پروین شاکر نظم - زود پشیماں - پروین شاکر

[محمد وارث]

زود پشیماں از پروین شاکر


گہری بھوری آنکھوں والا اک شہزادہ
دور دیس سے
چمکیلے مُشکی گھوڑے پر ہوا سے باتیں کرتا
جگر جگر کرتی تلوار سے جنگل کاٹتا
دروازے سے لپٹی بیلیں پرے ہٹاتا
جنگل کی بانہوں میں جکڑے محل کے ہاتھ چھڑاتا
جب اندر آیا تو دیکھا
شہزادی کے جسم کی ساری سوئیاں زنگ آلودہ تھیں
رستہ دیکھنے والی آنکھیں سارے شکوے بھول چکی تھیں

 

[محمداحمد]

بہت خوب! لاجواب!

 

[محمد وارث]

بہت شکریہ احمد صاحب، ایک 'مردہ' تھریڈ کو 'زندہ' کرنے کیلیے

 

[محمداحمد]

بہت شکریہ احمد صاحب، ایک 'مردہ' تھریڈ کو 'زندہ' کرنے کیلیے

وارث بھائی

تھریڈ ضرور "مُردہ" ہوگئی تھی پر یہ نظم زندہ و جاوید ہے، ‪‪سو جب جب لطافتِ خیال اور ندرتِ بیان کے رسیا یہاں آئیں گے یہ نظم پھر سے تازہ بہ تازہ ہو جائے گی۔

 

[جیا راؤ]

بہت خوب۔۔۔!
بہت پیاری نظم ہے۔۔۔۔

 

[جیہ]

آپ سب کو پسند ہے تو مجھے بھی پسند۔۔۔۔۔۔

 

[ملائکہ]

پر مجھے تو ایسی ہی لگی ہے

اب آپ لوگ ایسے میری کم علمی کہہ لیں

 

[محمد وارث]

بہت شکریہ آپ سب کا!

جن کو نظم پسند آئی ان کا بھی شکریہ اور جن کو نہیں آئی ان کا بھی شکریہ

 

[جیہ]

یہ جنوں کا ذکر کہاں سے نکل آٰیا؟؟