نواز شریف جوتا کلب میں شامل

شاہد شاہ

محفلین
کیا یو ای ٹی لاہور تعلیمی ادارہ ہے؟ ایم آئی ٹی؟
کسی خاص فیلڈ جیسے ٹیکنالوجی، ڈانس، ڈرامہ، موسیقی وغیرہ صرف اس فیلڈ سے متعلقہ ادارے ہیں۔ مکمل تعلیمی درسگاہ (یونیورسٹی) بننے کیلئے سیکولر و دینی دونوں علوم کی ڈگریاں دینا ضروری ہے۔
 

یاز

محفلین
کسی خاص فیلڈ جیسے ٹیکنالوجی، ڈانس، ڈرامہ، موسیقی وغیرہ صرف اس فیلڈ سے متعلقہ ادارے ہیں۔ مکمل تعلیمی درسگاہ (یونیورسٹی) بننے کیلئے سیکولر و دینی دونوں علوم کی ڈگریاں دینا ضروری ہے۔
اگرچہ میں آپ سے کامل نظریاتی اتفاق رکھتا ہوں، تاہم آپ کے دلائل بتدریج مائل بہ پرمزاح ہوئے جا رہے ہیں۔
 
کافی پرانی بات ہے۔ میں ختم نبوت کے ایک پروگرام میں شریک تھا۔ وہاں چوہدری پرویز الٰہی وغیرہ صاحبان کو بھی مدعو کیا گیا تھا۔ جب چوہدری صاحب مائیک پر آئے تو میں نے چند نوجوانوں میں ہلچل دیکھی جو انتہائی غضب ناک موڈ میں مجمع کو چیرتے ہوئے سٹیج کی طرف دوڑتے چلے جارہے تھے اور یوں کہہ رہے تھے: اسے کس نے سٹیج پر بٹھا دیا؟ یہ تو خود ختم نبوت کا منکر ہے(شاید اس سے ملتی جلتی باتیں تھیں) حالانکہ چوہدری صاحب بہت اچھی اور مثبت گفتگو کر رہے تھے۔
میں تو ڈر گیا لیکن میرے دوستوں نے کہا کہ ہم دیکھ کر آتے ہیں کہ کیا ہو رہا ہے۔ وہ واپس آئے تو بتانے لگے کہ وہاں بہت سے نوجوانوں نے جوتے پھینکے اور سٹیج کے پاس جوتوں کا بہت بڑا ڈھیر اکٹھا ہوچکا ہے۔ لیکن چونکہ سٹیج سے کافی پہلے ہی باڑھ لگا دی گئی تھی اس لیے کوئی جوتا سٹیج تک نہ پہنچ سکا۔
بہت افسوس ہوا کہ یہ نوجوان کیسی غلط حرکتیں کرتے ہیں۔
 

سید عاطف علی

لائبریرین
جوتا پھینکنے والے نے جوتا مار کر کچھ ایسے فتح کا اظہار کیا جیسے آفریدی وکٹ لے کر کرتا ہے ۔
نہ جانے اس نے "کیا" فتح کیا اس کارنامے سے ۔
 
ویسے بھی وہ جتنے "عظیم" مقصد کے لیے گئے تھے، اس کے لیے جوتے "قربان" کرنا تو شاید ان کے نزدیک بڑی بات نہ ہو۔
ویسے جوتا گردی بھی خوب سیاست ہے ،اگر زبان سے بات نا سمجھ آئے تو پھر جوتاگردی شروع کردی جاتی ہے ۔
 
