1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $413.00
    اعلان ختم کریں

نہیں ہے یوں کہ بس میری خوشی اچھی نہیں لگتی - نذیر تبسم

وہاب اعجاز خان نے 'پسندیدہ کلام' کی ذیل میں اس موضوع کا آغاز کیا، ‏فروری 17, 2006

  1. وہاب اعجاز خان

    وہاب اعجاز خان محفلین

    مراسلے:
    1,587
    صوبہ سرحد کے ایک خوبصورت غزل گو شاعر نذیر تبسم کی غزل پیش خدمت ہے۔

    نہیں ہے یوں کہ بس میری خوشی اچھی نہیں لگتی
    اُسے تو میری کوئی بات بھی اچھی نہیں لگتی

    میں نفرت اور محبت دونوں میں شدت کا قائل ہوں
    مجھے جذبوں کی یہ خانہ پُری اچھی نہیں لگتی

    میں اپنی ذات میں بھی اک خلا محسوس کرتا ہوں
    تمہارے بعد کوئی چیز بھی اچھی نہیں‌ لگتی

    بس اک طرزِ رفاقت ہے نبھاتے ہیں جسے ورنہ
    بہت سے دوستوں سے دوستی اچھی نہیں لگتی

    یقینا نقطہ سنجی اک حوالہ ہے ذہانت کا
    مگر ہربات کی تردید بھی اچھی نہیں‌لگتی

    اچانک تیرے آنے کی خوشی کچھ اور ہوتی ہے
    مجھے بادِ صبا کی مخبری اچھی نہیں لگتی

    تجھے ہنستے ہوئے دیکھا ہے میں نے سب حوالوں سے
    تیرے چہرے پہ یہ افسردگی اچھی نہیں لگتی

    تبسم یہ میرا ایمان ہے جب تک حریفوں کا
    قدوقامت نہ ہو تو دشمنی اچھی نہیں لگتی
     
    • پسندیدہ پسندیدہ × 7
  2. الف نظامی

    الف نظامی لائبریرین

    مراسلے:
    13,885
    جھنڈا:
    Pakistan
    موڈ:
    Cool
    بہت اچھی غزل کہی ہے نذیر تبسم صاحب نے۔
    مجھے تو یہ صوفی تبسم کے رشتہ دار لگتے ہیں تخلص سے۔
     
    • پسندیدہ پسندیدہ × 3
  3. شاہ جی 90

    شاہ جی 90 محفلین

    مراسلے:
    4
    نذیر تبسم صاحب سرحد کے ایک نمایاں غزل گو شاعر اور پشاور یونیورسٹی کے شعبعہ اردو کے استاد ہیں ۔ اسی ماہ کی 4 تاریخ کو ریٹائر ہوے ہیں ان کے دو شعر جو میرے ان سے تعارف کا باعث بنے پیش خدمت ہیں ۔
    آس کے جتنے دئیے تھے آنکھ میں بجھتے رہے
    کتنے اندیشوں کی بارش زہن میں ہوتی رہی
    میں بھی اپنے آخری لیکچر میں افسردہ رہا
    ڈیسک پر سر رکھہ کے وہ بھی دیر تک روتی رہی
     
    • پسندیدہ پسندیدہ × 3
  4. شاہ جی 90

    شاہ جی 90 محفلین

    مراسلے:
    4
    وہاب بھائی
    سلام
    اگر نزیر صاحب کی دونوں میں سے کوئی بھی کتاب کہیں سے مل سکے تو پلیز مجھے ضرور بتائیے گا
    بہت ڈھونڈنے پر بھی مارکیٹ میں نہیں مل رہی
     
    • پسندیدہ پسندیدہ × 1
  5. فرخ منظور

    فرخ منظور لائبریرین

    مراسلے:
    12,546
    جھنڈا:
    Pakistan
    موڈ:
    Cold

    اردو محفل میں خوش آمدید شاہ جی۔ وہاب صاحب اپنی ذاتی مصرفیات کی وجہ سے اردو محفل پر اب تشریف نہیں لاتے۔ ہو سکے تو تعارف سیکشن میں اپنا تعارف ضرور دیجیے گا۔
     
    • پسندیدہ پسندیدہ × 1
  6. مغزل

    مغزل محفلین

    مراسلے:
    17,597
    جھنڈا:
    Pakistan
    موڈ:
    Dunce
    بہت خوب جناب واہ
     
  7. خوشی

    خوشی محفلین

    مراسلے:
    11,027


    بہت خوب وہاب جی خوبصورت کلام ھے

    میں نے عنوان کچھ یوں پڑھا کہ مجھے یہ خوشی اچھی نہیں لگتی بی پی ہائی ہوا چاہتا تھا کہ جان نہ پہچان اور اتنا بڑا بہتان مگر جب غزل پڑھی تو سمجھ آیا کہ عنوان بھی کچھ اور ھے
     
    • پسندیدہ پسندیدہ × 1

اس صفحے کی تشہیر