزل تجویز کرتے ہیں اور مندرجہ ذیل مضمون میں اس کی وجہِ تسمیہ اور دیگر اوصاف بیان کرنے کی حتیٰ الوسع کوشش کرتے ہیں۔

اردو زبان مین کسی بھی لفظ کے ساتھ اسکے پہلے حرف کو واو سے بدل کر استعمال کرنے کا طریقہ نیا نہیں ۔ اس دوسرے لفظ کو عموماً بے معنی سمجھا جاتا ہے جو کہ ایک بہت بڑی غلطی ہے۔ یہ لفظ اس پہلے لفظ کا ہمزاد ہوتا ہے اور اس لفظ کے مساوی اور مخالف معنی رکھتا ہے۔ غزل کے ساتھ وزل کا لفظ استعمال کیا جانا چاہیے۔ اسی وزل کو جدید یا نثری غزل بھی کہا جاسکتا ہے۔ذیل میں وزل کے خواص درج کیے جاتے ہیں۔


· ایسے الفاظ و تراکیب کا استعمال جو اب متروک ہیں یا کبھی انہیں استعمال کرنے کی نوبت نہیں آئی

· ایسے الفاظ کا استعمال جو اردو زبان کے لیے نئی دریافت کا درجہ رکھتے ہیں

· ایسی تراکیب کا استعمال جو اساتذہ کے لیے بھی اچنبھے کا باعث ہیں

· اشعار کو بامعنی بنانے کی مصنوعی مساعی سے گریز

· غزل کے برعکس ضروری نہیں کہ شعر کے مضمون کا مکمل ابلاغ بھی ہورہا ہو

· ایک ہی وَزَل میں دو یا دوسے زیادہ بحور کا استعمال

· غزل کے برعکس قافیے پر قافیہ تنگ کردینا یعنی آزادانہ قافیوں کا استعمال

· ردیف کی جگہ وزل کی خصوصیت ‘‘ ردیفِ خفی ’’ کا استعمال ، یعنی

o ہر چند کہیں کہ ہے، نہیں ہے

·



اس نئی صنفِ سخن کو متعارف کروانے والوں میں سرِ فہرست تو امام المتوزلین ( بروزنِ اما م المتغزلین ) جناب استاد محبوب نرالے عالم کا ہے۔ پھر دوسرا نہیں تو تیسرا نام فدوی کا ہونا چاہئے۔ استاد محبوب نرالے عالم کے کلام سے کچھ چیدہ اشعار اس ضمن میں پیش ہیں۔

حسن کو آفتاب میں ضم ہوگیا ہے
عاشقی کو ضرور بے خودی کا غم ہوگیا ہے


پوچھو ہو رشتہ ہم سے فسردہ بہارِ دل
ہم رہنے والے ہیں اسی اجڑے مزار کے​

مزید

تم بھلا باز آؤ گے غالب
راستے میں چڑھاؤ گے غالب
کعبہ کِس منہ سے جاؤ گے غالب
شرم تم کو مگر نہیں آتی

استاد محبوب نرالے عالم کا فارسا کلام بھی قابلِ تعریف ہے۔


نظر خمی خمی، نظر گمی گمی، نظر سمی سمی
دھمک سٹک فزوں، فضا فسردنی، حیا لبم لبم
عشر خموشگی، خمو عشر فشاں، نمو زدم زدم
قلی وقل ونی، وقل فنوقنی، قنا قلم قلم
نظر خمی خمی، نظر گمی گمی، نظر سمی سمی



اس عارفانہ کلام کے بعد (جو ہم نے جناب ابنِ صفی کی کتاب ڈاکٹر دعاگو سے مستعار لیا ہے) ہم کچھ اپنی نگارشات بھی پیش کرنے کی جسارت کریں گے۔ فی الحال ایک وزل پیشِ خدمت ہے۔

‘‘گو نو ا گو ’’ میں زے بھی آتی ہے
زے لگائیں تو بحر جاتی ہے

کیسا ‘‘لمگشتگی’’ کا عالم ہے
نیند آتی نہ نیند جاتی ہے

ہار کر بھی جو ہارنا چاہوں
جیت ناخن کھڑی چباتی ہے

ایک بکرا ہی چاہیے تھا ‘‘ وَر’’
اس سے سستی تو گائے آتی ہے

اُس ‘‘ نے آخر کو ہولیا خاموش’’
بات کرنی اُسے بھی آتی ہے

‘‘شعر گوئی پہ ہم ہی کیوں مائل’’
تُک (کی) بندی تو سب کو آتی ہے

‘‘دل ہتھیلی میں پیش ’’ کرتے ہی
‘‘نیک نام’’ اپنی داستاں کی ہے

روندنے کو ہی لیک (ن) آجاتے
شاعری روز کی کہانی ہے


نوٹ کیجیے کہ کس خوبصورتی کے ساتھ ہم نے لیکن کی جگہ ‘‘لیک’’ اور ورنہ کی جگہ‘‘ ور’’ استعمال کیا ہے۔ مزید یہ کہ اردو زبان کو نئے الفاظ سے روشناس کروانے کا ذمہ بھی چونکہ وزل نے ہی لیا ہے لہٰذا ہم ایک نیا لفظ‘‘ لمگشتگی ’’ بھی استعمال کیا ہے ۔ گو ابھی ان الفاظ کے معنی دریافت نہیں ہوپائے لیکن ہمیں یقین ہے کہ وقت گزرنے کے ساتھ ساتھ عوام الناس ان الفاظ کو بامعنی بھی بنا دیں گے۔