جامعہ نیعیمہ میں ہونے والی اس تقریب میں شریک سنیئر صحافی سہیل وڑائچ نے بی بی سی اردو سروس کے ریڈیو پروگرام سیربین میں بتایا کہ وہ اس واقع کے چشم دید گواہ ہیں اور انھیں لگا کہ یہ ایک منظم واقعہ تھا۔
بعد ازاں مفتی راغب نعیمی نے ایک بیان جاری کرتے ہوئے متعلقہ حکام اور سکیورٹی ایجنسیز سے مطالبہ کیا کہ وہ اس واقعہ کی مکمل تحقیقات کی جائے اور ان عناصر کو بے نقاب کیا جائے جو اس واقعہ میں ملوث ہیں۔
انھوں نے کہا کہ نواز شریف سے پہلے انھیں تقریر کے لیے بلایا گیا تھا اور اُس وقت تک یہ مجمع نہایت منظم نظر آ رہا تھا اور کوئی ناخوشگوار واقعہ پیش آنے کا کوئی اندیشہ نہیں تھا۔ انھوں نے کہا کہ جب نواز شریف کو تقریر کے لیے سٹیج پر مدعو کیا گیا تو اس وقت نواز لیگ کے چند کارکنوں نے نواز شریف کے حق میں نعرے لگانے شروع کر دیے۔
سہیل وڑائچ کے مطابق نواز شریف جیسے ہی تقریر کے لیے مائک کے سامنے کھڑے ہوئے اچاناک ایک طرف سے ایک جوتا پھینکا گیا جو نواز شریف کے کاندھے پر لگا اور اس کے ساتھ ہی دوسری طرف سے بھی ایک جوتا سٹیج کی طرف پھینکا گیا۔ اس کے بعد کئی اطراف سے یہ کوشش کی گئی۔
انھوں نے بتایا کہ جوتا پھینکے والے طلبا کو جب پکڑا گیا تو انھوں نے لبیک لبیک کے نعرے لگانا شروع کر دیے اور ہال میں موجود دیگر طلبا بھی اس نعرے بازی میں شریک ہو گئے۔
ان کے بقول یہ کیفیت کافی دیر تک جاری رہی جس کے بعد مفتی راغب نیعمی کو خود سٹیج پر آ کر بڑی سختی سے طلبا کو آرام سے بیٹھنے کے لیے کہا۔
’ کئی جوتے پھینکے گئے، یہ ایک منظم واقعہ لگتا ہے‘
 
اسلام آباد (ڈیلی پاکستان آن لائن )معروف اینکر پرسن و سینئر صحافی حامد میر نے کہا ہے کہ نواز شریف کو جوتا مارنے کے واقعے کی سخت الفاظ میں مذمت کی اورکہا کہ اب یہ ریت چل نکلے گی ۔نجی نیو ز چینل دنیا نیوز کے پروگرام ”ٹونائٹ ود معید پیرزادہ “میں گفتگو کرتے ہوئے حامد میر نے ایک واقعہ سنا یا ۔ان کا کہنا تھا کہ سابق گورنر پنجاب کو قتل کرنے والے ممتاز قادری کی پھانسی سے پہلے ایک دن جمعے کی نماز کے بعد پارلیمنٹ ہاوس میں ایک شخص نے مجھے پیچھے سے پکڑا اور بڑی سختی سے کہا کہ ممتاز قادری کی پھانسی رکوانے کے لیے کچھ کریں ،یہ شخص کیپٹن صفدر تھے ۔انہوں نے کہا کہ جب میں نے کیپٹن صفدر سے کہا کہ میں اس بارے میں کیا کر سکتا ہوں ،آپ نواز شریف سے بات کریں ،تو آگے سے کیپٹن صفدر نے کہا کہ تم اس پر اپنی آواز بلند کرو اور اس پھانسی کو رکوا دو ورنہ ہم سب ذلیل ہو جائیں گے ۔ممتاز قادری کی پھانسی کے بعد کیپٹن صفدر پھر ملے تو اس وقت پاناما لیکس سامنے آچکی تھیں ۔اس موقع پر کیپٹن صفدر نے پرانی بات یاد کراتے ہوئے کہا کہ ”کیا ں سی ناں سارے ذلیل ہون گے“۔
”کیا سی ناں سارے ذلیل ہون گے “پاناما لیکس سامنے آنے کے بعد کیپٹن صفدر نے حامد میر سے انتہائی حیران کن بات کہی ،سینئر صحافی نے نواز شریف کو جوتا لگنے کے بعد تہلکہ خیز انکشاف کردیا
 

جاسمن

لائبریرین
انتہائی افسوسناک واقعہ ہے۔کسی بھی فرد سے متعلق ہو۔۔۔ہمیں اس کی پرزور مذمت کرنی چاہیے۔
 

محمد وارث

لائبریرین
احتیاطی تدبیر! :)

29066958_2013900721957941_4480993337590939648_n.jpg
 
Top