ہمیں قوی امید ہے کہ وزل کی بڑھتی ہوئی مقبولیت کے سبب موجودہ شعراء گھبرا کر غزل کہنا چھوڑ دیں گے اور وزل کی طرف لپکے ہوئے آئیں گے نیز وہ دن دور نہیں جب اردو زبان و ادب نثری نظم اور وزل کے حوالے سے جانے پہچانے جائیں گے۔

ویکی پیڈیا کی طرز پر ہم چاہیں گے کہ دیگر وزل گو شعراء بھی اپنے آپ کو اس دھاگے میں متعارف کروائیں گے اور اپنا نمائندہ کلام پیش کرنے سے نہیں چوکیں گے۔
(جاری)


۔


سپرب
 

مغزل

محفلین
خلیل الرحمن صاحب آداب۔۔
ہرچند کہ محفل میں آنے کا کوئی خاص مطلب و مقصد نہیں رہا ۔ سو کبھی غلطی سے بھی محفل کی طرف جھانک کرنہیں دیکھا۔۔لیکن شگفتہ پیرائے میں آپ نے وزل کا مقدمہ بیان کر کے ایک بھلا کام کیا کیوں مصرع ساز قافیے ردیف کے اسیر جو غزلیں لکھ لکھ کر انبار لگا رہے ہیں۔۔ ۔۔انہیں کسی طور شاعری نہیں گردانا جاسکتا سو ایسے خوش فہم غزل گو دراصل وزل ہیں لکھتے ہیں ۔ مکالمہ میں بھی عام طور یہی کہتے ہیں ’’ہاں یار جانی ۔۔ کیسا ہے ۔ کوئی غزل وزل لکھی ؟ ‘‘ سو ادب کے نام پر جو بھیڑ لگی ہے اسی طرح چھٹ سکتی ہے تاکہ کلاسیکی ادبی روایات کے تحت اور واقعتاََ ادب سے مخلص غزل گو افراد ایک جانب ہوجائیں اور وزل گو ایک طرف۔کم از کم میں تو آپ کے ساتھ ہوں ۔۔ اور انتہائی سنجیدگی کے ساتھ ۔۔ ابتدا میں دوستوں نے جس شدت سے متذکہ انشائیہ پر رائے دی وہ واقعتاًً ادب سے مخلص ہیں سو ان کا شد ت میں ہونا لازمی سی بات ہے۔ ویسے چونکہ آپ کا مزاج محض ایک ملاقات میں جان لیا تھا سو آپ کےقلم کےاس اعجاز پر چنداں حیرت نہیں ہوئی۔۔ دعاہے کہ ’’غزل گو‘‘ اور’’وزل گو‘‘ کی تفریق کے لیے آپ کی تحریر کارآمد ثابت ہو۔۔ ویسے ’’وزل ‘‘ کے بعد ’’شزل‘‘ کے طرف بھی توجہ کیجے گا آپ میری دانست میں اس موضوع پر بھی یدطولیٰ رکھتے ہیں۔۔
سلامت باشید
 
شگفتہ پیرائے میں آپ نے وزل کا مقدمہ بیان کر کے ایک بھلا کام کیا کیوں مصرع ساز قافیے ردیف کے اسیر جو غزلیں لکھ لکھ کر انبار لگا رہے ہیں۔۔ ۔۔انہیں کسی طور شاعری نہیں گردانا جاسکتا سو ایسے خوش فہم غزل گو دراصل وزل ہیں لکھتے ہیں

ادب کے نام پر جو بھیڑ لگی ہے اسی طرح چھٹ سکتی ہے تاکہ کلاسیکی ادبی روایات کے تحت اور واقعتاََ ادب سے مخلص غزل گو افراد ایک جانب ہوجائیں اور وزل گو ایک طرف۔کم از کم میں تو آپ کے ساتھ ہوں ۔۔ اور انتہائی سنجیدگی کے ساتھ ۔۔
آداب عرض ہے جناب
 
ویسے چونکہ آپ کا مزاج محض ایک ملاقات میں جان لیا تھا سو آپ کےقلم کےاس اعجاز پر چنداں حیرت نہیں ہوئی۔۔ دعاہے کہ ’’غزل گو‘‘ اور’’وزل گو‘‘ کی تفریق کے لیے آپ کی تحریر کارآمد ثابت ہو۔۔ ویسے ’’وزل ‘‘ کے بعد ’’شزل‘‘ کے طرف بھی توجہ کیجے گا آپ میری دانست میں اس موضوع پر بھی یدطولیٰ رکھتے ہیں۔۔
سلامت باشید

خوش رہیے
 

loneliness4ever

محفلین
اگر ایسا ہو گیا تو آپ اپنی وزل میرے پاس لائیں گے اصلاح کی خاطر ۔

آپ بابائے وزل تو نہیں؟؟؟
ارے عظیم بھائی یہ کیسی بات کرتے ہیں آپ؟؟؟
سچ ظلم ہی ظلم ہے یہ تو، نہیں جناب آپ غزل تک رہیں
یہ وزل اب ہماری ہوئی یہ ہم نہیں دیتے آپ کو

:baringteeth:
 
Top